各位師父好!新年快樂!!小弟擺低呢個玩意都有13/14年了,最後一架車係京商inferno,依家心思思想再投入遙控世界,想買番部1/10電車玩玩,昨日買左本遙控模型及日本仔果本RC magazine睇睇....發覺改變已經好多好多事情都唔識了.....
想請教依家熱門興玩咩車種?當然要parts夠common啦改裝零件夠多,又用咩牌字遙控好?電要用幾大容量?摩打?電變及差機又係咩牌字好?現在所有野要重新買過呀....我個人想玩番1/10平路buggy,又見到農夫車及拖頭好似幾好玩,呢兩款車是否2 ch遙控就可以操控呢?
還有旺角區模型店集中地是否仍然位於廣華街一帶?有邊間店鋪係比較老實又多京商/雙星車及零件賣?我相信近日我會落去巡鋪,是關擺低咁多年完全唔知價,冇晒概念了.... 希望各位師兄師賜教小弟...謝謝!
下午出過去KWS巡舖,得兩間有開,一間係創昇另一間就隔鄰舖...不過就唔記得名,其它店多數四/五先開,成條街都靜...創昇好似幾多野睇,見到有幾款星拖頭賣價錢由$1.1k-1.9k不等,我問負責人佢話執齊一套拖頭/4 ch遙控/電池/電變/差機/啤令/頭尾燈/工具及噴油等大概需要5-6k左右,請問各師父佢有冇吹水??
另外最令我呢個大鄉里吃驚就係.....乜依家遙控車不論油或電車都有完成品?現買即玩??包搖控/電變?是否連油車engine都調教好晒入油即玩??又見到d細比例油車仔都有....真係好多花款,睇黎初五後都要再逐間店舖巡一巡....
另外我問依家d電去到4300mah是否得好耐?我問個負責人拖頭玩到幾耐,佢答我話可玩到一小時 :o 是否當真冇吹水?唔同我以前玩1/10,1/12得6-8分鐘咁短??:o :o
想問雙星邊隻拖頭好玩,用乜遙控/電變/電及差機好?請師兄們提供意見賜教!
|