試幾兩三日呢支Bosch Go2,分享返小小心得。
基本嚟講,佢原裝跟啲頭係唔啱遙控車用,因為連2.0同1.5都冇,買頭就必然。
試過Arrowmax同Traxxas批咀,兩隻都可以同Go2 match到。不過Traxxas就比較款齊,由公咀同母咀都有,即係由六角批同拆絲母都齊,同扭完冇咁易甩出嚟。但Arrowmax應該係用彈弓鋼,相信襟啲。Yeah Racing都有出仲同Arrowmax一樣外觀,但RCmart價Yeah Racing貴過Arrowmax。Arrowmax有出螺母頭,但就要散買。Hudy都有出,我遲下應該會入一套。批咀不宜買太cheap,因為電批有返咁上下力,質量差嘅咀係會因為同六角頭接觸唔夠好而扭塌螺絲,所以唔好買cheap貨。
講返扭嘅感覺,上螺絲螺母,基本用最鬆果個位就ok,無論螺絲螺母都夠實。但如果係混炭膠料,就要用第二格。其他膠料建議先攻牙再用佢,但唔好用佢嚟攻牙。至於拆螺絲,建議係扭一格多啲扭力,唔係扭唔出。扭螺母如車轆果粒,就要用兩格。
基本嚟講,扭上去扭塌螺絲頭機會唔大,鐵,鋁,鈦都試過,只要用最輕扭力果格都冇問題,去到盡都停到冇問題,我用手再扭都係好小好小再扭到,基本係夠。但扭出嚟就反而要小心,尤其是一定要批頭係入晒個六角位,否則佢一出力就會扭塌你個六角,鋁同鈦就更明顯。呢個一定要留意。至於會否扭塌螺牙,鋁件唔會,膠件如果已攻牙嚟上都唔會。但冇攻牙嚟扭,又或者裝拆多次,就好難保喇。建議扭膠唔好用壓力扭動,用襟開關嚟扭為佳,至少一到即停。
整體嚟講幾好用,但細緻度係唔及人手扭果下咁有質感同感受到螺絲牙情況。但遇著裝拆多嘅情況,佢係幫到手嘅。
|