Buggy 迷喜訊(美孚荔枝角公園可以玩電buggy)

2014年話得但係我無車，而家有車唔知點呢？近來有無師兄去放車得唔得。

Thank you IBM ching

vision 發表於 2014-6-15 06:29
唔樂觀.....
就咁一塊地, 大家好似流晒口水咁, 我地玩rc真可憐

ching 講中很多rc友心裏難堪事，每區都有免費足球場籃球場，1個波約300元就可以堂堂正正落場玩，我地1套車要千幾2仟蚊才能玩，運動成本多數倍，但能堂堂正正落場玩有幾多個免費場？表面上除了幾個公園禁止其它公園可以放車，當你揸住架車係公園玩要左就右就，行人路要就人，草地要就樹要就花叢，太快又捲起大量草俾花王同清潔工鬧，太慢又無引 ; 我試過早幾日係公園揀條約100呎長較少人行之行人路放三輪車約15分鐘，保安埋離講：( 係就係可以放車，但有市民投訴你有機會有可能撞到佢地和嚇親佢地，你去其它地方玩啦！ ) 掉那嗎，我8架車最大部係yeti ，已揀部最能細最能無撞擊力之三輪車都俾人窒住晒，如vision師兄講玩rc真可憐，只要聽聞邊處有些少玩地，流晒口水四圍收風，可悲。

1BM 發表於 2018-9-15 15:29
C兄的不愉快經驗 , 相信大部份玩過RC車的人都有遇過 , 以往的香港比較和諧 , 小朋友及青年以至中年 , 閒 ...

c兄好文章夠透澈，觀感跟你完全一樣，當年揸住架遙控平路車或京商電單車或陸地氣墊船，帶住仔仔行到邊玩到邊，全無顧慮無人投訴，有人經過只是駐足觀看或閒聊，很和諧。