請教： Phantom 2 校準連續失敗

各位好！新手上路請多多指教。

尋日見好天諗住放下飛機，如常起飛前作校準，水平360 及 垂直 360，正常完成校準，飛完第一舊電冇任何問題；換電後再重新校準一次，水平360 及 垂直 360，水平360正常完成，但 垂直 360就連續出現錯誤（紅黃閃及長紅燈號），試左好多好多次都係咁...


想請教一下，最有可能係咩出現左問題呢？多謝！

其實唔使成日校準指南針 除非你係由香港去左較遠地方先有需要
至於你講既問題 可以試下入NAZA Assistant校準IMU

最好每次都較準先飛，否則好易走機。

好多人唔cal 就飛，起飛時會記錄左一個錯嘅方位，當遙控一失聯或者你玩完戇居居打去自動返航，咁架機就能自動飛去佢以為係home嘅錯誤起飛點（可能係幾十公里外!),咁你就拜拜！帶錢去買新機吧！

根據統計，有18%嘅機就咁走左，你咪試下唔次次cal好先飛吧。

今日向前室內 boot 機出咗 "compass calibration required", 跟手去咗 TKO 近海個花槽上 boot 機，又出下面個款。

                               
登錄/註冊後可看大圖

Cal 咗十幾廿次都唔得。行過小小二十米，再 cal 過就冇事。

飛咗一轉，行過去之前個花槽飲水，部 iPhone 又出 "compass calibration required"。

行過 d 又冇事，跟手飛都冇 mud 事。

個花槽可能有高壓電纜。。。。

cct147 發表於 2015-1-2 23:11
最好每次都較準先飛，否則好易走機。

好多人唔cal 就飛，起飛時會記錄左一個錯嘅方位，當遙控一失聯或者你 ...

樓主講緊cal指南針喎ching

GPS就梗係次次攞齊先飛啦
當然指南針都應定期校正下 但我個人就未至於每次都校準了

原來GPS唔駛compass數據.......

望住太陽認方向飛返嚟？

compass可以輔助GPS去辯別方向
但精確位置主要是靠GPS定位

DJI建議呢D情況就要幫指南針校準：

需要重新校准的情况

1.指南针数据异常，机尾LED飞行指示灯红灯黄灯交替闪烁。
2.飞行场地与上一次指南针校准的场地相距较远。
3.飞行器机械结构有变化。
4.飞行时漂移比较严重，或者不能直线飞行。
同埋盡量遠離呢啲地方校正指南針

• (1)请勿在强磁场区域校准，如磁矿、停车场、带有地下钢筋的建筑区域等。
• (2)校准时请勿随身携带铁磁物质，如钥匙、手机等。
• (3)请勿在大块金属附近校准。
  

吓！請問GPS紀錄嘅係乜野數據？叫做經緯度，係由東南西北四個方向衍生出嚟的。GPS數據同Compass數據係共生先至持續定位的。

另外師兄post嗰啲建議，舊firmware就係嘅，外國網站好多人就新firmware提出質詢，回覆係遠離你所講嘅情況下，最好次次Cal，小弟有好幾個朋友緊守呢個原則，個個都試過不下三數次失聯部機都識自動返嚟，至於放機嘅野各師各法，我覺得鐘意點就點吧，反正真係走機又唔會世上只得一個，不過到時去嘈DJI得到嘅回覆多數係Pilot error....

堅持盡量做好準備先起飛就可以了

不過一旦指南針出事的確幾致命 剛見到fb有位師兄部inspire 1指南針無啦啦失靈炒左機 （起飛前cal好哂）

同DJI討論左一輪 果邊親自派人落香港了解 仲肯換部新機 好似即時出埋新firmware去fix

啊，講咁耐其實冇正式答樓主問題。

第一，如果兩舊電起飛點係一樣，第一次成功cal左唔駛換電再cal。

第二，如果換左起飛點就最好再cal, 透過較準你會觀察到新起飛點磁場是否有異常，如果有異常，基本上第一個360度正常到第二個360度都唔會成功，咁你心中有數就算熄機開機唔cal但係見到綠燈著哂表示聯到GPS都好，因為compass有錯，起飛時GPS方位數據有機會錯，咁你只有三個選擇

A: 話之佢，照飛，無理由咁好彩中獎嘅

B: 照飛，不過飛短距離千其唔好失聯，否則失聯自動打去自動返航，到時就睇下隻機飛返嚟定遠離你，自求多福。

C：唔起機，行多十零米再cal過，香港好多地底電纜，有時差幾米就可以準確較正羅盤攞埋GPS起機。

所以透過每次轉位都cal，你就可以心中有數起飛GPS數據有冇機會出現錯誤（仍然有的，例如太陽電磁風暴、多雲聯唔到足夠衛星之類，但係起碼知道羅盤方位正確），基本上起飛時紀錄的GPS方位是正確的，有事時自動返航就有一定保證。

多謝各位，通過 reset PMU, 校準已經沒有問題。

gorli 發表於 2015-1-6 11:10
多謝各位，通過 reset PMU, 校準已經沒有問題。

咁就好 通常校準後都可以解決到問題