TA08R登場

田宮係啱啱嘅田宮LIVE入面，正式發表咗佢地嘅新車架套裝TA08R。
叫得TA08R，就自然代表住佢係之前推出嘅TA08PRO嘅升級版本。跟返田宮叫得R車嘅慣例，大部份推出過俾TA08PRO嘅OPTION零件，都會係呢架車到見到。例如跟咗金屬SERVO MOUNT，金屬轉向，炭纖前後油壓架，仲有頭三節棍傳動等，呢啲配件都係齊備晒。另外亦都由膠嘅油壓PRELOAD圈，改成鋁合金TRF版本。
至於係新推出嘅配件，最明顯應該就係佢嘅新二樓架架。由於呢個二樓架，TA08R嘅頭尾CAMBER LINK架都係改咗，多咗螺絲位要嚟裝二樓架。另外摩打座嘅鋁合金片亦都加咗窿，要嚟裝咗二樓板中間支點位置。另外一個新嘅係尾殼柱架，由膠變成炭纖，仲要有鋁柱支撐。個人對呢兩個改動睇法係正面，二樓板至少可以解決到TA08個兜易變型嘅問題，亦都令架車嘅扭動控制會好啲。不過亦都係因為咁，似乎個膠兜冇更新...... 另一個係個新嘅尾殼柱支架，因為用咗炭纖加鋁柱，相信都可以解到以往支架太軟另個車殼係行車時有機會會震。
咁究竟抵唔抵買呢?因為未知價，所以好難講。但如果比TA08PRO，咁TA08R配有多個OPTION，咁煩少啲升級嘢都係好事嚟。怛我個人都係希望田宮會出TA08嘅加硬兜，同希望佢會出個兜嘅PARTS，始終宜家TA08嘅問題就係車架炒咗魷魚買唔到兜。如果只係升級零件但仍然冇兜賣，更好走都係麻煩。

登錄/註冊後可看大圖

車兜依個問題其實8月中日本幾間出名模型網店都返晒貨
問題出自本港代理有無積極去向TAMIYA取貨姐
唔好吓吓都話廠無出件

G66 發表於 2023-9-25 19:37
車兜依個問題其實8月中日本幾間出名模型網店都返晒貨
問題出自本港代理有無積極去向TAMIYA取貨姐
唔好吓吓 ...

香港有冇返貨?
有，我地啱啱都收到代理通知有貨到可以攞。

但中間一段時間係真係冇返。

正常一件零件如果有SPARE PARTS，田宮係會出一個SPARE PARTS嘅林巴俾，而唔係一件補件嘅林巴俾佢。
SPARE PART同補件分別係，SPARE PART有卡頭紙，補件係就咁用個袋裝住，卡頭紙都冇。
田宮呢個兜係冇補件。

而事實上，我係早前靜岡模型展到，同前住諭食飯時，係有親口同佢講冇底兜賣呢個問題，同埋可唔可以出硬兜呢個問題。
佢有講到田宮本身點解未有貨嘅情況我地知，亦都講會同公司反應返。
只可以講，佢地當時係話冇諗住出嚟做SPARE PARTS呢個打算。