掙取橋底臨時場最新進展

經過小弟一個多月黎同康文署, 路政署同港鐵交涉聯絡之後.
二月二十號夜晚八點鐘成功聯同大約二十位橋底車友約見以上三個部們見面表達訴求.
我地同時亦都請到灣仔區區議員鍾嘉敏議員一同出席是次會議.
在該會議上, 路政署, 康文署保持一貫政府作風, 將所有責任推卸落港鐵身上,
表示因係由港鐵要求擴展沙中線工程先至要封閉橋底車場六年之多,
所以應由港鐵負責搵地起返一條臨時跑道代替之用.
如果係咁樣的話, 我地普通市民就無能力逼到大財團積極解決事件, 因為港鐵只係一間鐵路公司並唔係政府部們, 佢地係無責任回覆普通市民既訴求.
另外在開會之前我一路聯絡港鐵表示要求佢地起返個臨時跑道, 但得到既回覆都只表示只係"灣仔"搵唔到地起臨時場,但到開會期間就突然表示都搵過"其他區域"亦都搵唔到其他地方所以無辦法起臨時場.
更大膽地要求我地身為普通市民既橋底車友協助搵地.
小弟亦都係開會之前多度呼籲橋底車友協助搵一D吉地或者人流較少既公園提供給與有關部們.
最後我地提供左六至七個地方選址俾有關人仕, 但港鐵仍表示需要給予港鐵土地部們去研究.
所以我地強烈要求港鐵需要係黎梗星期三 (2014-02-26)用電話回覆進度.

小弟在此呼籲, 一定會再有同該三個部們會面既第二次會議, 如果各師兄想參與是次"保衛橋底行動"可以留意最新進展, 小弟會努力更新進度, 希望第二次會議可以有更多師兄出席俾壓力該三個部們, 令到佢地可以積極地解決我地既訴求!!!

chub 發表於 2014-2-21 10:57
筲箕灣愛信街剛有個爛地停車場被收回！都係橋底黎架

多謝師兄提供選址
但師兄如果可以的話，
係安全情況下影唔影到實況相片upload上黎，
我會再根據有關地段再係google map再capture有關區域，
之後連同有關相片，地址資料提供給港鐵。

首先多謝咁多位師兄支持！！！
我會聯同橋底一大班車友努力維護依個令我地生活多左好多色彩既橋底跑道！！！！

chub 發表於 2014-2-21 12:38
得！比小小時間我！

得！！！無問題！！！麻煩師兄！！！

andyhim 發表於 2014-2-21 12:54
果度太近住宅，有機會被駁回，我搭巴士經過見到鰂魚涌海旁有幾塊地吉左好多年都冇發展，須然冇上蓋，但都有 ...

康文署尋晚都提及過依個問題，但原來佢地一路都認為我地係玩油車，就話油車既氣味同聲響會影響居民！！
但我地一再從申，現時大約98%既橋底車友都係玩電車，擾民方面絕對無咁既問題！！！
根本係佢地既概念方面只逗留係七八十年代遙控車仲係油車主道既思想

ckcgary 發表於 2014-2-21 19:34
不過如果可以順便照顧玩油車嘅師兄就最好，因為唯一可玩油車嘅阿公場都無埋，真係做過街老鼠咁......:diz ...

CKCGARY兄...
好老實講.....
玩油車既師兄我地真係未必能照顧到...
我都有玩油車.
油車玩既聲浪.....有時真係幾擾人....
就算我自己去工業村停車場玩...
我都怕嘈到有啲係停車場休息梗既司機大哥...
所以小弟係到講聲唔好意思....我真係無能為力.
係到小弟向一班油車既愛好者致歉

Nori 發表於 2014-2-21 22:51
ken哥，下次再開會系到吹雞，一定到。

收到NORI兄~~~~

ckcgary 發表於 2014-2-24 09:13
我有去信問無咗橋底呢個油車場，official 政府有咩地方可以玩油車，班咬糧友不經思索就覆我去 JV 玩，JV  ...

CKCGARY兄....
橋底何嘗唔係好多師兄去信或者去MAIL黎反影訴求......但都無晒影....
我就係見到咁既情況...
發覺佢地覆E-MAIL既態度仲衰過我以前做FABRIC廠俾跟單追貨個下.
所以就把心一橫....
打1083問攞灣仔康文署電話....
問到康文署, 打到俾佢, 話要覆, OKAY!!!俾兩次機會你.又話叫我打俾港鐵問, 我心諗睬你都傻, 我小市民問政府部們野....要我打去私營公司???
之後點知兩次機會都俾佢耍埋我, 咁佢就X街囉, 先啡(記住兇狠得黎唔可以爆粗,不可問及別人父母), 後安慰.咁先逼到佢阿頭出黎,
跟住到佢阿頭又係係到做903節目"1872遊花園",所以機會都無得俾我就要逼佢, 路政署同港鐵出黎開會, 因為個時橋底仲有半個月先封.
跟住又搞到路政署打俾我, 又係到同我做ATV節目"當年今日", 又話09年我地己經有計劃乜乜物物.........(下刪數千字)
但佢未講完.....我話得啦小姐......我淨係要個場.....個啲唔關我事.條女即刻停左........唔多......兩秒啦....再係到:"ER........一係咁啦...我幫你同我上司反影..."
我心諗....好心一早搵個大粒啲既俾我啡啦....跟住我好虛偽咁同個個小姐講..."一係咁啦小姐....你都係打工, 我都係幫人打工, 我明白依單野唔關你事架, 我都唔想用咁既態度同你講野....我都知我之前好勞氣...我都好唔好意思.....但無辦法啦...你都明個場都就黎封囉...你老闆又無表態話俾返個臨時場我地用, 我地自然會急架啦..."將心比己"俾你都會咁啦, 一係咁啦.......一係大家約出黎開會, 再唔係既...咪推遲兩個禮拜先封囉..."
就係大致上依啲咁既情況下....先約到班人工高, 福利好, A字膊, 9能屎, 扮大枝既垃圾出黎開會

ckcgary 發表於 2014-2-26 01:01
師兄，鍾意玩油車同鍾意火箭咁快係兩樣嘢，如果玩車一定係要快嘅，可解咁多師兄仲係咁鍾意玩慢爬同貨櫃車 ...

我都同意，玩車唔一定火箭，
RC咁多年以黎推出過咁多唔同種類。
唔一定要快，咁當然要睇返玩家心態
我玩油車係鍾意了解佢引擎方面既道理同知識，
吸，壓，爆，排
對我依啲由細到大都嚮往真車所帶出優美排氣聲係一種享受

ckcgary 發表於 2014-2-26 01:01
師兄，鍾意玩油車同鍾意火箭咁快係兩樣嘢，如果玩車一定係要快嘅，可解咁多師兄仲係咁鍾意玩慢爬同貨櫃車 ...

註：
我都有玩快車
申報我有玩
有刷風黑M車
無刷M車
十二仔
頭轆
touring
沙豬

咁多位師兄唔好意思....因為近排小弟病重所以未能更新近況.......所以今日一有時間就立即同各位報位現時同港鐵商討既現況
由開會到依家都接近一個月.
現時港鐵都未能回覆我地之前提供既地邊一塊係可以用黎做返個臨時場.
但康文署唯一可以回覆既係, 如該地段己經俾佢地批左做某一項工程的話或者己經係康文署管轄下既設施.
佢地就一定表明唔可以更改為臨時場地.
而上次我地俾佢既資料, 港鐵就話依家同梗地政署方面搵緊資料.
睇下邊啲係用得, 話最快都要四月頭先有答覆.
但有一樣野既係....唔係上次開會, 路政署個阿頭係厭我惡得濟定嘈得濟, 佢地無搵我做聯絡人, 現時聯絡港鐵既係另外一位師兄.
之後我會再落力同大家更新情況.
希望咁多位支持橋底既師兄可以出一點綿力, 如見到有咩地方覺得可以做車場的話, 希望可以post上黎, 我收集後會盡快俾港鐵佢地去做野.
係到我感激大家.

ddlkh 發表於 2014-4-14 21:12
如果可以用到就正啦~

麻煩報一報有關位置

各位師兄~~~
終於有最新一輪消息,
但今次我地策略唔同左
如果有咩通話,
我會直接放上黎工房俾大家聽.
因為自從橋底場拆左之後我知道大家都各散東西.
所以我好希望聚集返除左M車區既師兄之外, 亦都想CALL埋工房或者都有係依個場玩既師兄一齊.
當到一個時刻要集體發聲既時候希望可以容易搵多啲同心既師兄一齊出黎反影訴求~~~~

以下係今日下午既電話通話內容, 希望大家聽完之後如有意見或問題可以出POST查詢
https://www.dropbox.com/s/d53n960po8nkbjc/20140619%20%E6%B8%AF%E9%90%B5%E9%BA%A5%E5%B0%8F%E5%A7%90.amr

各位師兄
小弟係到同咁多位講聲對唔住....
因為近期工作比較繁忙, 所以未能UPDATE
跟進係有既
亦都有相關錄音準備左, 係有三段.
同時亦都有一個電郵係由港鐵個邊發給我既
小弟將會星期二晚將有關資料放上黎~~
希望各師兄原諒小弟既疏忽....
小弟係到再萬二分致歉

多謝樓上師兄既回覆.
始於橋底係一個令到我再踏入rc既地方, 亦都係一個令到我識到依家一大班車友既好地方.
我只係本著"飲水思源"既諗法去做依件事.
因為如果無依個地方, 我就識唔到依家依班身邊咁多既好朋友.
另外我要再不厭其煩咁利申一下, 我並唔係咩用rc搵食既人, 只係一個普通玩家而已

各位師兄....首先我係到道歉, 因為我UPDATE既速度自問真係慢左....希望大家可以原諒小弟既能力不足....
跟住我會分開四部份同大家報告全件事.
第一個部份: 所有電話錄音.
係由第一個電話開始到尋日九月二十二日既電話錄音.
有時間既師兄可以慢慢聽返全件事既追討過程


2014-01-06 首次與灣仔康文署聯絡(因當時個個錄音app個setting仲未set好, 所以只可以錄到對方既說話)
https://www.dropbox.com/s/o13nht ... 795617_Out.mp4?dl=0

2014-01-06同日既第二次對話
https://www.dropbox.com/s/b701rb ... 795617_Out.mp4?dl=0

2014-01-15 第三次對話
https://www.dropbox.com/s/op1qbw ... 795617_Out.mp4?dl=0

2014-01-16 第四次對話, 是次為首次與較高級的職員蘇小姐之對話
https://www.dropbox.com/s/6ch7tb ... 8795568_In.mp4?dl=0

2014-01-17 第五次對話
https://www.dropbox.com/s/etwmi3 ... 795568_Out.mp4?dl=0

2014-01-20 第六次對話
https://www.dropbox.com/s/mspkjv ... 795568_Out.mp4?dl=0

2014-01-20 第七次對話
https://www.dropbox.com/s/xbk8oz ... 795568_Out.mp4?dl=0

2014-01-20 第八次對話
https://www.dropbox.com/s/yfip9r ... 7624044_In.mp4?dl=0

2014-01-20 第九次對話
https://www.dropbox.com/s/fnps3b ... 8795568_In.mp4?dl=0

2014-01-21 第十次對話, 首次與路政署彭小姐對話
https://www.dropbox.com/s/yz5xo4 ... 624044_Out.mp4?dl=0

2014-01-28 第十一次對話
https://www.dropbox.com/s/lt6t3k ... 795568_Out.mp4?dl=0

2014-01-28 第十二次對話, 同日與路政署對話
https://www.dropbox.com/s/a9nj8g ... 7624044_In.mp4?dl=0

2014-01-28 第十三次對話
https://www.dropbox.com/s/utngyj ... 624044_Out.mp4?dl=0

2014-01-28 第十四次對話
https://www.dropbox.com/s/g835if ... 7624044_In.mp4?dl=0

2014-01-29 第十五次對話, 首次與港鐵麥小姐對話
https://www.dropbox.com/s/szo916 ... _hidden_In.mp4?dl=0

2014-01-29 第十六次對話
https://www.dropbox.com/s/pvvgs1 ... 078664_Out.mp4?dl=0

2014-01-30 第十七次對話
https://www.dropbox.com/s/nfz705 ... _hidden_In.mp4?dl=0

2014-02-04 第十八次對話
https://www.dropbox.com/s/xcduzi ... 078664_Out.mp4?dl=0

2014-02-05 第十九次對話
https://www.dropbox.com/s/fb7ja3 ... _hidden_In.mp4?dl=0

接住之後就係開會既日子, 而開會之後既情況就如我之前既post咁講, 就由另外一位師兄作為聯絡人. 但有關既錄音我仍然仲搵梗, 因為小弟之前部電話俾人偷左, 亦都好大可能該段錄音亦都無左, 我會繼續搵返睇下仲有冇其他backup.
之後以下就係我再做返聯絡人既錄音對話.
但事情己經係去到六月, 而港鐵方面亦都話係柴灣搵到一個地方係有較大機會可以做到臨時場, 因為個塊地現在政府就租左俾個停車場, 就到出年先可以收返塊地做狗公園, 而起狗公園得黎佢地就話有空間可以俾我地做臨時場, 但需時兩年. 詳細資料會係另外一個部份向各位報告.

2014-06-19 第二十次對話
https://www.dropbox.com/s/d53n960po8nkbjc/20140619%20%E6%B8%AF%E9%90%B5%E9%BA%A5%E5%B0%8F%E5%A7%90.amr?dl=0
2014-06-24 第二十一次對話
https://www.dropbox.com/s/d53n960po8nkbjc/20140619%20%E6%B8%AF%E9%90%B5%E9%BA%A5%E5%B0%8F%E5%A7%90.amr?dl=0

自此之後就保持一個月聯絡一次要求知道度而且港鐵方面亦都俾左封電郵我說明臨時場方面既時間表, 表明下年第三季既時候就可以動工建立橋底臨時場. 該電郵我會係第二部份展示.

2014-07-24 第二十二次對話 (小弟己經感覺到俾港鐵遊梗花園啦)
https://www.dropbox.com/s/prwhbkedib6um37/20140724_100916_35078664_2_600817837.amr?dl=02014-08-08 第二十三次對話 (係威係勢話起個場, 跟住又話康文署擔心依擔心路, 又話驚我地啲車影響到啲狗, 又話驚啲狗影響到我地, 我就睇下你點耍, 個場還掂封x左, 就同你玩)
https://www.dropbox.com/s/t5vcqdfwl03w2f9/20140808_101620_35078664_2_-442542440.amr?dl=0

2014-09-18 第二十四次對話 (港鐵真臉目, 又推返個責任俾康文署, 又話逼唔到康文署去管理個場, 所以個場連個設計都停左係到.)
https://www.dropbox.com/s/9e4juyo4dzw4gf8/20140918_144118.mp4?dl=0
2014-09-18 第二十五次對話 (又行返回頭路, 又搵返最初初個個康文署何生.....)
https://www.dropbox.com/s/uog4c6c6v6uu4xh/20140918_151404.mp4?dl=0

2014-09-22 第二十六次對話 (再次同康文署蘇小姐對話, 但今次蘇小姐主動話再約出黎開會, 而為左黎梗個次開會既計劃, 我會係第三部份向各師兄表達)

https://www.dropbox.com/s/0juxsd9yhmu3evh/20140922_172442.mp4?dl=0

第二部份: 有關港鐵回覆之臨時場建設時間表.
首先唔好計佢依家講個個管理問題,
港鐵己經表示, 係下年既第三季, 政府將會收返柴灣常安街同常平街交界既一幅地皮, 現時為一個露天停車場.
該地皮回收之後將會作為公眾既狗公園, 而同時港鐵話個到係有空間可以作為我地灣仔橋底既臨時場.
但又係話又要資詢吖....又話要同東區區議會開會吖.....
咁我亦都有追佢地幾時會同東區區議會開會, 我要求就算未能參與討論, 亦都希望在傍傍聽, 但港鐵直到今時今日都話未約到話開會.
我亦都有再三催促要知道開會時間.
以下幾幅圖就係港鐵俾我既電郵同埋由GOOGLE MAP拍攝出黎既地方圖像

                               
登錄/註冊後可看大圖

                               
登錄/註冊後可看大圖

                               
登錄/註冊後可看大圖

                               
登錄/註冊後可看大圖

                               
登錄/註冊後可看大圖

第三部份: 關於下次開會事宜由於係九月二十二日同康文署既蘇小姐聯繫, 而對方亦都表示覺得港鐵既回覆比較"奇怪", 所以主動話希望再大家約出黎開會, 大家三口六面講清楚究竟係點.

1.我計劃除左搵返之前橋底各師兄之外, 我亦都希望工房, RCZONE或者上次無黎開會既師兄, 今次可以再黎一黎, 要用群眾既壓力逼使康文署, 港鐵, 鐵路管理局等落實佢地要點做.

2.而且我會再請上次有出席個位區議員再黎臨依個會議, 依方面基哥麻煩你係收到幾時開會既時候再約一約個位小姐.

3.另外波叔如果你睇到依個UPDATE既話, 麻煩你再聯絡上次都有黎既師兄,話會有第二次會議.同埋麻煩你PM我俾一俾你個CONTACT我, 因為我一路無你CONTACT, 了解唔到你個邊既師兄現時係咩諗法.

4.上次開會因為無會議紀錄, 我驚到時個班鳩官反口覆舌, 所以今次需要準備錄音同攝錄器材將黎梗依次既會議作紀錄.

5. 由於依家己經好明顯幾個政府部們同大財團互相推卸責任, 今次我會向蘋果日報作出投訴, 希望利用媒體既功能可以幫一幫我地依班車友, 如果有師兄係有朋友係依一方面既, 可唔可以幫一幫手呢???

6. 我己經初步打過電話去申訴專員公署, 咁如果今次開會結果未如理想就會向該署投訴.

第四部份: 收集意見
希望各師兄可以提供意見或者做法.
無論對我既做法有意見定不滿都可以講出黎.
好等我可以改善.