INFINITY新車

登錄/註冊後可看大圖

似Destiny 嘅概念！

千篇一律

AMAT兄，這新車設計是不是摩打連中齒座一同向前移了一點？謝

speedo 發表於 2020-1-12 11:45
AMAT兄，這新車設計是不是摩打連中齒座一同向前移了一點？謝

個設計應該係中置設計，但就再移返後，將摩打ALIGN返去個電池尾位。

呢個設計可以令到尾皮帶唔會過短，做成比油過速，後呔OVERHEAT太快，但又可以好似中置咁，有柔化比油效果。

其實呢個設計理論上會好過中置。不過就唔會前後皮帶一樣。

多謝AMAT兄指教

登錄/註冊後可看大圖

了無新意，都係四個碌，應該加對翼

今日出部摩打大齒推前D，聽日又出部推後D

競賽級的遙控車，往往就是微調，甚至設計的不同，可帶出很大的分別

其實一架車設計，好關係到設計果個人同賣嘅市場。

中置其實係最啱大多數人，無論係中置PULLEY或中置摩打，因為易走，灣好，對一般人嚟講係好好揸。

但去到更高級嘅車手，可能就真係要睇每個人手勢，有啲人鍾意摩打後啲，有人鍾意前啲，有人鍾意尾皮帶長啲。
因為有啲人灣操控快，有啲人鍾意直路等等.......

唔同人其實有唔同結果。

一間車廠嘅廠車手係啲咩類型車手多，自然出嚟架車設計會有啲分別。

不過我個人暫時咁講，唔計INFINITY同HB架車未出，淨係XRAY中置同BD10中置，揸出嚟都好唔同，BD10係好走好多。但唔係兩架都係中置咩?唔係一樣咩?就係唔一樣。

依家講到中置PULLY中置摩打咁好, 一開始唔做? 中置好難設計咩?

以前電丶motor丶電變同現在一樣？覺得廠家呃你錢咪去買架二手中置都係仟零蚊，玩完覺得無分別咪放返出去當拎個體驗

cc4321 發表於 2020-2-24 08:40
依家講到中置PULLY中置摩打咁好, 一開始唔做? 中置好難設計咩?

十幾年前係無刷摩打嗎?十幾年前大家用鋰電嗎?
仲有十幾年前大家係用LOW PROFILE SERVO嗎?

一架車設計唔係話，啊，咁設計就咁設計，係因應住時勢，當時科技發展而改變。

最簡單嘅問題，十幾年前嘅NIMH電重量，同宜家重量相差幾遠，你如果用返十幾年前啲NIMH電放落去宜家啲中置，分分鐘左右灣添。
另外以前啲有刷，同今日啲冇刷比，速度，扭力等等都唔同晒。以前啲摩打未必去到一個大扭力到令架車會打滑唔夠TRACTION，宜家已經會。

田宮出過中置O架，TA05，但點解最後改?係因為當時電池重，而摩打左右兩邊平均唔夠好，結果架車太推，灣唔夠快。
但要記得果時仲係講緊用頭單，唔係宜家用頭直濕。

仲有，十幾年前仲係用緊車架設計係講求硬，宜家係講求扭，又係成個要求唔同晒。

你試下用返十幾年前啲車啦，宜家行推到喊。

時代唔同，科技唔同，如果唔理解當中發展問題，純粹係話以前唔做。
十年前有鋰電啦，唔用20A充?點解宜家要可以用20A充呀?
十年前有無刷啦，點解宜家啲電變有TURBO以前冇?你試下用十年前啲無刷摩打嚟行TURBO睇下燒唔燒啦。

咁不如話宜家手提電話咁方便咁好，點解幾廿年前唔做?

只係問下點解唔一早有咁設計啫, 反應大到好似要殺你全家, 唔明問下交流下先係良性發展, 一味自以為自己識你唔識就收聲喇, 唔怪得咁小人上黎

Hi cc4321師兄, 其實中置廿年前都已經有, 例如OVA

上世紀90年代都有ta05咪又係中置後來前面改成水平油壓, 都唔係新鮮設計

cc4321 發表於 2020-2-26 07:53
只係問下點解唔一早有咁設計啫, 反應大到好似要殺你全家, 唔明問下交流下先係良性發展, 一味自以為自己識你 ...

解釋得咁詳細叫大反應，咁我下次見到閣下貼文我會直行直過當冇睇過。

loman 發表於 2020-2-26 13:35
Hi cc4321師兄, 其實中置廿年前都已經有, 例如OVA

其實一直都有，大家一直都搵緊當時配套最快方案。

AMAT 發表於 2020-2-27 00:31
其實一直都有，大家一直都搵緊當時配套最快方案。

哈哈，連 buggy 當年都有中置。