本帖最後由 rcphk 於 2015-9-10 00:15 編輯
非常多謝各方好友對本場嘅支持,興趣及鼓勵. 本場使用日本京商原廠Mini-Z Grand Prix Circuit鋪砌賽道. 由於含矽膠油膠胎會殘留矽油於賽道表面, 令traction大大減低, 亦令賽道極難清潔, 所以禁止使用所有含矽膠油胎. 歡迎使用純橡膠胎及海棉胎.
藉著呢個機會順便跟大家分享下一啲常見問題.
1. 橡膠胎定海棉胎好啲?
- 其實唔一定話邊種好啲. (包括含矽膠油胎,我地禁止使用並不代表佢唔好,禁止原因以上已解釋.) 或者我地可以從一啲事實講下兩者分別.
♣ 海棉胎比橡膠胎抓地力高 (以RCP賽道講. 或以冇矽膠油佈滿表面嘅地毯來講), 所以用海棉胎車速更高.
♣ 棉胎比膠胎襟用 – 一套棉胎可玩40+排560mAh鋰電, 膠胎8至10排電左右胎紋差不多冇曬,變光頭,玩到15-20排電都非換不可. 換個角度講,棉胎由頭玩到尾,traction變化不大, 膠胎8-10排電後跌watt厲害.
♣ 棉胎唔使自己貼軨, 但冇得換軨.
♣ 棉胎須要定時調車高, 因為車胎會愈跑愈薄. 膠胎其實都會被不斷磨薄, 只係時間較長, 而一般情況下未到要調車高前早已換新胎.
♣ 棉胎連Rims一套街價約$90-$130
♣ 膠胎一套$40-$60, Rims一套約$40-$50
建議:
o 想玩快車, 操控穩定啲,易揸啲,用海棉胎.
o 想慢啲(其實都唔會慢, 只係唔夠棉胎快), 操控想像真啲,用橡膠胎.
待續... |
樓主: X-POWER
