RC EVOLUTION - 遙控工房 - 香港RC遙控車討論區

 找回密碼
 新玩家註冊
搜索
查看: 22920|回復: 8
收起左側

玩華dee入門手冊

   關閉 [複製鏈接]
beebee 發表於 2005-12-30 23:59:55 | 顯示全部樓層 |閱讀模式

遊客登錄

您需要 登錄 才可以下載或查看,沒有帳號?新玩家註冊

x
自從"同樂日"之後,民間多o左新人玩華dee呢家野,見到咁既情況,本會決定寫一篇"華dee入門手冊"希望能幫助o下大家!!

#1  首先梗係要買架華dee番黎啦,"京商"今時今日買到都係出過二種車欵#a本田既NSR另外#b鈴木RGV,2種仲係90年代欵,冇計啦玩住先啦!!或者可以自己改裝又得,自己攪掂佢啦!!(車價約$420~480左右)個人應為最好買新車(舊車雖然價錢比較平同有改料,但暗病較多)而新車砌好比較易控制因車架正型呢點好重要!!注意啦!!  架車本身要改善地方要有三樣野,就係尾油壓,尾擔同埋金屬波箱,其他野就個人而定(齊料未必好走一定要配合先得!) 啤呤size5x10(四粒)同埋3x6有邊(四粒)

#2   電子架"餐"有分2件頭同埋3件頭,咩叫2件頭呀?問得好2件頭就係套裝電變加接收一體化同埋servo,二件頭有"三和"(GP-R)同埋"負他把"都有出電單車專用套裝!!速度無形中會比較慢d,但價錢比較平同易就位,但問題2件頭通常得AM瀕道,買果陣自己留意下.!!而3件頭就係細電變(如ko既vfs-1.....),接收(如ko297,302等)仲有隻servo, o物野都要細先可以放哂入架車到,買果陣又係自己諗清楚,個size得唔得!!初初玩唔洗玩咁靓既SERVO,開頭一定撞到九彩,玩到有d料既時候換都未遲(經濟d有"負他把"s135或gws既2bbmg)!!!平有平玩總之"睇餸食飯".

#3   摩打方面可用"京商"28bb或jet既racing mini-t黑殼摩打都得(2件頭會推得起)初初玩e2隻都o.k.啦 我自己用28bb都係12或13齒,因為28bb唔算係"高速型"犘打,搭大d齒數唔係唔得,要睇埋自己揸法同場地混用,另一方面搭大左摩打牙,頭段無o物料到,我自己都係比較鍾意"平均車速".既齒比.當玩到有番咁上下,可以再用d梗快既摩打,要留意3件頭電變先得(trinity,team orion,graupner300(300摩打要改接合器先得,因原裝波箱位唔o岩裝!!)等等........


#4   電池既選擇都有好多,例如gp-1100(夠爆),1250黑電(夠長氣)又或者新世代既鋰電(要留意自己隻電變可以用到幾多v,燒電變既時候唔好問我點解!!


#5   其他要留意既事項就有  #1個人仔中位一定要正中,左右偏差唔會太多,咁出黎效果會好好多,   #2摩打齒最好用膠,金屬唔係唔得,會比較嘈d!另外原裝隻H牙,一開始就用aa膠圍一圍佢,會無咁易爆   #3轉向唔洗太大,唔夠既話慢慢加多會易揸d   #4京商option呔當然係咬好多,不過個場如果偏咬,效果可能會令架車過彎怪怪地(撬撬地既感覺),原裝呔對大部份場地都夠玩啦!    #5輕飛輪優點黎講係反應偏快,相對勁急S彎會有利d!!原裝重飛輪夠照啦....


砌果陣要留要既野:
#1   轉向座加少少潤滑油(原裝送果支)係no.2件圓筒到,少少就得啦
#2   裝servo要全部野平衡同埋一早要較好中位
#3   波箱d牙落番介子就o岩位裝好,條鏈要好順就最good啦
#4   入摩打齒要平衡,唔係轉起上黎就會橢圓形
#5   頭飛輪果兩口螺絲要收緊,頭尾呔用膠水痴好
#6   頭避震左右要同長度,跟說明書d位加少少潤滑油
#7   人仔個屎忽左右2粒3x18螺絲收緊至順暢就o.k.啦
#8   全車所有螺絲,到位就夠啦,過緊會爆膠料或變形




電子野配備:
#1  如果你揸AM槍既話,玩2件頭梗係無問題啦,但係3件頭就頭痛少少,邊到有咁細隻接收呢放得入架車到?唔洗擔心都有幾隻o.k. o既!!首先講係"負他把"隻R142JE,窄窄地都放得入既,價錢大約200左右抵玩!!不過隻電變真係要細d啦,因為個位都參唔多到"訂".                 第二個介紹係三和既RX-231,價錢唔多清楚!!e隻野個size同fm既211一樣大,點放都得!!        最後就係KO既KR-202A,本身係跟液晶體既ex-5套裝,個size同297參唔多,價錢又係唔多清楚,自己去睇下啦!!如果你手頭隻接收過大,又唔想比錢買多件野,其實仲有一個方法就係改個位放係車尾到就搞掂啦!!


#2    電變e家野,現在好多牌子都好細件,睇價錢做人就得啦


#3    SERVO首先係"負他把"既s135型號,平靚正!!另外9602都有唔錯表現,不過價錢就.........................第二個介紹KO出既947或949果d啦,但係果2隻ko既SERVO價錢成$5xx左右一隻,成部車既價錢,買唔買得過就自己諗啦!仲有個架要切先裝到,自己醒爬啦!!!!最後要提一提大家size唔同尺寸既SERVO,用相面貼黎就位,因為用超細SERVO裝係果架會有好大既噓位!!用其他野加厚適當厚度再貼相面膠紙!!

[ 本帖最後由 beebee 於 2005-12-31 12:21 AM 編輯 ]

servo就用圖中尺寸

servo就用圖中尺寸
老占 發表於 2006-1-10 09:58:42 | 顯示全部樓層
實用,感謝!
 樓主| beebee 發表於 2006-1-15 15:34:54 | 顯示全部樓層
頭尾輪落番d介子,d虛位無哂!!
X1.jpg
 樓主| beebee 發表於 2006-1-15 15:35:49 | 顯示全部樓層
電底板挫番個斜位比條鏈順d
X2.jpg
 樓主| beebee 發表於 2006-1-15 15:36:51 | 顯示全部樓層
波箱專用介子,果車架無咁易爆!!(記住較波箱果兩口螺絲時,圖中個粒唔洗上咁緊,睇住會爆車架呀!!!!小心)
X3.jpg
 樓主| beebee 發表於 2006-1-15 15:39:56 | 顯示全部樓層
圖中no:19米就係h牙,果隻牙原廠因2件組合,係佢既接合位到落aa膠就得啦!

再唔係就換金屬H牙(GP"X"....約$65)
x4.jpg
 樓主| beebee 發表於 2006-1-15 15:43:10 | 顯示全部樓層
用金屬H牙記得買多包3mm(0.1,0.2,0.3)介子黎攝齒位!!
X5.jpg
 樓主| beebee 發表於 2006-1-15 15:43:47 | 顯示全部樓層
用金屬H牙記得買多包3mm(0.1,0.2,0.3)介子黎攝齒位!!
X5.jpg
 樓主| beebee 發表於 2006-1-15 15:46:27 | 顯示全部樓層
如果改左油壓用30度油先啦,見架車反應慢,先用再低d度數油,相反架車好唔定就用高d度數油....我通常10度10度做加減,彈簧同油壓柏唔改,淨改油睇反應!
您需要登錄後才可以回帖 登錄 | 新玩家註冊

本版積分規則

手機版|小黑屋|RC EVOLUTION - 遙控工房

GMT+8, 2024-6-17 06:41 , Processed in 0.034731 second(s), 19 queries , Gzip On.

Powered by Discuz! X3.2

© 2001-2013 Comsenz Inc.

快速回復 返回頂部 返回列表