可以準備砌車了

今日帶個仔第二次行山放車, 個仔玩落樓梯時玩得開心, 雖然間中仲會反下車, 不過佢開始認真睇住部車黎玩了, 開始有點興趣.
http://www.youtube.com/watch?v=KA8VaaNf4ew

我成機同老婆提出砌多部快 d 既陪佢玩, 結果獲得通過了, 可以再買車 - 但唔可以太大.  家陣既 size 已經係極限.

車既要求 (基本上今次諗住買部越野車):
1) 車身長絕不超過 32cm
2) 車速: 希望最快在 10kmh 之上 (起碼快過人行既一倍以上, 唔好再悶親個仔), 最好可以用個控 set 到有需要時 max 低於 5 kmh (唔係用黎爬石, 只係想限住車速比個仔學玩)
3) 可以上到 30度左右既斜坡
4) 可以在沙灘上行走
5) 可以非平路上行走 (行山既石地, 有唔少細石, 可應付落差一吋左右就夠了)
6) 可以好似片中咁落樓梯就最好喇. (optional)
7) 希望可以改成防水 (optional)

由於想自己試下砌車, 多了解內部既結構, 除非無選擇, 暫時唔想考慮 RTR.

唔知大家有無乜野好車可以介紹下? (成 set 野連控連埋電子野, 大約預算 2000 元左右)
(基於種種原因, lunchbox雖然係最好既選擇, 但由於太大, 不會考慮了. 希望大家可以明白, 放過小弟, 不用推介 lunch box 了.)

之前有 c 兄提過 buggy, wildboar, mb4, 唔知呢 d 車有無分開買車的?  因為我見 wildboar 同 mb4 好似都係 RTR.

遙控方面, 諗住買 2PL 2.4g.  唔知大家覺得好唔好?
唔知除左遙控之外, 仲有乜野要買?  電變, 摩打, servo 係咪跟車會有, 定係要再配的?

唔好意思, 問題多多, 但因為上次黑店既教訓, 今次想每樣都問清楚先.  希望唔會再後悔.  而且, 呢部之後, 相信短期內唔容易再批准我買多部了.  希望大家多多幫忙.

(P.S.  由於我見越野區好似多數講大車, 唔知應該在 18 仔問定係越野區問好, 諗住買越野車都係放呢區先.  如果放錯位, 請見諒.)

你部慢爬黎架喎做咩行咁快啊~
WallaceNg 發表於 2009-10-12 02:54

                               
登錄/註冊後可看大圖

哈哈..我地都唔識玩既, 只係當玩具買比個仔.
佢想點玩就點玩, 最緊要佢玩得開心.  當初佢想睇下可唔可以落樓梯, 我地咪比佢試囉.

而且, 我地都試左好多次, 落樓梯慢速會好易反車, 只要定住向下直衝, 反車既機會比較低.

2PL 2.4g about $700
$2000-$700 = $1300
about $1000 can buy kyosho 1/16 XXXXXXX
$1300-$1000=$300
$300 buy 電 or motor lu
KalvinChan 發表於 2009-10-12 07:13

                               
登錄/註冊後可看大圖

唔該哂 c 兄既意見, 不過我唔係好明.
c 兄既意思, 即係我既 budget 夠唔夠呢?
kyosho 1/16 xxxxxxx <- 即係乜野車?  
唔知 Kyosho 同 Tamiya 邊間既 parts 在香港易配 d?

我手上有兩舊 7.2v 既電, 唔知可唔可以 share 黎用?  尋日玩舊 1100 都夠我由山頂玩到去沙灘再玩一排.

p.s. 2pl 2.4g 700 邊度有得買? 我見 kws 最平都 780.

2pl 2.4 極速 , 好似 under $700
KalvinChan 發表於 2009-10-12 10:31

                               
登錄/註冊後可看大圖

唔該哂 c 兄, 今晚去睇下先.
唔知有無乜野車款可以推介一下?
頭先睇左 TLT-1 段片, 我見部車都好快下, 唔似慢爬.  但佢個款似係爬石既.

I am suprise you need you wife to approve buying a RC car ?????
gimsink 發表於 2009-10-12 12:10

                               
登錄/註冊後可看大圖

一家人相處, 都要互相尊重既.
要比錢買野唔係問題, 我換電腦換電話都唔會支會佢.
不過, 比個仔玩既玩具, 有要有點控制, 佢成日話我買玩具太縱個仔了.  
已經因為唔同既原因 (第一部太快, 第二部落街玩唔到), 買左三部了, 而且再買既呢 d 車亦都唔係細盒.
我買當然唔係問題, 買完番黎佢肯定會"娥".  最怕係買完番黎個仔唔多玩, 又多一件大垃圾, 肯定有排"娥".
為免麻煩, 都係大家有左共識至買會好 d.

TLT-1 可以改 , 幾好 ka
KalvinChan 發表於 2009-10-12 10:46

                               
登錄/註冊後可看大圖

我只係在偉高見過, 係 RTR packing, max climber 同埋 rock buster.
一部 1200 有找, 只一部 17xx, 不過唔記得左邊部打邊部幾錢.

聽個名, 兩部都係爬野既, 唔知邊部會快 d.
同埋, 唔知邊度可以搵到模型自己砌.

今晚再去 kws 搵下, 格下價先.   唔知除左 kws, 仲有邊度多車睇, 我住港島東既, 附近唔知有無?

之前個post d 大家已經教左你點玩最好.
why ask the same question again?
rcray 發表於 2009-10-12 13:46

                               
登錄/註冊後可看大圖

唔好意思, 因為之前大家都係 focus lunch box 為主, 而我真係唔會考慮了.
而大家亦都唔贊成我改舊果部, 所以我亦決定另買一部.
加上我想分開再講下我既要求, 而 budget 亦比之前提高左 1000, 睇下有無合適既車.  
最後就係好似 jypepe 講, 我真係幾心急, 開個新post 諗住大家易睇到我最後既要求, 可以比到意見我.
所以再開左一個 post....希望大家見諒.

唔緊要啦, 樓主都係心急想知多D, 快D買架車同個仔玩O者~
不過, 又好難急得黎, 好多野都要玩上手先知係點

講番車仔
...樓主可以慢慢睇下D舊POST, 了解下唔同RC種類, 性能, 價格...等等
始終你個要求...平, 多功 ...
jypepe 發表於 2009-10-12 14:09

                               
登錄/註冊後可看大圖

我已經不斷刨緊 d 舊文, 同埋睇緊幾個大牌子既網站搵車.
當然, 經過上次既教訓, 絕對唔敢再隨便出手.
今晚會去 kws  睇下有乜野車係 available 既, 睇完會再 post 上黎問下大家意見至出手.

另外, 唔知有無邊度可以睇下 d  零件既介紹.  我睇電子技術板同精華區, 多數既 post 都係預左大家知道每年野點用去比較 (可惜有 d 野我連佢有乜用都未知), 我想搵下有無最基本既野可以睇 (如果無既, 唔知有無書可以介紹我睇.)

15# gimsink


Thanks for your advice.
我剛剛都係去左 LOSI 個網頁刨緊, 佢有比較多 1/18 既選擇.  但係睇介紹我真係唔多知佢既性能會係點（可能我太多野唔識了).  charger 已經買左個 imax 既 B6AC,  所以應該唔駛再買了.

頭先睇左一輪, 幾鐘意部 MINI-LST2 , 不過唔知佢會唔會又係慢車, dual motor 唔知會唔會快好多.  $219 即係 1800 有找 (唔知香港幾錢), 都可以接受.  不過, 就變左係 RTR, 無得自己砌.

再次唔該哂大家既資料.

今日去完 KWS 搵 1/18 既 offroad, 好失望.  基本上只有 RTR, 無得自己砌 (只見一部 Team Gear 既 buggy 係 kit).  要自己砌既, 就只有 1/12 或更大的.
由於今次好想自己試下砌車, 順便教下個仔砌模型, 所以唔係好想買 RTR.
無癮之餘, 再去睇下大家極力推薦既 lunch box, 發現左一個好抵打既問題 (我怕大家真係想打我).  原來我一直記錯左佢既 size, 唔知我同邊部車攪亂左, 我成日記住 lunch box 係 480mm 長, 所以我成日話好大部.  再睇番 rc mart 既資料, 原來只係 385mm, 比家陣果部長 6cm.  呢次真係要向一直支持我, 向我提供意見既咁多位 c 兄, 特別係之前同我推介過 lunch box 既 c 兄們道歉, 原來係我自己攪錯左個 size, 浪費左大家好多寶貴既時間.

但係, lunch box 既寬度我都有點擔心, 290mm 肯定寬過我既背囊.  不過, 我再三睇佢既 size, 佢個車身本身應該唔係好寬, 最大問題應該係個轆.  如果我無睇錯, 拆左四個轆同前面既擋板, 應該可以放入背囊.  唔知呢部車, 要拆走再裝番四個轆同前面既擋板容唔容易?

唔知有無 c 兄可以幫我度下, 如果拆除左四個轆同擋板後, 個 body 大約有幾大 (唔計車殼, 必要時唔帶).

另外我見之前有個 post, 有 c 兄提過另一部同類既 Midnight Pumpkin, 我睇過佢既介紹, 同 lunchbox 好接近, 唔知兩部車, 除左外型上既分別外, 性能上有無差異?

聽日如果有時間再去格格價, 唔知家陣 lunch box 大約幾錢, 印象中我見最平好似 550.

23# edmondhk

唔該 c 兄, 搵機會真係要見下個真身, 確定一下個 size 先.
唔知有無邊度有成部砌好在既放出黎, 可以去認真睇下個 size, 我怕自己估估下又出事.

諗諗下, 雖然佢可能放得落個背囊, 但係帶兩部車去行山.....真係幾攞命.

P.S. 唔知 lunch box 可唔可以好似我部 rock crawler 咁落樓梯呢?

比大家講到我心思思想聽日就去買部番黎砌, 星期日行山帶去玩.

我地落山既時候, 唔係幾級幾級, 係一次幾十級, 大約十零級有一個平少少既地方 (由小西灣去大浪灣果段樓梯路, 上山 500 級, 落山 800 級左右, 段片只係其中既一小部份, 果段比較斜), 星期日部車落足咁多級, 不過...有一粒固定摩打既螺絲鬆左, 仲要牙都爛左, 扭唔番.  前轆避震既螺絲亦鬆左, 家陣上番好, 但轉灣時有一個轆升起左.
除左 ball bearing, 唔知仲有乜野係要買既呢? 摩打同 servo 係咪要自己配既? 遙控我諗住買 2PL 2.4G.  唔知係咪一定合用既?

(smallpig668 c 兄, 唔知你有無 lunch box, 有機會真係想見識下大家既車隊)

四個轆只要拆左粒螺絲帽就可以了

lunchbox 真係幾好的, 結構簡單又襟玩, 好o岩新手砌, 不過2WD就唔好期望可以玩攀爬
可以上youtube搵下, 好多人都post佢地玩lunchbox o的片上去
做防水都好易, O向入邊擺個細細個 ...
jypepe 發表於 2009-10-12 23:44

                               
登錄/註冊後可看大圖

放心...爬石車只係我買錯左既, 唔係我地要求既野.
想問問, 防水既定義係指唔怕落雨果種, 定係可以剷過  d 水 (底部衝過 d 水), 又或者甚至可以淺水行走 (底部可能有水)...... 我諗, 無可能係潛得入水掛.

另外, 附上lunchbox的說明書pdf, 或者對你有幫助~
http://www.tamiya.com/japan/download/rcmanual/58347.pdf
Caoyi 發表於 2009-10-13 00:06

                               
登錄/註冊後可看大圖

Thanks a lot!

我最鐘意刨說明書的, 可以睇定諗清楚, check 野都易 d, 買番黎就有個 idea 點做.

P.S 我地都唔係個個星期去的, 夏天唔會去行山, 改去游水的.  冬天就睇下係唔係太凍, 平時如無節目, 就多數去行山, 唔駛錢又健康.

做到唔怕落雨, D水濺起又唔整濕電子野都好OK啦...
行水...可免則免啦, 雖然有師兄整過~ 電子野唔壞, D金屬零件都生锈啦

不過架LUNCHBOX襟唔襟比你幾百級樓梯咁"登"法就難講D....
jypepe 發表於 2009-10-13 00:09

                               
登錄/註冊後可看大圖

落唔到水唔緊要, 我都盡量唔會比佢落水.  落唔到樓梯我怕個仔唔 happy, 佢都係玩落樓梯果陣最認真, 行平路佢好少理.  不過, 部車快左就唔知佢會唔會肯認真 d.
如果部車真係太大, 可能只係帶一部去, 佢一定會攞黎落樓梯的..... 希望唔會係幾舊水玩一次.

37# jypepe

唔該哂 c 兄.
我睇左 lunchbox 既 manual, 我怕落完樓梯, 佢個底塊 battery holder 會撞爆 (如果樓梯角卡左入前後輪中間, 可能會撞中個 battery holder, 甚至壓落舊電度), 唔知佢係膠定係金屬.
我之前玩完樓梯, 個底板都磨到花哂, 好在係金屬片, 捱得住.

係呢, c 兄當日點解會玩玩下唔要既?

真係好多謝你既意見, 同埋花時間搵 post 比我參考, 唔該哂.

其實我都仲係乜都唔識, 有時連自己真係想要乜都未肯定, 有乜要買又唔 sure.
到底 off-road, buggy, truck, 大腳...邊類車合我都仲有點迷茫.  不過, 見 lunchbox 有得自己砌, 而且 kit 又搵唔到 1/18.  加上突然發現佢既 size 可能都 ok, 暫時仲係首選, 認真搵緊佢既料 (佢既寬度暫時仲係一個難題, 我個背囊應該裝唔入, 不過諗住佢夠平, 多餘既錢買過個新背囊). 我都怕平日晚上同個仔帶部 lunch box 落樓下公園玩, 會比管理員制止.

如果呢 d 車有 kit 比我自己砌, 可能都會考慮番細車.
LOSI - Mini LST2 (認真黎講, 我最鐘意呢部的, 不過只有 RTR, 同埋我怕無 parts 配)
Tayima - TLT-1 (貪佢細部 d, 但已經 discontinued)

真係好多次大家既 comment.  

我個仔既常規運動, 一向由老婆安排, 家陣已經好足夠了, 再加比佢我怕佢頂唔順.
我係比較貪玩既人, 而且我主張遊戲中學習, 所以諗住買部遙控車比佢玩 (遙控車可以訓練一個人既操控技術, 專注 同埋 反應, 如果佢肯砌車, 仲可以學到好多野, 我覺得玩車幾健康既).

gimsink 兄講得無錯, 我真係覺得自己 loop 死左, 唔知點攪好.
又唔可以話原地踏步既, 起碼已經收細左個選擇範圍.  
對於 c 兄黎講, 可能我問既野都好多餘, 但對於我黎講, 真係慢慢知多左好多野.  我初時真係以為好易搵到 kit 既 18 仔的, 所以一開始就唔諗 lunchbox.

家陣正如 gimsink 兄講, 基本上我得番兩個可能.  
RTR = Mini LST, DIY = Lunch box.

最後既決定, 就要我自己因應自己既需求去諗了.

thanks for your advice.  我家陣都係偏向 lunchbox 多, 因為真係想學下砌車. kit 已經無選擇.
想問多個 stupid question....BL9T 係咪快 d 既摩打?  AE 又係乜黎既?  
(如果我家陣識黎都無用既話, 或者遲 d 我買左再教我吧)

或者我想 sum up 番我要買既野 (就當買 lunchbox 喇, 費時煩了):
1) lunchbox 模型 (with ESC 好似見 550)
2) ball bearing (唔知幾錢)
3) BL9T (係咪即係摩打?)
4) Futaba 2PL 2.4g (around 700)
(其實我唔知 2.4g 係咪真係好好多, 因為我見有人放 3ch FM 既都係幾舊水, 同樣既錢, 多個 ch 用黎 control 開燈 or 其他野, 唔知會唔會仲好.)
唔知仲有乜野要買, 之前睇 post 見人話佢既避震唔掂, 可能要換, 同埋可以加內軚或者海棉, 唔知對落樓梯有無幫助.  摩打既齒輪係咪 fix 左, 定係可以轉的?

今晚再去睇睇....可能出埋手都唔定 (費事夜長尿多了, 諗得多都好煩......傷身)

thanks a lot!
咁即係我買左盒車, 再買個控, 砌完就玩得?

我本身有2舊 7.2v 電, 係綠色插頭 (一圓一方既插), 唔知 lunch box 跟黎個插係咪一樣, 我駛唔駛改?
不過, 我估一晚都砌唔完, 買左番黎再睇下第日再買都得.