M車選擇

Xm1s and m4 sport都玩緊，m4 sport唔係所講咁差，最大分別只係波箱有不同設計！xm1s用一件過波箱上底板會準啲，但其實膠料都差不多一樣軟，m4sport分開左右波箱收緊只要慢慢上緊一樣都可以準的！反而我自己比較喜歡m4Sport

bunpong 發表於 2019-5-30 02:05
Xm1s and m4 sport都玩緊，m4 sport唔係所講咁差，最大分別只係波箱有不同設計！xm1s用一件過波箱上底板會 ...

M4 SPORT當然個波箱可以扭得準，老手一定冇問題。
但對於一般初學者嚟講，就唔係易事嚟。
同埋佢地未必SENSE到係要咁做。

料O既硬度，我可以幾肯定講，XM1S硬啲。
M4 SPORT啲膠料係未跑都軟，XM1S係跑熱咗會軟啲。
同埋兩架車你攞上手就咁扭下，XM1S接近扭唔郁，M4 SPORT係可以扭得幾勁下，邊可能話兩架車膠料差唔多啦。

當然，我唔會話，架車扭係一定壞事，架車扭係唔係太咬O既場係好正添。

但我地要考慮O既問題係，呢架車究竟係TARGET俾咩人，老手定新手。
如果係新手，佢可唔可以HANDLE到扭到架車直係一個問題，佢唔知架車玩完返嚟要再扭鬆佢再扭返實又係一個問題。

對老手嚟講，兩架車都一定會係HANDLE到架。
但對新手或第一次玩O既人，又係咪可以HANDLE到呢?
到時又應該買邊架呢?

我覺得呢個先係應該諗清楚。

同埋其實唔係話架車差，只係指出，M4 SPORT係成架車都扭好多。

其實等同於早排架MG EVO。

我都SET到架車O架喎，車架都冇扭曲到喎。
但出現都一堆人話唔得，買完又賣返出去云云。

咁係咪架MG EVO唔得先?唔係喎，佢好走喎。

原因係:冇人有咁好心機去慢慢SET同整。

如果係一個新手，佢連襟住頭尾油壓架O既工具都冇，或唔知道要咁做先上實O的螺絲.....你覺得佢真係會SET得架M4 SPORT好平整唔扭?

有時作為一個推介，或講解，要多啲去睇一O的問題，同呢O的問題解決O既複雜程度。

AMAT提到車架扭問題，其實一般情況，車架應該比較扛扭還是應該要硬呢？

pdaman 發表於 2019-5-30 11:10
AMAT提到車架扭問題，其實一般情況，車架應該比較扛扭還是應該要硬呢？

場地少traction(石屎地)，要扭
場地太多traction(地毯場)，要硬

pdaman 發表於 2019-5-30 11:10
AMAT提到車架扭問題，其實一般情況，車架應該比較扛扭還是應該要硬呢？

車架硬有車架硬好，車架軟有車架軟好。要睇咩場合。

舉例你個場地面TRACTION好高，好似地毯場O既，個個都換晒鋁底板，有咁硬得咁硬。
掉轉個地面TRACTION唔夠高，架車扭O既話，你咪有彎囉。

除咗咩場合，仲要睇咩摩打。

舉例你行17.5摩打，動力唔係好大，自然需要架車扭嚟幫手攞個動力入彎。
但如果你係MODIFY O既，8.5 O既，動力本身就好大，就唔會想架車咁扭，因為太扭當一啲連彎時，回軚但車架回唔返切，就會啲彎鬼咗，古古怪怪。

所以有啲車設計，天生係唔適合行MODIFIED，有啲車係17.5又唔夠人嚟.....

好難話有絕對。最後仲要睇揸果個人究竟係鍾意早入灣定遲入灣嚟睇，好多因素。

但扭O既車架有一個缺點，就係玩完返嚟做好做一次調平，唔係的話可能架車扭咗，就會行唔直。

Chrispo 發表於 2019-5-28 11:55
謝謝你的意見！其實210同225行出嚟有咩分别，我自己都晤知。主要在pyc玩，是否3Racing支援好D？ ...

師兄, 我都係pyc 玩過m 車

m 車速度完全無得同大車比, 因為手腳短好多, 過灣車速要收慢d先入到, m車係比較易cup 4, 要就住黎楂

如果你貪過引玩下無問題, 如果用黎鬥快係會比人推到hihi

m 車我用xpress xm1s, 極力推介呢部, 因為
1: 膠料好靚, 好硬淨
2: 波箱一體化, 一砌好部車就正形
3: 原廠已經好好跑, 可以乜都唔洗option, 淨係買個電池扣就ok
4: 平$750, 幾百蚊買到架跑得既車仲想點

model先決 發表於 2019-6-2 02:09
師兄, 我都係pyc 玩過m 車

m 車速度完全無得同大車比, 因為手腳短好多, 過灣車速要收慢d先入到, m車係比 ...

M車CUP唔CUP係睇你用咩殼，用啲房跑殼唔係太易及。

計用料，XPRESS係靚O的。

但如果計整好架車平整好，行出嚟的話，3RACING好行啲。
3RACING多問題，但整好係真係佢好行啲。

我有部十年前出的vm2, 比較而家呢2部如何?

AMAT 發表於 2019-6-2 09:16
M車CUP唔CUP係睇你用咩殼，用啲房跑殼唔係太易及。

計用料，XPRESS係靚O的。

m 車係因為先天手腳短, 物理上已經易cup d, 就算你用protoform touring 殼, 但係人地大車都一樣用跑殼,
無錯直路可能有得追, 一入灣就見真章, 如果你同大車同一速度同一角度入灣, m 車保證你實cup 4
如果唔cup, 只係因為速度未夠快
唔好誤會, 我唔係話你手車慢, 我又未見過你跑, 當然唔知你係咩速度
我只係指出先天m 車手腳短, 車陣窄, 一定係無大車咁高速過灣

試想像下如果手腳係好長好長, 無論你點轉都唔會cup 車, 相反如果係車身好窄好窄, 慢慢過灣都驚佢反

XM1S比M4差點，因為先天無法用長電，配重不良，
若用標準540 MOTOR，電池端輕了快100g  
我後來用直升機用小型外轉子無刷解決這問題
但是XPRESS的車萬向傳動軸不耐用的問題依然存在

M車最適當的軸距是225....210太敏感   239太鈍
過彎會滾是天性   但減緩方法不是沒有  兩大方式   
第一是換低重心殼    第二是前後輪downstop留少點

剛砌好近期大熱2架M車3仔同Xpress平價版，見好多人都作出比較，但以壹個新手玩旳話我會買3仔，因為3仔真係什麽都不用改及連壳都噴左油不用太難攪，而裝砌方面也不用修改直砌到尾，又可用長短電裝遥控摩打就落地玩。而Xpress裝砌都容易不太大修改，但電池架無3仔咁好可能要換，轉向柱要換金屬，又要買個車壳噴油，但四枝避震就好過3仔，3仔全枝是膠造無咁硬净及調校彈弓絲母會走位，Xpress起碼有幾件金屬件。-