新手請教噴硬殼方法!

小弟想請教下噴油

1. 想問噴油前使唔使洗殼?
2. 底灰係咪用fine surface primer?
3. 成個程序係咪噴底灰 > 用砂紙省 > 再噴面油?
底灰要幾多層? 同埋砂紙係咪用水磨果隻? 用幾多號?
4. 如要噴原本黑色既膠件, 係咪跟返車殼咁噴法?

唔該各位師兄!

我噴過個wild willy 2, 係師兄教路, 效果OK, 分享如下:

我冇用底灰, 因為個{banned}殼係綠色, 我又係噴綠色, 算. 如果同原本個色差太遠, 我會噴底灰.

具體噴, 就係每次噴極薄一浸, 薄到感覺係唔點濕既.

離遠少少噴, 至少尺幾. 同埋一禁落去果下(我用罐), 唔好指住個殼, 因為果下最難控制好易噴到太厚.

跟住等佢乾, 再噴. 如是者, 噴返六七八浸, 效果就好好. 考耐性多過技術.

砂紙, 未試過, 等高人講.

1)冇所謂，如你唸住噴底灰就唔駛。
2)可以，但都要睇你上咩色，如鮮色就用白灰，深色就用灰。
3)程序大至上係，不過灰不用太厚，足夠覆蓋可以，用800-1200號水砂子磨吓，未必整個殼，只在有麈或不平滑地方可以。
4)如果原本係黑色噴黑色就不用再上灰，除非你轉色。
記住底緊要過面，要噴得靚做好個底面油就自然靚！

唔好噴咁靚！！一陣唔捨得拎黎玩！！haha

唔該師兄解答, 應該呢兩日去買油!
另外想問圖中果兩個位, 貼左masking 然後油上去得唔得? 定係要噴?
thx

neway_box 發表於 2015-6-1 15:17
唔好噴咁靚！！一陣唔捨得拎黎玩！！haha

新手手功普通, 應該唔會"好靚"
同埋拖頭玩慢應該好少揩花

tempo3010 發表於 2015-6-1 16:06
唔該師兄解答, 應該呢兩日去買油!
另外想問圖中果兩個位, 貼左masking 然後油上去得唔得? 定係要噴?
thx ...

如你有噴槍，可以masking後噴上去，因為可以細噴，又不用masking太多，冇的話我不建議用噴罐，用手油吧，買星星方型樽那隻，用面相筆先油邊再油中間，出了界不用怕，可用x20開油水刷走而不傷底油(即是方樽油的開油水)，又或者先噴了這個位置的顏色再masking先上底灰上油。

tempo3010 發表於 2015-6-1 16:06
唔該師兄解答, 應該呢兩日去買油!
另外想問圖中果兩個位, 貼左masking 然後油上去得唔得? 定係要噴?
thx ...

X18半光黑，如油的話買方樽，不要買水性，唔難，你做到的。

novafans 發表於 2015-6-1 23:06
如你有噴槍，可以masking後噴上去，因為可以細噴，又不用masking太多，冇的話我不建議用噴罐，用手油吧， ...

用手油好提議!
不過怕唔怕d 油有掃痕唔滑?
如果唔用手油, 轉貼masking 再噴又驚會滲
唔該師兄解答, 非常感激!

tempo3010 發表於 2015-6-1 23:24
用手油好提議!
不過怕唔怕d 油有掃痕唔滑?
如果唔用手油, 轉貼masking 再噴又驚會滲

市面上不同油特性其實不同，有些適合噴有些適合油或做效果，星星那隻正好是適合油，它的溶劑乾得比較慢，所以較沒有筆痕，我建議你旁邊把手手油而車頭同車窗噴，因為面積較大噴效果會好一點，但估計你冇噴槍你可以大概masking不上色部份，先不要遮蓋得好準，然後用噴罐要輕手，噴好後撕膠紙，少許出界不用理，因為上底灰會遮蓋掉，將黑色部份小心地遮蓋好，上底灰再上油，如撕掉膠紙有些滲，用方樽星星黑色補，補得不好用X20溶劑清理再來，其實没想像中難，做得幾次就得。

novafans 發表於 2015-6-2 02:47
市面上不同油特性其實不同，有些適合噴有些適合油或做效果，星星那隻正好是適合油，它的溶劑乾得比較慢， ...

感謝師兄詳細解釋!
我諗住咁做:
先成個上底灰(白色果隻) > 跟住噴主色(藍色) > 跟住貼masking(貼入d, 防止黑色漏到藍色度) > 噴黑色 > 撕走masking > 用黑色細支油黑色位既邊
咁樣得唔得?
thanks!

另外問埋說明書入面既plastic cement 如果用普通AA 膠得唔得?
THANKS

tempo3010 發表於 2015-6-2 13:03
感謝師兄詳細解釋!
我諗住咁做:
先成個上底灰(白色果隻) > 跟住噴主色(藍色) > 跟住貼masking(貼入d,  ...

我就會咁做，先大概遮蓋主色部份-噴黑色(只限大面積，把手不用)-撕膠紙，用模型天拿水(郡氏tinner)抹走淺出來的點點黑色，邊位不用(因為用噴罐關係，會很容易令没遮蓋地方一點點)-小心遮蓋黑色部份-上底灰白-上主色-上力架(如需要)-撕膠紙-補黑色(如遮蓋工作做得好應不用補太多)-手油把手完成。如用你的方法可行，但因你冇噴槍，而噴罐很容易淺到一點點黑色落主色喥，所以不建議。

tempo3010 發表於 2015-6-2 13:20
另外問埋說明書入面既plastic cement 如果用普通AA 膠得唔得?
THANKS

可以用超能膠但要用啫梨狀用牙籤點上去，不要用液態狀。

novafans 發表於 2015-6-2 13:57
我就會咁做，先大概遮蓋主色部份-噴黑色(只限大面積，把手不用)-撕膠紙，用模型天拿水(郡氏tinner)抹走淺 ...

明白, 咁我跟師兄做法先噴黑色
唔該師兄解答, 非常感謝!!

novafans 發表於 2015-6-2 14:00
可以用超能膠但要用啫梨狀用牙籤點上去，不要用液態狀。

液態狀係咪會令透明件白矇矇?
我記得以前細個砌1/24 用液態狀痴到D 邊白矇矇

再問多個問題
雙星拖頭既貼紙同軟殼貼紙係咪一樣?
軟殼果D 都幾硬淨, 我仲噴洗潔精水慢慢痴到靚為止
請教硬殼貼紙點痴先靚? 因為我手功唔好, 未必可以一貼即中

THANKS!!

tempo3010 發表於 2015-6-2 20:16
液態狀係咪會令透明件白矇矇?
我記得以前細個砌1/24 用液態狀痴到D 邊白矇矇

已噴白底灰, 好興奮!!

tempo3010 發表於 2015-6-2 20:19
已噴白底灰, 好興奮!!

點解唔噴黑色先上灰？黑色先淺出的一點點可抹，上灰先不行。

tempo3010 發表於 2015-6-2 20:16
液態狀係咪會令透明件白矇矇?
我記得以前細個砌1/24 用液態狀痴到D 邊白矇矇

啫梨狀都會變白，只不過係易痴上去而且可用少d，冇咁易變白，貼紙要痴得好一定要剪出來對好位然後由其中一邊痴先，不要成塊拉起來貼。

登錄/註冊後可看大圖