RC EVOLUTION - 遙控工房 - 香港RC遙控車討論區

 找回密碼
 新玩家註冊
搜索
查看: 468|回復: 6
收起左側

總係有啲人唔明白爭論講粗口就輸

[複製鏈接]
 樓主| AMAT 發表於 2022-8-2 17:43:32 | 顯示全部樓層 |閱讀模式

遊客登錄

您需要 登錄 才可以下載或查看,沒有帳號?新玩家註冊

x
呢個世界硬係有一啲人,係同人嘈果時,講多兩句就講粗口。
坦白講,你話日常生活加一兩句做下助語詞呢,其實就冇乜問題。
但係如果一同人嘈時,講唔夠兩句就要搵粗口嚟話人,只有兩個可能性:
1. 個人冇文化,識得字少
2. 冇道理講到,就只有講粗口嚟兇人

遇着呢啲人,我通常都由得呢啲人講,因為佢講幾多粗口,其實都不能損人一分,
佢以為自己佔咗口舌之爭,其實從旁人眼中,只會覺得呢個人,冇文化,連基本嘅理論都做唔到。
更重要係,一講得多就收唔到制,係咁講,開始人身攻擊人地,連半分道理都冇埋。

有啲人以為人地怕佢講粗口,講完就會驚。
坦白講,我對呢啲人真係理得佢,由佢講,講完又唔係事實。
最好係你講大聲啲,成條街都聽到,咪睇下邊個人失禮啲。

所以,係大街大巷,冇必要真係唔好講粗口。
覺得唔啱,解決唔到,你可以搵警察,你可以搵管理嘅人解決,而唔係粗口爛舌。

其實咁嘅行為同埋三歲小朋友唔買玩具係到大吵大鬧冇分別。
幾廿歲人做啲兩三歲做嘅行為,失禮。


ROVER123 發表於 2022-8-3 10:43:13 | 顯示全部樓層
哈!講粗口文化到呢新一代,不論"飽讀詩書", 或"為人師表"者!不論少女,都可以滿口粗言! 毫無羞恥感覺.....
 樓主| AMAT 發表於 2022-8-3 23:47:11 | 顯示全部樓層
ROVER123 發表於 2022-8-3 10:43
哈!講粗口文化到呢新一代,不論"飽讀詩書", 或"為人師表"者!不論少女,都可以滿口粗言! 毫無羞 ...

粗口作為助語詞,係年輕一輩人嚟講,其實冇乜特別。
可能我地細個都係咁講,簡單嚟講就係覺得型,覺得自己大個。

但係過咗一定時間之後,就會慢慢戒咗唔講,或唔講咁多,因為,表達情緒,程度,仲有好多形容方式,
犯不著下下都粗口嚟做助語詞。

不過我覺得如果同人爭拗,三句唔埋兩句就忍唔住用粗口話人,咁就真係無謂。
影得個人好LOW。
ROVER123 發表於 2022-8-4 00:22:54 | 顯示全部樓層
AMAT 發表於 2022-8-3 23:47
粗口作為助語詞,係年輕一輩人嚟講,其實冇乜特別。
可能我地細個都係咁講,簡單嚟講就係覺得型,覺得自 ...

..樓主可能較少睇好多所謂年捎青"網紅"YOUTUBER,男女都不時刻意夾雜粗口,認為較為"親民",亦好多受美國電影粗口文化影響!而最記得早十幾年前就由一隊LMF BAND,以粗口歌開始成為"潮"風!正如今天"紋身"都已經等同"飾物"普遍,記得19年暴動就滿街都係『吊蝦擦蟹』之音!
mercedes 發表於 2022-8-4 17:13:14 | 顯示全部樓層
我都覺得平常對話時,粗口係最好唔講,冇乜意思。在太勞氣時,用粗口發洩一下,ok吧!
 樓主| AMAT 發表於 2022-8-5 10:12:02 | 顯示全部樓層
mercedes 發表於 2022-8-4 17:13
我都覺得平常對話時,粗口係最好唔講,冇乜意思。在太勞氣時,用粗口發洩一下,ok吧! ...

粗口自己發洩OK,但係同人理論時講就應該盡可能避免。


人地如果走嚟理論時同我講粗口,我一定同佢擺爛,因為都唔係為解決問題。
如果係為解決問題,就應該平心靜氣嚟大家傾,而唔係開口又爆粗,埋口又爆粗。
crazy88 發表於 4 天前 | 顯示全部樓層
本帖最後由 crazy88 於 2022-8-10 23:48 編輯

有時去gym room 做gym 見到好多二十幾歲人大大聲講野, 普通傾計都夾雜好多粗口, 以為自己好型, 但我係側邊聽到都覺得好煩, 都唔明佢地諗詳, 公眾場所交談都勁講粗口, 又大聲, 真係覺得不知所謂, 有時真係想開口收佢地細聲D, 我覺得佢地自己圍內傾計講幾多粗口都無問題的, 問題係公眾所都要大大聲咁講, 真係好煩, 有時都想叫佢地收聲, 但又唔關自己事。
您需要登錄後才可以回帖 登錄 | 新玩家註冊

本版積分規則

手機版|小黑屋|RC EVOLUTION - 遙控工房

GMT+8, 2022-8-14 10:48 , Processed in 0.044966 second(s), 15 queries , Gzip On.

Powered by Discuz! X3.2

© 2001-2013 Comsenz Inc.

快速回復 返回頂部 返回列表