老咗嘅新手報到

有無睇過一本叫做“精密模型”的模型雜誌，如果有，相信大家的年齡都差不多。田牌的四號J型戰車不錯，只需少量修正及追加少量細節，不過戰車內部“走線”的空間較少，以及由於真車是由人手操作炮塔轉動及炮管角度，故RC戰車上沒有相關動作的聲效。

我兩星期前係廣華街附近間搖控舖買了個Futaba Attack 4WD都係$800.00元 (包receiver及servo，但坦克不用servo)。

jythegreat師兄太誇獎了，我只係完成了兩架田牌坦克，都算是新手一名。四號J型我只係更換了金屬履帶 (約$1,000.00元)，取其可增加額外重量 (相對於KingTiger則較輕) 及少量ball bearing，其餘都係用模型膠片及銅線追加細節，並沒有使用德國補品。連遙控器及模型油，埋單計約$8,000.00元左右。

換田牌原裝或Impact出產的金屬履帶可直上，無須更換其他部件，其他廠牌就不清楚。既然師兄鍾愛噴德國灰，咁一定要留意在二次大戰中，四號J型是沒有以德國灰的型態出現，以德國灰的型態出現而又較出名的型態是短炮管的四號D型。

jythegreat師兄，既然有玩開二戰坦克模型，咁你一定知道由四號J型改至四號D型似乎不只改短支炮管咁簡單。