419摩打安裝問題

想請教各位師兄，我係419安裝HW V10 4.5T摩打，發覺個摩打同底板係有大約1mm既虛位，係咪要加番墊片落去定係原本係甘？因為之前個摩打左裂左，慘！覺得可能係摩打懸空令摩打左太受力，加番墊片會吾會好d？經驗吾夠想問番各師兄意見，感謝！

摩打同底板之間一定要有虛位，如果唔系會壓死一邊底板左右弯唔同！

這是專門設計成這樣的，目的是要摩打懸浮在底板的中心線。你看看servo也是和底板分開的。

原來係甘，因為我斷過摩打座，換過好金，哈哈，又學到野，可能我上次真係太快，4.5T好癲

完全新手

係啊打算長玩，交下學費，線都係自己焊

sean2013 發表於 2015-3-27 12:09
完全新手

你係老手????咩都識???又唔係回答人問題多口做咩呢?

我10年沒玩, 現在都唔知點解魔打懸浮為咩, 有CHING解答才知道,

唔明問下都比你話新手, 你有幾老手???

ivan仔 發表於 2015-3-27 12:58
你係老手????咩都識???又唔係回答人問題多口做咩呢?

我10年沒玩, 現在都唔知點解魔打懸浮為咩, 有CHING解 ...

樓上已解答了,我以為佢玩419係專業級嘛,你睇樓主幾謙虛,ivan仔你咁叉惡托咩,不知懸浮係好正常,但用羅輯想下都知個麼打要裝大小麼打齒,要調校要移動位置,如果連1mm空間都無你認為合理咩?這不是老手問題,係覺得完全新人玩419,好羨慕咁點吖ivan仔?

sean2013 發表於 2015-3-28 11:57
樓上已解答了,我以為佢玩419係專業級嘛,你睇樓主幾謙虛,ivan仔你咁叉惡托咩,不知懸浮係好正常,但用羅輯想 ...

人地問野姐, 你只回答一句[完全新手], 你又唔係回答人, 比人感覺係咩呢?
你話你係覺得完全新人玩419,好羨慕, 你的回答[完全新手] 係講緊[係覺得完全新人玩419,好羨慕]嗎?
我就睇唔明啦, 可能我中文差啦, 沒讀書囉.

我有幾惡呢想問問你, 我覺得你回人一句完全新手唔知為咩, 又唔係回答人, 想點呢?
我有見過你幾次的回答, 都係指向新手,

講真, 有新手問野, 唔識答或唔想答就唔好回答, 話人完全新手, 唔比人問野咩,

TRF419專業級又點呢? 買佢的人一定要係專業級先買得咩?
我覺得買車買一架唔洗點改(基本改晒可以去比賽)的車, 好過買一架要改(改下改下貴過架專業級的車)好,
唔識砌問人學下, 再來架車唔洗再改野可以專心SET架車.

希望你回答人時想一想, 唔好下下話人新手XXX新手XXX, 唔再多講, 不再回覆.

買世界冠軍版的人，基本上有90%是普通人!

反而普通人先要買冠軍版「貴車」... 因為我哩類人唔識SET車, 唔知點去改... 所以買部貴車返黎練手指, 去學下車哩類野. 到有晒經驗, 好熟手先玩平車, 因為到時先時點去搵同埋要點改都岩自己跑

廢話完, 大家開心玩車咪得咯

算啦ivan師兄，玩車係開心既，係度問各師兄我基本上都得到好多有心既回答同意見，大家都開心去share自己既經驗，自己問又好，體人地問又好，我都學到好多，我使幾千蚊買到個車架但買吾到人地d經驗，但係度就可以免費學到，玩車買車個人選擇黎，我地尊重番，我地有機會再交流心得，另再次多謝比意見同解答我問題既師兄！