所有動物生來平等，但有些動物比其他動物更平等。

海洋公園 6.13 重開　書展如期 7 月舉行　入場不受限聚令限制
https://www.thestandnews.com/society/%E6%B5%B7%E6%B4%8B%E5%85%AC%E5%9C%92-6-13-%E9%87%8D%E9%96%8B-%E6%9B%B8%E5%B1%95%E5%A6%82%E6%9C%9F-7-%E6%9C%88%E8%88%89%E8%A1%8C-%E5%85%A5%E5%A0%B4%E4%B8%8D%E5%8F%97%E9%99%90%E8%81%9A%E4%BB%A4%E9%99%90%E5%88%B6/?fbclid=IwAR12Czdd5wi-gon_Vqf6jNnMYpaTy1cKzJ0r96_orrZ9wpaCm9lPcLpBw0o#

海洋公園播毒就OK，書展播毒都OK，但係大家想自己搞下活動呢，就受限聚令限制。

大家都等緊限聚令過搞遙控車比賽，今日政府就話俾大家知，佢地搞嘅活動，就算多人到爆，都係唔受限聚令限制。

其實佢咁樣講出嚟，係咪想俾人再鬧爆多啲佢地呢?定嫌民望未夠低呢?

唔知你有無從頭到尾聽晒全個對話？有的話就會發現「立場新聞」斷章取義加劃蛇添足！

不如跟以下地方做一些於設施內的人數及人流管控比較一吓：
- 戲院
- 食肆
- 商場
- 車箱

pecky38 發表於 2020-6-8 23:06
唔知你有無從頭到尾聽晒全個對話？有的話就會發現「立場新聞」斷章取義加劃蛇添足！

不如跟以下地方做一些 ...

我諗閣下都冇明白個重點。

宜家好多車場因為限聚令問題，唔可以搞活動。
好多啲PLAYHOUSE唔可以正常營業，因為一個遊戲設施根本做唔到咩隔住玩。

大家都等緊鬆縛去營業返。

如果用佢話限聚令嘅講法，大家用同一個目的去一個地方就唔得，多過八個人就唔得。
咁大家一齊去海洋公園算唔算有同一個目的?
大家一齊去書展算唔算同一個目的?

咁點解要搞一個活動就唔可以先?

我係車場搞個比賽都要受限，你搞個書展就得?
請問你一個書攤點樣隔住八個人?入去一個攤時就算得八個人，點樣可以保証有效距離?

車場係有開有得玩，但唔可以搞活動，明唔明?
公園係開放但啲遊樂場係封晒，明唔明呀?
因為好多設施都唔可能做到佢地所謂有效距離。
戲院都隔行坐，但你個爬架點做?

同樣道理，一個海洋公園點去做呢個隔離間距?最後咪又係大家自由行任行。
如果佢地覺得防疫做得好到開返海洋公園同書展都得，點解其他人仲要受限?
我可以搞活動架，咪分好八個人一組囉，點解唔得先?
淨係書展海洋公園先識呀?

唔係斷章取義，係分明大細超。

如果佢認為防疫仲未做得好，仲要限聚，就唔該唔好做啲自打咀巴事情。
如果佢認為防疫做得好到可以去海洋公園，仲要搞個小朋友，老人家，一至六月生日係免費嚟吸引人，就唔該取消限聚令。

AMAT 發表於 2020-6-8 23:49
我閣下都冇明白個重點。

宜家好多車場因為限聚令問題，唔可以搞活動。

非常同意你這個出發點的問題！這個世界無可能完全公平，但要睇你有無下功夫去應對或解決、必切性、平衡利與弊，等等。

你有無想過其實有可能得呢？我公司就正用(額外)二十萬，包括用公關公司及一切事前、當中、及事後防疫及追蹤安排，同政府商討准許進行一個二百人的必切性活動。雖然到現階段未知結果，但進展良好。無論限聚令可能就快完與否，已不是我們的主要考量！

pecky38 發表於 2020-6-9 00:22
非常同意你這個出發點的問題！這個世界無可能完全公平，但要睇你有無下功夫去應對或解決、必切性、平衡利 ...

閣下公司有底仲可以攞錢出嚟同人deal，好多公司已經頂唔順白交租要執笠。

唔係好多中小公司有呢個實力仲去同政府deal。

係一個連遊樂場都唔開俾人玩嘅環境，可以開個主題公園俾人玩。邊個口邊個有say已經顯而易見。

連一定唔會戴口罩公眾泳池都開返，仲鬼咁多人去

貴姓黃生 發表於 2020-6-9 07:54
連一定唔會戴口罩公眾泳池都開返，仲鬼咁多人去

泳池都開得，雖然話限流，但泳池口罩都唔駛戴，仲要浸住同一缸水，仲高危。

你邊個場搞遙控車比賽限聚令 ?

浸住同一缸水，仲高危? 落重漂白水點高危?

唔好成日插政府啦,民望高低睇下遇著咩黃藍人啦,海洋公園書展最好唔好開,學唔好返咁就合你意

well, 或者咁解說啦....1) 基於大型商業活動或機構，唔想又怕但而迫於經濟又或民生活動要重啟下....2) 另一考慮會係暴亂會借勢再聚集... 其實全世界都一樣咁慘不忍睹...大家都真係要再忍一忍耐！希望香港在最難一關『國安』後....天下太平、歌舞昇平、RC齊齊有得玩！

想請問點解政府政策有問題唔好講呢?
政府係由市民俾錢交稅，佢改唔改一件事，但俾錢交稅連話下佢都唔得呀?

家陣個重點唔係想唔想海洋公園開唔開或返唔返學，係唔應該一啲咁大型啲公園，入場人數咁多就可以俾人開返。一啲私人機構搞活動，又或者公園遊樂場都唔開得，足球場果啲一樣唔開得。屋企附近幾個足球籃球場都一樣封晒，冇開過。
呢個係一個唔公平同根本上就有問題嘅政策。

如果認為一個咁大型嘅設施都開得，就應該俾人開返遊樂場，俾人搞活動。

車場宜家係開放，但係唔可以搞比賽。
如果車場搞一個活動比賽唔得，點解書展又開得?

呢啲咪叫做唔對等邏輯囉。

所以呢啲梗係要鬧啦，自相矛盾。

唔係叫人唔好開，係你開得果啲樂園書展就應該要俾其他人都開返搞活動。

呢個問題係咩嘢黃藍根本冇關，係政策明顯有問題。唔通黃先搞活動，藍唔搞嘅?
講藍，一大堆藍到發紫遊行社牙痛咁聲話點解海洋公園開得仲要有限聚令，令佢地想搞啲平價本地遊都唔得，八個人點租車?
人地連唯一想做本地市場生計都冇埋，有冇人可憐過佢地?俾7500夠頂四個月?定下下叫人轉行?咁疫情過後仲有邊個做導遊業?
如果咁都唔明就真係唔好講落去，晒時間。

支持樓主，政府大細超，什麼人人平等，變成謊言

在限聚令之下，如果遙控車比賽這個活動是符合香港大多數人的公眾期望，相信政府會比你舉辦的。

所有動物生來平等？在有生有死這方面來看，是對的！

https://hk.on.cc/hk/bkn/cnt/news ... aSG-R2L7MTNE1rkaIUI

搞比賽啦

係咪真係搞比賽㗎？

終於忙完！返黎睇見好多分享，係好事！

其實最緊要係細心了解規管內容（如何管理）及主旨（如何控制）。例如只給會員參加及如何掌握會員資料及動向。當然要小心訂製如何處理及使用每一項資料。未係會員就立刻參加成為會員囉！

有一點非常重要，就是盡量不提供共用的設施/設備，除左場地每個不同的部份如何控制社交距離之外，洗手間的運作都要清楚修訂。

我地公司個活動就係這樣可以進行及收到數百個新會員！

ROVER123 發表於 2020-6-11 19:01
well, 或者咁解說啦....1) 基於大型商業活動或機構，唔想又怕但而迫於經濟又或民生活動要重啟下....2) 另一 ...

全世界都係，能幫助重啟經濟是一重要考慮！如果你能說出遙控車比賽如何幫助重啟香港經濟，一定有分加！

最後個post係6月26日，呢兩日個案已經出返嚟，室內不限但室外限，已經冇邏輯。