RC EVOLUTION - 遙控工房 - 香港RC遙控車討論區

 找回密碼
 新玩家註冊
搜索
查看: 1971|回復: 12
收起左側

購物車問題 - 請正視

[複製鏈接]
 樓主| 紅色的馬莎 發表於 2018-5-31 12:18:07 | 顯示全部樓層 |閱讀模式

遊客登錄

您需要 登錄 才可以下載或查看,沒有帳號?新玩家註冊

x
點解又清空左我架購物車呀? 一個月清空兩次,我點樣買野呀? 兩日前仲有7-8個ITEM 在購物車,今日 0 個ITEM .....已經上個月同你地反映了,今個月都一樣,完全無改善....
warehouse 發表於 2018-6-1 08:58:15 | 顯示全部樓層
在商言商,D客hold住D貨又唔知要唔要,等同超市之購物車購物籃之貨物,通常收工前都放回貨架,其他客有公平機會選購。
 樓主| 紅色的馬莎 發表於 2018-6-1 09:16:00 | 顯示全部樓層
warehouse 發表於 2018-6-1 08:58
在商言商,D客hold住D貨又唔知要唔要,等同超市之購物車購物籃之貨物,通常收工前都放回貨架,其他客有公 ...

師兄,你有冇係rcmart買過? add左落去購物車的item ,係完全唔會影響到其他人, 直到要打電話去confirm order 先會幫你holdd貨品.
我情況係我add 左落去購物車之後幾日,會無啦啦唔見左,但聯絡過rcmart,之後佢地話唔應該會發生,正常add 左落去購物車的item,
你一日未去正常買, 一日未去confirm order,一日都應該在係購物車.

warehouse 發表於 2018-6-1 11:05:17 | 顯示全部樓層
佢地講緊廢話,我琴日剛去買嘢,簡單講呢間嘢買就落單上去俾錢,暫未定總共要買甚麼,已放車仔的用手機影低,下次再找也易D。
Dinballian 發表於 2018-6-1 11:12:46 | 顯示全部樓層
首先為師兄今次不快既購物經驗致歉. 亦想解釋返今次事件

紅色的師兄, 早前聯絡過表達有關問題, rcMart 已解釋過, 要保存購物車既貨表, 必須要處於登入狀態下才可以, 如果師兄無登入作出操作, 是不能保存於購物車內的

先再次致歉, 可能同事講得唔足夠

要保存購物車內物品, 必順先登入再加物品進購物車, 如果紅色的師兄是先加物品後再登入, 物品會於一段時間後消失的

rcMart 再次為今次事件致歉, 另祝各位師兄購物愉快, 開心玩車
 樓主| 紅色的馬莎 發表於 2018-6-1 15:52:53 | 顯示全部樓層
已經同你地講個無數次,我當然知道要’登入’左先會見到購物車的item,我星期一’登入’ add 左6-7個item落去購物車, 星期二再次’登入’add 多左2個 item ,我check 清楚有7-8個 item 在購物車,我先 ‘登出’.我如果冇’登入’ 又如何可以‘登出’呢? 昨天星期四早上我再次’登入’,就見到購物車的item 係 ‘0’.
 樓主| 紅色的馬莎 發表於 2018-6-1 15:59:32 | 顯示全部樓層
warehouse 發表於 2018-6-1 11:05
佢地講緊廢話,我琴日剛去買嘢,簡單講呢間嘢買就落單上去俾錢,暫未定總共要買甚麼,已放車仔的用手機影低 ...

師兄,已經同rcmart  佢地講個無數次, 佢地個system 可能有問題(bug),
佢地死都只係話我有問題, 登入’ add 左落去唔算數,當我係白癡,

Dinballian 發表於 2018-6-1 18:42:19 | 顯示全部樓層
紅色的馬莎 發表於 2018-6-1 15:59
師兄,已經同rcmart  佢地講個無數次, 佢地個system 可能有問題(bug), 佢地死都只係話我有問題, 冇’登入 ...

紅色的師兄, 我地絕對無呢個意思, 只係想解決師兄想遇到既問題, 亦都不斷去尋求有冇第二D師兄都遇到同一個問題, 因為我地都想為大家帶來優質既購物經驗, 等大家買得放心, 玩得開心.

rcMart 為今次事件, 再次致歉
warehouse 發表於 2018-6-1 19:57:16 | 顯示全部樓層
原本我都唔想多講,但紅色師兄無講假話,Dinballian師兄請翻查紀錄,我前日落單買xisport主板及二樓板,全個程序完成亦給予我購物單編號,原想打電話通知1小時後到取,但見你地收5點我可能白行所以啉住琴日朝才打電話約取貨,點知琴日朝成張單唔見咗,心裏媽媽聲又要重頭落單,落完那那聲立即打電話通知1小時後到取,唉!時間好緊張,遲些又怕張單消失。
warehouse 發表於 2018-6-1 20:31:59 | 顯示全部樓層
本帖最後由 warehouse 於 2018-6-1 21:58 編輯

心底話我對rcmart是又愛又恨,愛它是貨多1達地方便可買齊,唔駛東奔西跑,恨它是做生意太執著太制度化,我買了7部kit車,其中1部sakura d3 其中1隻啤令不順(車砌到一半),我攞上去要求換1粒啤令(不是要求換kit),某人話要寄番粒啤令去厰檢查如確定為質量問題會通知更換,但需時幾星期,挑!1粒啤令幾蚊,買了成萬蚊嘢唔通會搭車來回呃粒啤令,還有其它..................自此我很少上去買嘢 ( 並非rcmart問題,我愛它,但我年紀大心胸窄想留一點尊嚴 ),東奔西跑麻煩一些但心裏舒服。
戰友 發表於 2018-6-2 17:52:29 | 顯示全部樓層
我都有以上情況,我都覺得很麻煩,有時在購物車選了十幾二十件野,但唔驶一星期全部清空,有時選好的東西都好花時間,又要就佢地時間先上到去,5点就收工,星期六又早收,假期更唔開,所以而家只選D真係出便難搵冇辦法先上去買野,真係好似樓上ching講,又愛又恨。
tophand88999 發表於 2018-6-20 19:20:54 | 顯示全部樓層
原來咁多人比佢地清空過,
有時買D垃垃雜雜,諗住廢事行一轉,
放購物車到,夠兩百咪 HK3SHIP 咯,
點知清空咗,都冇心機響佢地度買。系統有D落後咯
 樓主| 紅色的馬莎 發表於 2018-6-25 09:24:20 | 顯示全部樓層
Dinballian 發表於 2018-6-1 18:42
紅色的師兄, 我地絕對無呢個意思, 只係想解決師兄想遇到既問題, 亦都不斷去尋求有冇第二D師兄都遇到同一 ...

已經連續投訴左3個月,前兩天我的購物車又再次被你地清空, 你地公司個system 有問題(bug), 唔該去整下佢啦! 唔好淨係識 講 :[致,  再次致] 之類說話.

您需要登錄後才可以回帖 登錄 | 新玩家註冊

本版積分規則

手機版|小黑屋|RC EVOLUTION - 遙控工房

GMT+8, 2022-1-29 00:24 , Processed in 0.028652 second(s), 15 queries , Gzip On.

Powered by Discuz! X3.2

© 2001-2013 Comsenz Inc.

快速回復 返回頂部 返回列表