回復 幾粒審
我可唔可以請教你啊~? 你係玩咩車啊~?
ooenergyoo 發表於 2010-6-9 21:43
指教唔敢當,講吓我啲油車初體驗過你聽喇...
起初我嘟係好似你咁未接觸過油車,淨係跟一班朋友玩電車,其中有幾位仲玩埋油車添,有次佢哋帶埋我入場玩,開頭仲以為自己架車好掂(充滿自信嗰隻),去到同油車跑左幾圈,眼見佢哋都未黎得切講聲"唔該借借",就已經係我架車側邊"o雪"一聲走左去,先知原來自己架電車快到冇朋友(因為快既朋友走晒,得返我)之後唔服氣,走去問玩油車既朋友可唔可以借架油車我玩,佢望左我一陣,諗左一諗,同我講(呢樣野好毒過喎,你考慮清楚先好喎),頂!...最後佢話信得過我手車,先肯畀我揸,唔玩由自可,一揸上手,踩兩下油,
見架車標煙,嘩!果然真係有聲有色喎,心諗!因嘜解究咁鬼死像真架!
架車落到跑道,開頭唔習慣架車性能,差啲係直路尾幫佢"埋單"(天主保佑囉),玩左冇幾耐,開始上手,佢叫我返pit位入油,心諗!嘜可以連續入油玩咁"棧鬼"
慘喇,出事喇,第二缸油入完出跑道,遇見一架電車,想去追佢,點之喺啲灣裡面唔夠砌,但係一出直路,去到中場附近,重演左我之前場面,同架電車講"唔該借借"(可能佢驚我撞散佢),先領略到油車嗰種澎湃動力,
死氣唔斷咁上既感覺,搞到我有少少鍾意左佢,自此對油車產生左濃厚興趣... |