RC EVOLUTION - 遙控工房 - 香港RC遙控車討論區

 找回密碼
 新玩家註冊
搜索
查看: 5711|回復: 17
收起左側

終於買了 AD-RC02

[複製鏈接]
sam529 發表於 2016-2-18 22:40:51 | 顯示全部樓層 |閱讀模式

遊客登錄

您需要 登錄 才可以下載或查看,沒有帳號?新玩家註冊

x
終於買了套燈組玩下。驚訝有人仲記得我等緊。開來睇了,做功好好。試咗所有功能,簡單易用!
質量:
整體開箱感覺良好。膠件對口質量好好。外殼同內部結構穩固。插座整齊,夠空間插線。
結構:
實淨。大力少少都沒有甩插,爆殼情況。走線安排尚算合理。跟套裝並沒有跟Y線,要用就可能要買返條先。
體積:
可能因為接線位問題,暫時覺得體積有啲大咗少少。因為用料足,重量會比其他入門燈組重少少!燈組應該大部份師兄會裝係車殼,咁可能整個燈組要貼係車殼會有啲難搞!
功能:

我覺得以呢個價錢有咁嘅功能,市場上應該冇乜選擇。其他啲燈組,好多都唔太像真!左右指揮燈,剎車燈,後波燈,係頭尾燈沒有着的情況下都可以用。除呢四組燈外,仲有頭燈,尾燈,兩組閃燈,同兩組自訂燈(可加強頭燈火力)。共10組燈。全10組燈,全部可以用2 channel,槍控控制開關!

原來,後波已經有聲音效果!好正!燈組主機有內置蜂嗚器做。
價錢:
始終覺得以這個價錢有一點貴。雖然市場上有齊功能係冇乜可能,但,都希望基本燈組售價可以再低小小。

基於小弟嘅喜好覺得要保留:
1)2 Channel控燈,好正。因為ch3同ch4可能會控制轉波同絞盤。
2)後波聲-乜都唔使加已經有了!
3)簡單開關死火燈
4)造功好好

基於小弟喜好來提出一些意見:
1)希望體積可以再細一點,做到40X40X15mm就好好了,再細啲可能會貴了。
2)兩組閃燈如果可以自行設定為長着,或閃燈模式就更好了。可以再控制多兩組燈開關。共四組,其中兩組可閃就更加好了!
3)說明書好詳細,但希望增加返燈組耗電規格。因為BEC電流有限,用家會清楚啲夠唔夠電。
4)說明書希望可以提供每組燈(每個插)最多可以並幾多粒燈。(原來4粒)
5)始終希望加防水功能。貼係車殼,乾手淨腳!
6)價錢希望可以大量生產後有10%下調空間。
以上係我小小意見同用後感想。

sam

外觀

外觀

說明書

說明書

內裏有乜?

內裏有乜?

包含主機,servo 同ESC線,十組燈

包含主機,servo 同ESC線,十組燈

主機好靚

主機好靚
hellboy 發表於 2016-2-19 12:16:15 | 顯示全部樓層
D LED 線可唔可以有用顏色線,以便區別呢?!
ESC,servo,TH,ST 呢4個位如果做到好似 receiver 咁有 ‘管制’ 咁咪無咁易返轉插錯呢?!
hellboy 發表於 2016-2-19 12:39:16 | 顯示全部樓層
呢編開箱文系唔係應該放系 ‘自作業-遙控技術討論版’ ?!
ccc527 發表於 2016-2-19 18:47:59 | 顯示全部樓層
C HING HOW MUCH?
fd123 發表於 2016-3-19 11:53:03 | 顯示全部樓層
Sam兄,多謝支持先!睇完你編評盡既開箱文,首先多謝你俾燈組一個正評,同時亦系俾我地成條team一個肯定,不過有點兒打手味。

睇藍字回:

質量:
整體開箱感覺良好。膠件對口質量好好。外殼同內部結構穩固。插座整齊,夠空間插線。

結構:
實淨。大力少少都沒有甩插,爆殼情況。走線安排尚算合理。跟套裝並沒有跟Y線,要用就可能要買返條先。


班engineer對開發同生產有點堅持,個殻系用PC膠做再上絲印,所有硬件行MOQ,生產要上機,QA埋先出貨。硬件質量方面唔洗擔心,engine大哥好執著!


體積:
可能因為接線位問題,暫時覺得體積有啲大咗少少。因為用料足,重量會比其他入門燈組重少少!燈組應該大部份師兄會裝係車殼,咁可能整個燈組要貼係車殼會有啲難搞!

系肥仔D同重左少少,但裝落架車系可以接受既。點fit落去就要大家開心share下,個人喜好放系引擎蓋下,中控台前,加熱溶膠

功能:

我覺得以呢個價錢有咁嘅功能,市場上應該冇乜選擇。其他啲燈組,好多都唔太像真!左右指揮燈,剎車燈,後波燈,係頭尾燈沒有着的情況下都可以用。除呢四組燈外,仲有頭燈,尾燈,兩組閃燈,同兩組自訂燈(可加強頭燈火力)。共10組燈。全10組燈,全部可以用2 channel,槍控控制開關!


有時間拍條片睇睇啊,全搖控開/關/操作系哩套野既特點之一,主板系冇任何按鍵既。

暫時準備upgrade(增多)三個功能:
-手動指揮燈(仿真車既打燈方法)
-中位油門brake(慢爬拖剎)
-閃燈可長著

冇咩再更新就會完左個AD-RC02既開發,搞緊D option件


原來,後波已經有聲音效果!好正!燈組主機有內置蜂嗚器做。

beep beeo聲亦都系開/關轉換既提示聲

價錢:
始終覺得以這個價錢有一點貴。雖然市場上有齊功能係冇乜可能,但,都希望基本燈組售價可以再低小小。

反而想要咩功能可以開心share,做多次upgrade就會完左AD-RC02成個開發。往後既意見,可以再針對不同既需求做個高階版,功能同價格既定位會系另一個層面。

有個師兄俾個意見如果RC02套野做到手動指揮燈可以賣300-400,哩個功能好buy,但升價建議即時reject左,亦都收到好多慢爬界別既師兄問可唔可以做拖剎著Brake,現行既brake只適合像真車或touring用。哩2個功能會新增加落去,玩家自行選擇要用邊款,玩車時隨時搖控轉換。已買左既師兄/師姐可以於辦公時間過番黎upgarde

功能,操作,玩後感先系執著既重點!市面上不同燈組有平有貴,RC02唔系要打咩價格戰去攞市場或者要用哩套野去賺大錢。買件金屬件或者升級件隨時超過哩個價,個價值同價格唔評論。

基於小弟嘅喜好覺得要保留:
1)2 Channel控燈,好正。因為ch3同ch4可能會控制轉波同絞盤。
2)後波聲-乜都唔使加已經有了!
3)簡單開關死火燈
4)造功好好

多謝!

基於小弟喜好來提出一些意見:
1)希望體積可以再細一點,做到40X40X15mm就好好了,再細啲可能會貴了。

哩套個size唔搞啦,因為個殻真系起模做度住個底板做。下套想再細就有機會。

2)兩組閃燈如果可以自行設定為長着,或閃燈模式就更好了。可以再控制多兩組燈開關。共四組,其中兩組可閃就更加好了!

哩個意見認同!! 閃燈2個插個次序會upgrade去 All On > 左右閃>同閃> All Off, 唔玩閃燈可以當長著用

3)說明書好詳細,但希望增加返燈組耗電規格。因為BEC電流有限,用家會清楚啲夠唔夠電。

AD-RC02 Current consumption:

@5v
stby 4mA; Full leds ON 350mA

@6v
stby 5mA; Full leds ON 500mA

唔洗加BEC去推套燈,只要個電變BEC系5v-6v就完全support。唔夠電換排新既啦,因為車重,設定,玩法,供幾v,幾多粒LED  etc都會影響舊電既續行力

4)說明書希望可以提供每組燈(每個插)最多可以並幾多粒燈。(原來4粒)

每個插最多支援4粒”並聯”LED,唔建議10個插全部1開4,有機會發熱。駁燈哩度遲下開個post分享下,都有唔少師兄問點駁同改

5)始終希望加防水功能。貼係車殼,乾手淨腳!

防水唔系哩個價,同埋好多局限性,搞個氣球包住套野,包你一鳥百鳥

6)價錢希望可以大量生產後有10%下調空間。

大唔大量生產唔系一個主要考慮問題,有師兄支持既會繼續做,我反而覺得件野系岩用既,功能又唔差既,哩10%唔會系我一個主要既考慮因素而唔買,哩10%我下午茶都買唔到啊。留少少空間當支持下本地RC產業咯,唔通等創科局黎做RC燈組咩~

題外話啦:如果真系用business角度去睇,應用緊工業級無線電通訊技術,配全搖控功能以及現時質量,無咩奶油唔加價什至唔會做哩個project。但成件事由開波至今,系用RC玩家角度去set product spec,收集大家不同既意見,再運用固有既領域去解決技術問題。我地系用心去做RC02還是用RC02去賺錢,留俾大家決定。

再一次多謝大家支持先







fd123 發表於 2016-3-19 12:47:53 | 顯示全部樓層
hellboy 發表於 2016-2-19 12:16
D LED 線可唔可以有用顏色線,以便區別呢?!
ESC,servo,TH,ST 呢4個位如果做到好似 receiver 咁有 ‘管 ...

D LED 線可唔可以有用顏色線,以便區別呢?!
近LED位置已mark顏色,方便區分。
ESC,servo,TH,ST 呢4個位如果做到好似 receiver 咁有 ‘管制’ 咁咪無咁易返轉插錯呢?!
因為不同廠商個管位不一致,所以做管制會冇甘方便,個殻粗白線系代表個插果條白線既方向,說明書都有標示。同埋你插錯左就調轉插多次咯,又唔會燒既~
fd123 發表於 2016-3-19 12:48:11 | 顯示全部樓層

check pm pls
goodwind 發表於 2016-3-19 22:38:42 來自手機 | 顯示全部樓層
請問 幾錢 同邊度買呢?
fd123 發表於 2016-3-20 00:29:33 | 顯示全部樓層
goodwind 發表於 2016-3-19 22:38
請問 幾錢 同邊度買呢?

多謝支持先~已pm師兄
combatfung 發表於 2016-3-22 16:39:46 | 顯示全部樓層
我都想知幾$,邊度有
fd123 發表於 2016-3-23 02:04:36 | 顯示全部樓層
combatfung 發表於 2016-3-22 16:39
我都想知幾$,邊度有

多謝支持先,已pm資料,港產貨
zakuzaku2008 發表於 2016-4-24 07:46:37 來自手機 | 顯示全部樓層
Ching, 請問邊度有,幾$。Thanks
fd123 發表於 2016-4-30 00:45:37 | 顯示全部樓層
zakuzaku2008 發表於 2016-4-24 07:46
Ching, 請問邊度有,幾$。Thanks

多謝師兄支持先,check pm pls.
motorhead 發表於 2016-4-30 01:07:04 | 顯示全部樓層
Ching, 我都想買,吾該
fd123 發表於 2016-5-1 00:52:02 | 顯示全部樓層
motorhead 發表於 2016-4-30 01:07
Ching, 我都想買,吾該

多謝師兄支持先,check pm pls.
KcLeung 發表於 2016-11-7 12:06:25 | 顯示全部樓層
fd123 發表於 2016-3-19 11:53
Sam兄,多謝支持先!睇完你編評盡既開箱文,首先多謝你俾燈組一個正評,同時亦系俾我地成條team一個肯定, ...

我都買咗套燈...真係好好用只係一開始set支控有小小難度...我買果套係已經更新咗功能

提意:
將煞車燈同尾燈的功能放一齊,可以留多一個位插其他燈
想問下點做到閃燈長著同埋socket可唔可以support一插四燈?
暫時係咁多,仲要多少少時間玩下,幾支持本土野
fd123 發表於 2016-11-10 14:51:15 | 顯示全部樓層
KcLeung 發表於 2016-11-7 12:06
我都買咗套燈...真係好好用只係一開始set支控有小小難度...我買果套係已經更新咗功能

提意:

多謝支持先
閃燈可以長著 ,開關次序系,長著 》左右閃 》同閃 》熄燈
可以一開四,留意正負

試完俾多少少玩後感


ok711 發表於 2021-7-12 19:24:05 | 顯示全部樓層
你好,請問-AD-RC02油門出廠為反向設定,如車/搖控的設定為正向請參閱說明書操作油門正向/反向設定,不需要調較搖控
現在車向有倒車燈和聲、車向後就沒有
請問點設定番反方向 謝謝
您需要登錄後才可以回帖 登錄 | 新玩家註冊

本版積分規則

手機版|小黑屋|RC EVOLUTION - 遙控工房

GMT+8, 2021-7-24 10:34 , Processed in 0.106582 second(s), 18 queries , Gzip On.

Powered by Discuz! X3.2

JKNET CDN | © 2001-2013 Comsenz Inc.

快速回復 返回頂部 返回列表