[工房吹水報]同你吹下水 - コロコロ x 田宮

估唔到出片之時，田宮2020出完Super Dragon復刻遙控車，跟住又嚟復刻Fire Dragon。其實無論Super定Fire，都係田宮係九十年代同コロコロ(Corocoro)漫畫合作出嚟。所以唔少人以為田宮同コロコロ合作只係四驅車，其實遙控車都有唔少。

正值田宮有復刻，コロコロ又推出佢地嘅"創刊傳說"系列講返呢一段合作關係，我地就講下九十年代到宜家田宮同コロコロ嘅合作漫畫。

都係食老本，賣回憶。

itsandrew 發表於 2020-12-23 19:45
都係食老本，賣回憶。

宜家賣小朋友市場比以前難得多，因為小朋友都唔再睇漫畫，就算睇都未必花錢睇。
買玩具亦都未必係因為漫畫。

正所謂一年有幾多鬼滅之刃?就算鬼滅都係大人睇得多。

作為一間漫畫公司，唔食老本，真係分分鐘死得。

仲有唔係間間都食到老本。

同大家補充返小小，畫"RAJICON BOY"嘅大林KAORU，其實除咗畫"RAJICON BOY(ラジコンボーイ)"外，佢之後都用聖龍畫咗另一套同COROCORO合作漫畫短篇，叫"RAJICON RICKY(ラジコンリッキー)"，所以點解田宮出果架紅色聖龍，係有個RICKY字樣。RAJICON BOY果架，係藍色，就只係出咗四驅車。故事亦都係由COROCORO連載。

而另一位提及嘅德田恐龍，佢係1992之後其實係有出過短篇，其中一個係叫"風之RACER俠(風のレーサー侠)"，係屬於"達修四驅郎"嘅外傳，設計嘅車亦都有推出到四驅車版本。1995有另一個短篇叫"DASH BOY天(ダッシュボーイ天)"，亦都係另一個四驅郎嘅外傳故事。兩個短篇同樣地都係由COROCORO所連載，田宮亦都有推出有關嘅四驅車。但中風過後身體已經返唔到去好似以前咁，所以只能完成一啲短篇，唔可以好似以前咁做長篇連載。

另外，繪畫"AVANTE兄弟(燃えろ!アバンテ兄弟)"嘅漫畫家，亦都係之後繪畫"爆走兄弟(爆走兄弟レッツ&ゴー!!)"嘅こしたてつひろ。"AVANTE兄弟"其實可以話係こしたてつひろ同COROCORO係"爆走兄弟"出之前嘅試水溫作品嚟。