新手改1:350 Tamiya Missour

新手亂咁改下, 多多指教, 寫下呢個post 記錄下,

登錄/註冊後可看大圖

我改左隻大和炮管可上落,,,但個方便唔係幾好,,,唔知有無人做炮管上落

草圖一幅

python 發表於 2015-3-9 15:52
草圖一幅

E個方法好正,,,不過我個炮台係一轉,3支炮分上中下咁行

咁要3層碟，每層碟控制一支炮，3個伺服各自推拉，不過冇咁大空間喎

update

登錄/註冊後可看大圖

試水, 入5200電, 船頭食水太淺

登錄/註冊後可看大圖

嘩……好正、好有氣勢。

今期工程:
假組一下, 睇下D位FIT唔FIT

登錄/註冊後可看大圖

上次落大池試水, 見到D水係因為船身食水太深, 開行turbo片彎D水大部份由後面船尾走入去, 入咗水後架船好易側埋一邊
因為水係自由流動, 當轉彎時, 船會自然側埋一邊, 如果無水, 轉完彎就會自動直返, 但有水的話, 水就係跟住走埋一邊, 就好似鉛咁聚埋邊, 咁船就永遠回復唔到平衡


於是我加隔水倉, 將水分開咗好多部份 唔比D水走去中間船底, 同埋最重要係用返輕電, 2200mah,

上星期試係咁勁片彎, 又左又右, 都無乜入水, 船自然無側埋一邊,   有好少水係前甲版入咗去, 都囚係前倉, 無入去主體, 玩咗好耐都能保持平衡, 好成功, 船身浮返上去, 見到條黑線,

https://www.youtube.com/watch?v=_gJmkS9rtZ0

登錄/註冊後可看大圖

靜態隻船好有氣勢,但一落水就变回一隻玩具船,飄下飄下,速度是有了, 也很定, 可惜缺乏了真戰艦的風釆. 真浪費了C hing 的一番心血, 我未砌過像真艦, 本想入隻試下, 但睇完段片, 熱誠冷卻了一大半. 似乎1/200像真很多.

忘記一提,配樂也很有氣勢, 但tempo 和隻船也不匹配, 請諒小弟直言, 罪過罪過

glock17 發表於 2015-4-1 15:24
靜態隻船好有氣勢,但一落水就变回一隻玩具船,飄下飄下,速度是有了, 也很定, 可惜缺乏了真戰艦的風釆. 真 ...

其實你點批評都無所謂, 反正我都係作記錄, 唔係等人認同或呃下LIKE,

不過, 你果一句 "浪費心血" 我就好唔滿意, 簡直完全否定我的工作, 所以特此回應,

我從無覺得浪費了心血, 我覺得好值得, 本來一向都玩靜態, 而家可以落埋水, 又多一個突破, 由一件唔識行的模型, 變到識行, 咁一定比靜態更像真

不過睇你都對人地作品都有好高要求, 咁真係好期待你果隻1:200 密蘇里, 記住係1.35米果隻, 唔好搞錯,   如果真係講得出做得到, 記住POST上比大家睇下

Excellent work, very nicely done indeed ... :-)

我都知你會唔高興我咁批評你既作品, 所以我話隻船靜態係超水準之作, 動力方面我相信你亦下了許多功夫,心血和時間. 因我由頭到尾都有欣賞你砌船的過程. 我只想嘆息一句原來下了咁多心机, 隻船一落水行完全唔係我想像之中咁像真,可能就是比例問題. 1/350 隻船本身輕, 但又長, 在池中有d 拋下拋下既感覺. 而且速度快得黎冇船頭破浪既風釆, 所以有点兒失望, 與 C hing 手工無関. 我無意砌隻1/200, 亦自問冇此功力及心机,若 C hing 有不開心之處, 請多多包涵及見諒.

超重又浸過咗水線，輕又會拋下拋下唔定，係幾傷腦筋。

skyhawk 發表於 2015-4-1 12:00
上次落大池試水, 見到D水係因為船身食水太深, 開行turbo片彎D水大部份由後面船尾走入去, 入咗水後架船好易 ...

師兄  手工好  soundtrack  又正   期待  新艦下水禮     

https://www.youtube.com/watch?v=VrEvks25Dtc      
呢隻如何,是否都是1/350 ?

首先多謝上面ching 誇張!!  我會繼續努力

python 發表於 2015-4-1 20:21
超重又浸過咗水線，輕又會拋下拋下唔定，係幾傷腦筋。

係, 我都好明白, 大家都係玩緊DIY改船, 遇問題係一樣,

除非好似上面個Youtube,  係個大湖玩, 水平如鏡, D浪片完即係散走, 咁真行得一定好定啦,

係細池玩, 行幾個圈就會搞到浪濤四處, 按返比例, D浪都幾米高, 要破浪海盜船咁好正常

glock17 發表於 2015-4-1 21:38
https://www.youtube.com/watch?v=VrEvks25Dtc      
呢隻如何,是否都是1/350 ?

係1:350 人地都寫都得好清楚,  你睇返人地玩果度水平如鏡, 效果當然好唔同,

不如你都玩下水, 你就知到當中問題!!  期待你隻新船快D下水, 比大家欣賞下船頭破浪D水花有幾勁!!  等小弟學下嘢都好!!

                               
登錄/註冊後可看大圖