我係新手 關於450直昇機 問題

各位師兄 小弟係新手一名 想問問 如果$379元 買一架450空機 算唔算平呀 同埋如果買完空機 再自己組裝 難唔難 加埋其他零件 砌一架450機 貴唔貴???

唔係張d野切晒上去就飛得!要set好多野....

三百幾蚊從數字睇真係好平，不過你要睇睇係唔係大路機，意思是parts易唔易買，如果可以同到Trex450大部分parts就最好，因為通街都有大陸做parts而且又平。
至於其他嘢servo，電變Gyro同控唔小得
1) Servo初玩可以用9g，大約$120四隻
2) Gyro同尾servo我見意買好D，起碼你學起來會易D，而且第日轉機又可以用番，平平地Futaba GY410加S9257二手大幾$700蚊左右
3) 控可以考慮Spectrum DX6I，2.4G是主道，6CH可以有排用啦
4) 摩打同電變初玩可以用大陸的，Hobbywing名Hobbymate都ok架…
希望幫到你啦…

咁 如果買一架組裝完成既450直昇機 大約幾多錢 同埋新手應唔應該一開始就玩450機 定玩d平機學下先 因為我見到有d電機 賣$200到 話有75cm長 好似好大架咁 果d機 好唔好玩???

有冇，touch-9 C Hing, 講得對，要set機，不過初玩是最難的一個步驟，見意找一些有經驗C Hing,幫手...

各位師兄 咁如果想買圖中呢架 6通機連天地飛控 $1200元算平嗎?? 同埋呢隻機係室外玩 有無問題 請各師兄指點一下小弟 因為想問清楚先再買機 唔該晒^^

re 6
450 通常都係室外玩。
若冇睇錯，呢架似係 其他牌子 o既 450se 膠機，係大路機。

不過 天地飛 FM 控，唔係咁好。
仲有，唔知佢係乜 gyro 乜 servo....
........麻麻地....

最好先去一些聚會, 了解其他機友用什麼器材, 當然平有平玩, 但如Gyro同尾servo真的要用好一些, 否則你未學到hold機已經炒了好多次。你住在那一區? 屯門區星期五, 六都會有聚會, 問一機友買什麼器材比較好, 另你有幾多預算玩直昇機?


6# rvf_2004

8# WOVT

我預算係$1500之內 如果玩室外機 咁呢個價錢夠唔夠???

9# rvf_2004


$1500，買套裝機都可以。
如果用來過下手癮還可以。但可能係平買貴玩。

10# sfdo


咁師兄 我想問乜野叫做 平買貴玩 唔係好明 係咪$1500之內 買唔到室外玩既機 定$1500買完仲有好多野要整??? 套裝機又係咩嚟???

$1500預算買架套裝機玩, 新手一定玩不到。 不到2分鐘便炒機。因玩直昇機要學懂setting否則比貴價器材你都飛不到。說實話你得$1500預計暫時都不要玩直昇機, 等儲多一點錢先玩, 到時可以買到一些中價器材, 日後不玩時都可以賣出去, 買套裝機真是除非有機友幫你set機, 否則你完全未玩過直昇機以為套裝真是可以插電就飛得就大錯特錯。我想你都是一名超新手不太懂遙控直昇機的原理, 最好都是去一些聚會了解要用什麼器材。好似sfdo兄在其他forum都話自己用cheap器材成日飛不到或燒了servo等。其實你會在那裡放飛機, 有機會出來吹下水研究吓。

12# WOVT


我現在未試過放飛機 因為身邊無朋友一齊玩 我住屯門區的 希望有機會出嚟跟你地學下先再決定買咩機 唔該咁多位師兄既詳細解答 ^^

你住在屯門區就方便啦, 逢星期五晚在龍門居都會有機友放機吹下, 你可以同佢哋吹下水睇吓什麼器材合你。我都是住屯門區玩cheap的450機, 有機會可以出來吹吓水。

^^ 好呀 係呢 你所謂cheap既450機 好飛嗎 岩唔岩新仔放 同係室外飛 無問題嗎 最後一問 你部機咩價位???

我架是KDS 450sv(膠版)套機約$1300, 但不是大路的450機款如Trex 450SE, 炒了機後買不到parts, 現買了隻Tarot 450 SE, 只要裝返電子野就玩得, 架套機買回來都要換尾servo先飛得好, 不換尾servo會走尾。個Gyro普通玩都無問題, cup機時會有小小走尾。個控就是好普通的2.4G控要用一段時間先會習慣。所以用$1500買架套機只會開始平, 之後左買右買就會比買中價機貴。

其實真係好難俾到一個明確意見, 玩真升機太平如 套裝咩野都有, 但樣樣都要改下換下,
其實d錢都可以買d有口碑有信心機種, 要睇自己有幾想同有幾多恆心去玩好,
因大多數 beginner 都冇恆心去玩, 最終放棄, 如果自己立心一定玩, 就買好小小,
如 align, beam, trot, 雷虎等等, 遙控買 futaba, jr, spectrum 比較長遠d,
開始花費 $4xxx 都唔小得

450機係現時最好最適合入門者學

玩450機, 頭兩三個月, 閒閒地用你一萬, 新手門要有心理準備.
另外玩直昇要有三大要素, 1 興趣,2 時間, 3 金錢, 訣一不可.
去聚會了解多d, 鏗番好多.

玩450機, 頭三個月閒閒地洗你一萬, 新手門要有心理準備.
另外,玩直昇機要有三大要素, 1 興趣, 2 時間, 3 金錢.
去聚會了解多d, 師兄門大多做過水魚(我都做過), 吸取經驗, 慳番好多.