師兄首先恭喜跌入呢個無底深淵.提供反少少噴油ge 提要比你
一般底油4支已經可以,噴底油前先清潔殼面,避免有塵埃沾染系表面,
第一層底灰噴薄薄一層就ok.第二層噴到見唔到殼面顏色(白色)就ok.
第三層再噴多一層厚ge 上去,底灰就已經足夠.
之後到顏色油,記得要買TS 油,系硬殼專用,千奇唔好買PS, 唔系你要做多幾層功夫.
顏色油第一次輕輕掃一層上去,令面唔令面都無所謂,等佢乾.
乾左之後再噴多2-3 層有油上去,如果要求好令面ge ,可以噴最尾果層油ge時候噴到佢令面
最后系光油,
噴光油要小心d,因為如果控制得唔好,會搞到層油太厚,乾左出到黎d 線位無曬,好肉酸
噴2-3 層就ok.
最緊要最緊要最緊要記住,油同殼面距離一定有至少15 cm,太近會好易滴油,既系流眼淚
工多藝熟,師兄慢慢努力加油!
有咩錯處請其他大師兄指點
|