PS油問題

想請問各位巴打，除了田宮的PS油可以噴透明殼外，有否其他廠有出過可以噴透明殼的噴油呢？
因我之前死不信邪，買了TS油，結果..... 要買化白水洗殼。因為我諗住只要磨了殼，啲油就會「食」實啲個殼.....很可惜，代價就係3罐噴油.....
其實我點解要買TS油，係因為PS油冇我想要隻色.....我想要既係深藍色(我上次買的是TS-53 Deep Metallic Blue)....而隻PS16就太淺色了....

所以想請教咁多位巴打，有乜解救....

千萬個謝~

罐仔油就真係好似冇其他選擇......但係你可以買faskolor樽仔油自己溝.....再用噴槍噴...........
其實用罐裝就當然冇咁多選擇o架o勒.......

慘，冇噴槍...又唔想咁麻煩.....
其實我一直想問，以前田宮未出PS油時，我都係好「是但」咁買啲罐仔油噴，只要磨完個殼後噴，啲油一樣係食得好實。我唔係好明點解依家照做都唔得，係唔係啲透明殼既料唔同咗呢？奇怪...
唔知咁多位巴打有冇試過用郡士油噴殼？

[ 本帖最後由 aluminium283 於 2007-6-11 14:53 編輯 ]

其實TS油都噴倒....
不過就唔好噴到去殼邊最好有PS油包住...因為全TS會甩少少油就甩到好勁
如果噴深色係可以薄噴一層PS-31 SOMKE再慢慢噴你想要個隻色(最好係比你想要個隻淺D)
重點係要上左PS油先上TS....上左TS先就會俾PS D油整爛....
郡士油噴都得...但就更加唔可以噴完再噴PS