戰艦戥鉛平衡的問題

想請教師兄們，我的1/350戰艦現在頭痛緊平衡問題，靜水時係企得直的，但是當D浪漸漸大的時候，架船就慢慢傾側，一係左一係右，已經嘗試將鉛分佈在中線上盡量貼近船底，甚至將鉛敲扁以盡量貼底，但是效果不理想，反而令船越坐越深水。可能係先天船身較細，只是21吋，而且窄，上層艦橋已經盡可能偷輕，不作支撐的膠板已經移除，師兄們可有辦法？定係要外置鉛粒在艦底外部整到好似帆船咁？

python 兄有冇相片看看..？

Benlikong 發表於 2015-3-26 11:20
python 兄有冇相片看看..？

之前在船池試水但沒有影低傾側的相片。

咁側咗果時, 有冇入水?

以我觀察，每當船身向左或右傾側超過45度就企唔返起。

skyhawk 發表於 2015-3-26 17:28
咁側咗果時, 有冇入水?

有，艦橋有，船身都有。會在艦橋填發泡膠，船身生囗貼膠纸改善。

python 發表於 2015-3-26 19:09
有，艦橋有，船身都有。會在艦橋填發泡膠，船身生囗貼膠纸改善。

我隻密蘇里都係, 一入水就會側埋一邊, 多數係食水深, 高速航行船尾入水,
我而家先減低重量, 用2200電代替5200  再加幾個隔水倉, 唔比水周圍走, 唔好渣咁快同埋片急灣, 或船頭再加重

睇下過兩日落水有冇改善

真,,試試用两個2200mAh電放在中閒分两邊...看看中心点 或者要放前小小船頭重多一点....

首先你隻係乜船?

vonklee 發表於 2015-3-27 09:09
首先你隻係乜船?

Indianapolis CA-35 1/350

靜水之下，戰艦係可以企直行，倒後反而無轉向能力，直指。

在池邊又試下用手拉側架船，拉邊便側邊便，扶返正倒走水佢又企得返直。即使在船底用膠紙貼10克鉛都冇幫助。除非造個減搖翼聚件鉛在底，借槓桿效果抵消上層重量，不過就唔好睇。惟有水平如鏡先玩。

我諗入水係主因, 我隻船上次都係一入水就側埋邊, 因為水係自由移動, 當轉彎時, 船會自然側埋一邊, 如果無水, 轉完彎就會自動直返, 但有水的話, 水就係跟住走埋一邊, 就好似鉛咁聚埋邊, 咁船就永遠回復唔到正常

我上次見到D水係因為船身食水太深, 起行turbo片彎D水大部份由後面船尾走入去, 如是我加隔水倉, 將水分開咗好多部份 唔比D水走去中間船底, 同埋最重要係用返輕電, 2200mah,

今日剛剛試水, 好成功, 船身浮返上去, 見到條黑線, 係咁勁片彎, 又左又右, 都無乜入水, 船自然無側埋一邊,   有好少水係前甲版入咗去, 都囚係前倉, 無入去主體,

我見到你隻船中間比較低, 兩邊位置極近水面, 係唔係入水源頭??

係有少少水入咗去，可能係舵軸套管，生口已經貼咗膠紙，唯一可以入水係船尾。

https://www.youtube.com/watch?v=lo0Hb3f9tE0

Test run in silent water
https://www.youtube.com/watch?v=DdW99uaMrVE
test run 2

python 發表於 2015-3-29 20:13
https://www.youtube.com/watch?v=lo0Hb3f9tE0

Test run in silent water

睇吾到

H2O 發表於 2015-3-29 22:40
睇吾到

已修改

python 發表於 2015-3-27 13:17
Indianapolis CA-35 1/350

問題係你重有冇排水加鉛?  有的話可試在船底中線痴一行鉛片!  同埋你用幾大舊電?  可考慮用細舊D的電來給鉛片排水!!!

vonklee 發表於 2015-3-31 08:49
問題係你重有冇排水加鉛?  有的話可試在船底中線痴一行鉛片!  同埋你用幾大舊電?  可考慮用細舊D的電來給 ...

我現在用240mah鋰電，令船頭不過重而且電池可以平放在艦底，減低重心。船底痴鉛我有嘗試過，當時用膠紙痴咗粒10克鉛在船底，但對於傾側沒有太大改善所以拆走返，再痴多10克就變咗食水過深，水滿上甲板。如果真係責鉛的話，用減搖翼掛鉛會效果好D，但是犧牲了外觀我又唔想，始終船太細。唯有等靜水之下玩，我拍片當日玩咗好多個圈船身依然企得好直。

python 發表於 2015-3-31 10:05
我現在用240mah鋰電，令船頭不過重而且電池可以平放在艦底，減低重心。船底痴鉛我有嘗試過，當時用膠紙痴 ...

錦隻"貝爾法斯特"易搞好多......

                               
登錄/註冊後可看大圖