田宮會長田宮俊作離世

田宮老闆田宮俊作係七月十八日離世，享年九十歲。
佢早前嘅靜岡模型展，田宮俊作先生仲有出席同大家講下未來嘅市場情況，精神都仲係唔錯。

田宮老先生田宮俊作其實係田宮嘅第二代人物，並唔係開創田宮模型嘅人，田宮嘅創業者係田宮雄義。但係佢對田宮模型嘅發展方向，仲有對玩具模型界可謂貢獻良多。
不過早係廿年前，田宮老先生其實已經有意搵接班人接棒，搵咗佢女婿田宮昌行領軍。田宮昌行未坐前係田宮美國發展得相當唔錯，TRF都係由佢搞出嚟。
可惜係2017年不幸離世，最後又係由田宮老先生接返手繼續經營。

因為田宮唔係上市公司，係私人機構嚟，所以未來會由邊個人掌權，相信都會好影響田宮嘅未來經營方向。暫時嚟講應該就係由佢地第二號人物，孫女婿田宮信央掌舵。


非常多謝田宮老先生為模型玩具界嘅貢獻，希望田宮俊作老先生安息。

https://tamiya.com/japan/pressre ... pEfhxKUoNh6U9BhXrJw

登錄/註冊後可看大圖

感謝田宮先生，遙控車真係好多人都係由玩田宮車開始，我亦有砌1/35坦克車同油兵仔。
田宮俊作先生一路好走