awesomatrix A700 evo

有冇師兄已入手？

好想但是己入了Ex版

我舊年8月喺食足出兩㗎A700EX。雖然扒文話呢㗎車唔使補，但假嘅。先砌一㗎落地試，砌啲嘢雖然準但啲嘢仙女散化咁極唔好砌。套牙差直頭原裝行唔到，兩排電内掃牙。跟手訂parts等咗兩個月都未有，要嘈到去rc tech搵俄羅斯老細幫我追，最後認識本地師兄義助㗎車先可再落地，但已經晾咗車兩個月。啲parts每㗎車補咗兩千。好喇11月開埋剩低嗰盒砌先發現冇咗快2樓，email咗成個月到依家都仲未寄返俾我，又晾喺度。parts難買要自己備唔在講，仲覺佢越來越屈錢。佢個GD2牙差講到點好點耐用，七舊幾水原來剩係買個殼，裏面原來係用XRay牙所以耐用但牙唔包要自己買，計條數即係個牙差8舊幾。仲要新款車唔包呢隻新牙差殼，即係又要補先落得地。最好笑係佢地美國代理賣一舊海棉頭泵把成百六蚊港紙，真係用咗撞車唔爛咩？

講番FFG佢用呢套嘢即係放棄咗呢㗎車當初吸引人買兩個特點（即横摩打軸車，同鼓式油壓）其中之一，且佢嘅設計擺直摩打嘅死穴係用唔到大過98齒（64p）嘅大減牙。
車係好車好灣，窄路多灣場真係冇得頂，我架車精神時落10.5T喺灣唔輸啲4.5，所以佢鬥stock大turn數比賽實贏晒。但車太玻璃，啲parts太幼細，普通車冇事嘅碰撞呢㗎車要換嘢。佢嘅波子下A臂一樣會跳波子，但一跳就成組避震一齊散啲彈弓片一搵唔番又要買過。我呢啲冇時間粗車唔鬥車剩係有時間就去JV偷跳同友好片吓3至5去kws買到成屋係嘢但只可夜晚12點後攞出嚟砌嘅人，唔多啱。因為咁，台灣廠溜我，俾特價我都唔出。我個人選摘咗12月一氣買咗T414，TRF418同BD7-2014，起碼買得高興玩得開心，唔使煩等parts。兩㗎A700EX就咁繼續晾喺度。

blackshark3 發表於 2014-1-7 23:23
我舊年8月喺食足出兩㗎A700EX。雖然扒文話呢㗎車唔使補，但假嘅。先砌一㗎落地試，砌啲嘢雖然準但啲嘢仙女 ...

即係一個自己隊死自己GA牌子？

咁我又唔覺佢自己隊死自己嘅，佢嘅設計係有特點，某啲地方亦都唔差，佢有佢嘅擁躉，不過唔啱我啫。我聽講佢最初想賣設計俾大廠生產但可能講唔掂數啩，如果大廠生產，包裝好啲，貨供應鏈好啲，佢應該好賣過依家，唔再係小衆之車

好彩見到你個post同kws已冇貨……諗諗下又身痕开多盒T4.我刀好憎身驕肉貴的車……

師兄，我就係最初睇到佢嘅設計短片，咁啱香港有貨，先落蹋，但買咗先知死。6千蚊個車架唔係問題，問題係parts貴又冇後援，嘢嘢要網上訂等台灣寄過嚟，蚊瞓啦！好似我呢個偷跳車手，又住市區，要有得玩只有上JV，唔可能再好似約10年前咁揸成個鐘車入ACO為玩車仲有隻櫃慢慢撚。所以同我啲有相同處景嘅朋友都好鐘意T4，講真佢唔係最好灣，但夠硬淨，唔使點整，放落地就行得唔差，parts易買，補品大把，一買兩架，加十零排電上JV，最緊要有得玩

呢部車可以係話富豪買zonda擺屋企不切實際玩設計既車,真唔明黃sir入咁多真係有人玩咩?

我諗我刀会買架黎擺……六千幾有zonda...不過還是等rev版

parts 上綱訂都好快，此車有design,唔會八百同四千都一樣樣,gd1牙差都ok,唔一定要換gd2

隻evo版只可行17.5以下麼打……錢多都要等一陣……

trf415msx 發表於 2014-1-8 17:43
隻evo版只可行17.5以下麼打……錢多都要等一陣……

點解一定要17.5以下

大減size問題

吾記得佢講乜、好似話行modify会爛波箱之類

trf415msx 發表於 2014-1-8 20:33
吾記得佢講乜、好似話行modify会爛波箱之類

我未聽過FFG佢唔行得modify，説明書都冇咁講，但佢設計局限咗大牙唔可以大過98齒（64p），呢樣就窄啲。但買Zonda俾個行2波會爛嘅波箱我，要我補先有個波箱行到6波盡雞呢個先係問題。我可能唔識砌，但一個牙差兩邊杯冇pin鎖住靠個o-ring啜住，除非條狗骨一直頂死個杯啫，唔係點會唔褪出嚟？個o ring可以啜得幾死？就算真係啜得死個牙差可以有幾順？我真係唔明㗎車呢個牙差問題，同廠反影咗，但佢新車照包舊牙差唔連嗰包可以根治問題嘅parts用心為何。

至於正面啲講，呢㗎車嘅設計真係好劃時代，唔同依家啲帶車唔係抄X就係抄Y。軸車嗰種順滑，過灣個啲反應，真係帶車唔及。呢㗎車因為個鼓油壓令架車重心低晒，加埋軸傳動喺灣真係贏晒。外國網有人傳話問Voelker要佢自己俾錢買車佢買呢架去鬥stock，試過架車就知未必係假。同樣手指，呢㗎車係stock或窄道多灣場真係贏到冇朋友，睇下youtube啲鬥stock賽嘅片就見呢款車有幾勁。所以就算我當日冇parts，鬧住去買spec R牙自己執去頂住先，每次玩唔夠兩排電個牙又掃又要整過都要玩下佢就係因為佢真係好走。我唔恨㗎車玻璃，但覺佢可以做好啲。以佢嘅價錢都可以吸引一堆歐美人買，佢做得好啲香港唔難見多啲佢嘅蹤影。6千幾一個車架，香港好多人買得起

睇完大概C hing 的問題係GD1同買零件2大問題

GD1我有2個，一個原裝膠齒用杰油擺頭，用左過百餅電。
試過用spec-R膠齒要磨細齒，稀油擺尾，掃了二次。買了金屬齒，攝介子，調好鬆緊，掂
牙差油不要太多，不要跟說明書的份量，足夠細齒潤滑就好了，否則油多了流出O-ring就會令狗骨杯退出

零件我e-mail俾台灣模型鋪，只要有貨，兩日順豐就寄到，免運費。我買定D高危的零件，玩一部車，ok無問題

我玩5.0T，摩打擺直，直軸用了damper

用過佢隻密封珠差，掂喎

玩車最緊要開心，希望幫到C hing

ricekwan 發表於 2014-1-9 10:09
睇完大概C hing 的問題係GD1同買零件2大問題

GD1我有2個，一個原裝膠齒用杰油擺頭，用左過百餅電。

樓主你都係等D有車D有車D ching覆你好D

個位好  本人為香港與中國之官方授權正式代理  正式官網將於近日內發表 希望未來能提供玩家迅速又直接的服務 目前如有疑問可以經由以下的電子郵箱直接與我聯繫  [email protected]  
之前有"水貨受害者"的事件我方全力提供的協助相信應該已展現最大誠意  目前本人同時兼任Team Awesomatix Asia Team manager 與車隊技師一職  大部份的問題應能直接回答   
EVO 的優勢是在於對應大動力的車種而開發的 傳動系統的扭力不會影響到底盤的扭動  17.5以下的小動力車種反而感受此優勢比較少  以上只是真對FFG而言
其他的優勢相信有目共睹不必多言

blackshark3 發表於 2014-1-7 23:23
我舊年8月喺食足出兩㗎A700EX。雖然扒文話呢㗎車唔使補，但假嘅。先砌一㗎落地試，砌啲嘢雖然準但啲嘢仙女 ...

請問您"原買處"有跟您收短少零件的錢?

rcpinky 發表於 2014-1-9 18:53
個位好  本人為香港與中國之官方授權正式代理  正式官網將於近日內發表 希望未來能提供玩家迅速又直接的服 ...

太好喇