SNRC新青少級中軸兜車DK6

早幾日同大家講過，嚟緊國內青少年賽多咗兩架新車加入，今日就正式收到SNRC俾資料我地，可以睇下佢地呢架新車。



SNRC之前出嘅皮帶車R2同R3，仲有MTS等都應該有唔少人試過，今次就係佢地嘅1/10嘅軸車。咁因為國內青少年賽規定係要行軸同埋膠兜，所以佢呢架可以話係用返佢地之前DK4嘅零件變種出嚟成為DK6。






我諗一望埋去最大特式就係佢摩打嘅布局係放係中間位置，SERVO同電變放車頭，電就用SHORTY電，加埋個中差速，有啲似係一架BUGGY嘅布局。至於前擔唔似其他咁，佢係行波子擔，油壓係超重心式設計。








整體嘅設計相比起現時飛神同瓦迪頓比又係一個唔同嘅世代嚟，可調整性同中天雷神有得FIGHT。個人意就比較擔心佢中差速會增加重量同令架車比較推，不過SNRC設計遙控車相當有經驗，未來會唔會出個中直濕應該一啲都唔奇。車架咁嘅布行出嚟會點都好想試下，話晒田宮TBEVO都試過出類似嘅LAYOUT布局。

價格方面暫時未知，我個人都好有興趣試下佢，睇下佢係香港膠軸車杯嘅賽例下，戰鬥力會唔會同中天或全改TT02有得揮。

#SNRC
#司南模型
#DK6
#駕馭未來