請問副油針通常要轉幾多個圈?

如題~~FW06大約要轉幾多圈(副油針)

另外想問下FW06頭轆係唔係無差速的?因為我架野尾有差速但頭無....姐係架車寧空,郁左前轆右前轆會同左前轆同一方向轉,正常唔係應該反方向轉嫁咩?

FW06 原裝應該跟 GXR15 engine,
大細油針的原廠設定都是2圈半

至於個頭担如果是直軸的話, 可換個單向, 約$150
如果換頭差速, 就幾十蚊, 或者問下有無其他人有多.

其實油針無話收幾多圈先叫標準...
部部出廠唔同.....
唔好教壞人
佢2圈半可能90度 你可能百幾度或者著唔

我係睇番kyosho網上的說明書, 大細油針係2圈半

2圈半的意思是由最入再逆時針擰出2圈半, 大家有共識, 可能只係你唔識

我自已都有部 05T 都係用呢部 GXR15, 呢個係標準 setting,
較亂左可由此開始重新調整.

大家在這裡發表意見, 都係想大家研究一下, 你話我教壞人, 咁人人唔出意見的話, 要呢個討論組做乜 ??

你可以見到有些RC討論區已足足幾個月無人發表意見, 在香港玩RC的人已愈來愈少.
大家有機會交流一下其實是好事, 應該珍惜.

你話我會教壞人, 咁請問你又會如何提供意見呢位仁兄點去撻著架車呢 ??

如果連2圈半會等如90度你都講得出, 我睇你連小六數學程度都沒有, 竟然話我會教壞人 ??

http://www.rcfans.com/html/200607/n7.html

http://www.rcfans.com/html/200607/n5.html

以下的連結是 Kyosho GXR-15 的 menu

http://www.kyosho.com/jpn/suppor ... 74016b_gxr-15_m.pdf

希望對 日本鋒晴畫 兄有幫助, 而不會敎壞你
文中 page 4 英文說明, 右便 column 寫著:

"Engine starting & Break-in................screw to their standard position as follow...."

這個 "standard position"  就係我們所共識的所謂 "標準設定"

但係可能有些高手如 tselip 兄會覺得, 較車頭油針邊有 "標準" 位置架 !

當然啦, 部機行落左, 因應不同油的度數, 天氣濕度, 温度, 火咀等的不同, 是有不同的調較,
呢樣係人都知, 實不用 tselip 兄在此丟書包, 指出係無 "標準" ge

但見到 日本鋒晴畫 兄問的這兩個問題, 我們可假設他是一個新手 (希望日本鋒晴畫兄不要見怪), 作為一個新手, 當個引擎較到亂晒的時候, 是否需要一個 "標準" 位置來還原基本步呢? 啊, 讓我改個名稱, 叫做 starting point 吧, 或許 tselip 兄會滿意一 點.

京商的 RTR 車我前後買過兩架, 兩個手拉引擎買回來時都是調到同一個位置的, 一拉就著,
我不相信這些引擎出廠時是胡亂把油針亂較就賣出去, 你到模型舖買幾架番來睇下, 他們的油針都是調在同一位置出廠的, 難道這不是一個 "標準" 嗎 ??

噢. 我差點忘記,有些人是把 "標準" 這個字看得很標準的.

90度係溫度唔係角度........先生你理解力有d問題

人人唔出意見唔代表你可以亂出意見

其實我只係想講教果時少少咁扭
原廠setting應該已可以著車
並唔係想係道嘈

呢位兄台開口話我教壞人,
埋口又話我亂出意見

咁叫人點敢係度發言 ??

現在你又承認有原廠setting    

都係慳番啖氣, 到此為止

擰幾多圈乜偈都唔同,12級,21級或turbo已經唔同
最好買個溫度計,一定可以係tune到最好

原帖由 IBM 於 2007-12-25 13:47 發表

                               
登錄/註冊後可看大圖

呢位兄台開口話我教壞人,
埋口又話我亂出意見

咁叫人點敢係度發言 ??

現在你又承認有原廠setting    

都係慳番啖氣, 到此為止

你衣+明90度係咩未???

"其實油針無話收幾多圈先叫標準...
部部出廠唔同.....   
唔好教壞人
佢2圈半可能90度 你可能百幾度或者著唔" supported and agreed
在玩車地方,常見到一些不懂調較油針的朋友們,時但著車後,就放落地玩,既慢且傷ENGINE
什麼是標凖油針,那位人兄究竟知不知道教油針是在教什麼,其內部結構是怎樣呢?你認為D o-ring 粒粒一樣嗎？用唔同油唔同火咀唔同天氣都有不同油針設定,我就真係唔識乜野係標凖油針,說明書寫咗就係標凖,敢你睇睇有幾多京商車手用返京商說明書上的＂標凖＂ＳＥＴＴＩＮＧ,又有幾多車用的ＥＮＧＩＮＥ說明書有講所謂＂標凖＂油針ＳＥＴＴＩＮＧ

http://www.rcfans.com/html/200607/n7.html

http://www.rcfans.com/html/200607/n5.html

這都是不錯的參考,慢慢試慢慢學

＂你可以見到有些RC討論區已足足幾個月無人發表意見, 在香港玩RC的人已愈來愈少.
大家有機會交流一下其實是好事, 應該珍惜.＂一個有質素的討論區才值得珍惜,一個重量不重質的討論區有什麼用,咪係人云亦云,什麼標凖唔標凖

[ 本帖最後由 chrishkyung 於 2007-12-26 10:10 編輯 ]

GXR-15 其實真係好易教...........唔好理細油針住教左支大油針先
教得好食個麵都未死火