宜家玩?TA05一段時間.....砌?好幾架.....都有小小心得同大家分享到O既......
如果以TA05同TT01比,TA05個表面成本係貴O的(話晒六七百銀,又唔包電變....哈),但係TA05好處係在於虛位比TT01小,好似臂呀,轉向果份等等,TT01都係虛位大到爆,但係TA05就好好多,少好多虛位,就算臂同轉向真係有小小虛,都可以加墊片執返.另外如果玩TA05,唔選擇大改,用返原裝臂或者TA04加硬臂,都係幾廿十蚊,佢O的臂最好O既地方就係唔易撞斷,所以係幾抵玩.以下係我覺得值得花錢改O既地方.當然你亦都可以選擇唔改.
1.油壓
原裝係膠油壓,我覺得呢份可以值得改,換套TRF油壓,大約二百九蚊,但就避免?膠油壓會漏油O既問題.同埋係SETTING上面,有較牙圈,容易O的SET.所以呢個值得買O既.
2.轉向
TA05原裝果份轉向呢,係行銅杯士O既.個人意見你可以去模型鋪配返果兩粒杯士做啤鈴,咁就已經好GOOD FIT,可以順好多.我唔知大家TA05有冇咁O既問題,但係部份TA05個份轉向脾係有小小下下郁郁地O既.呢個問題可以落返塊SHIM片墊一墊住就搞掂.田宮有出,好似係0.01MM咁上下,每邊加一塊就夠.至於轉向果到果塊轉向片呢,因為係行杯仔加螺絲,果份O野天生出?有問題,轉向脾冇事,位好O岩,同OPTION果份金屬差不多,係呢塊轉向片因為用杯仔所以虛.呢個問題睇你自己喇,你覺得好影響O既,就換?佢做炭纖轉向片(都差不多成百銀O架!),有心機O既,磨短果隻杯仔,再加小小SHIM,咁就可以解決到.另外SERVO SAVER基本上就不可或缺O架喇,都係一定要買,三幾十啦.
3.臂
原裝TA05臂係用TA04果隻原裝PS臂,好處係平唔易撞斷,唔好處係軟.有人會考慮換晒做REVERSE臂,但我會建議新手或中級玩家用TA04加硬臂就夠.一SET四隻(前後)都係六草O野,你撞得斷晒果O的原裝PS臂先換又得,一早換晒佢亦得.用佢唔駛換萬向節,又唔駛換啤鈴乜春物春,好抵!另外無聊又想玩MRS車殼O既,可以考慮買TA04SS臂,換臂就得,狗骨長度一樣,杯都一樣,又係六草O野到,抵玩!
4.臂碼加臂碼SPACER
唔講臂碼,先講SPACER先,原裝係用膠,建議大家買包田宮出果O的金屬SPACER,因為膠磨膠呢,遲早都易出虛位,所以用金屬會好小小,多?果O的就實有用O既,例如加做臂推桿波頭高度.一包都係三幾十啦.至於臂碼,原裝就係1A臂?(根據田宮臂碼長度計),個人意見,如果你嫌架車直線唔夠定,轉灣唔夠灣呢,可以買兩隻1D金屬碼,REPALCE?頭第一隻碼同最尾果隻碼.咁就可以令O架車變成頭一度TOE OUT尾一度TOE IN,會好好多.記得買臂碼時要買埋果O的臂碼波頭.同埋用?金屬臂碼,O的SPACER位置會有小小唔同?厚度,自己ADJUST返.隻碼好似賣廿幾三十蚊一隻.當然,四個臂碼換晒對耐用性有相當大幫助,但就駛多O的錢啦.....不如玩到果隻膠A碼爛或虛先換好過啦.....哈!有排先爛!宜家新出有1E碼,用?就可以去到成1.5度.至於買唔買1X碼之類呢?睇自己啦....我覺得先從前1D/1A後1A/1D咁玩都冇乜所謂.
5.臂轉向杯
原裝就係PS膠料,又係衰軟.我建議新手買一SET加硬臂轉向杯,等果份PS膠料轉向杯爛?先換,十零廿蚊.另外記得買多幾料果隻轉向杯底螺絲,因為都幾易唔見!哈!
6.萬向節
買又得,唔買又得.買呢,就一百二十蚊一對,未計輕量藍色果兩支喎!46MM喎!七十蚊一包O架!新手我覺得唔買冇所謂,你驚跌狗骨O既,咪買多SET原裝TA05狗骨囉,都係二十蚊到,四支有排你跌.因為主要你一撞就跌前面果支居多.後面果支比較少跌.你好高要求O既,咪換前面果SET狗骨做萬向先囉....至少唔會跌先啦~!哈!有錢先慢慢諗換唔換埋後面啦.原裝狗骨唔似TT01咁重咁大,所以對效率唔算影響大得咁緊要O既.
7.油壓架
原裝果SET係PA混纖料,有小小軟軟地.換唔換呢?我覺得新手唔駛換,照玩都冇問題.因為佢果種軟,係向前後軟,而油壓基本上係上係運動,影響唔算好大.
8.車架
有人話原裝TA05個車架軟,的確又係喎,係軟.但如果你唔係開盡佢玩到成13T或10T,只係玩23T,冇乜所謂.最緊要唔好身痕走去開窿輕量化就得喇!玩23T,個車架有排你玩.玩到花晒撞爛埋,都係八草一個,唔算貴.至於換炭纖板車架呢...我覺得又冇乜必要,除非你話你係跑A組B組賽就好.
9.珠差
唔駛換啦.....玩爛個杯先換個珠差杯啦....有排先玩得爛....
10.前後波箱蓋
呢份係田宮TA05說明書到叫做K PARTS.車架原裝係軟,但如果換?呢份K PARTS做加硬K PARTS呢,都有幫助,都係四五草O野,總好過俾二百幾蚊成個兜?換.俾我就寧願買呢份好過買個兜喇.個OPTION兜成二百幾銀係咁係地下到磨,心痛!哈!
11.尾杯
原裝尾杯係0度,可以換份2度落去,加埋你臂再換?臂碼有3度,好夠用.十零廿蚊.
12.推桿
冇乜所謂,唔換都得.
13.皮帶
原裝果條皮帶硬小小,不過都有排玩.TA05有三款皮病可以換,原裝,黑色耐用同埋藍色.基本上買黑色耐用果隻都夠.同埋佢珠差承軸果到有得調皮帶鬆緊,拉鬆?咪收返緊佢小小囉....都有排用,用到鬆到飛起先換啦.
14.六角
有錢換金屬,冇錢用膠,分別不大,只係你拆個轆出?時冇咁易拆鬼?出?.
15.波頭
有錢先換啦.
16.波頭膠
有錢換田宮灰色OPTION,用耐?都少虛位O的,冇錢由佢.
17.摩打齒,大齒
原裝70T大齒,冇乜所謂.玩23T就最好齊備23T至27T摩打齒.夠晒你用.
18.鈦螺絲
有錢先換啦
19.混炭纖前後波箱
有錢先換啦
基本上玩TA05,全原裝車,配返三兩百零件就OK,配件基本上都好襟用,你唔係撞到飛天打幾個圈再路返落?都冇乜事.換返小小耐用件如金屬臂碼SPACER等,可以減少架車某O的地方O既磨損消耗,值得投資,都係幾草O野.另外TA05原裝果O的膠件,係偉高好齊備,想換返原裝件一O的都唔難.
呢排愛上用果O的田宮假油壓上面果隻銀色彈弓,因為銀色好靚仔,另外感覺上比黃色彈弓好似係硬小小O既.如果係原裝膠油壓果隻彈弓呢,就圈數多小小同軟O的....唔講果O的,講返隻銀色彈弓,試過車,感覺幾好用,前後TRF油壓較牙圈調較下都夠用,連買彈弓都慳返!哈!
至於呔方面,冇得慳,唔夠溫度唔咬就唔咬,點SET都冇用,所以都係要花小小錢係呢到.就算你玩TT01,原裝呔一樣係唔咬地就乜都冇用,所以都係....要買!哈!
歡迎大家比意見同討論~!^_^ |
[複製鏈接]
收藏
勁正
嬲嬲
