RC EVOLUTION - 遙控工房 - 香港RC遙控車討論區

標題: 吹水: 玩搖控模型老年化? [打印本頁]

作者: phariseelee 時間: 2019-9-17 12:58
標題: 吹水: 玩搖控模型老年化?
感覺好似越泥越少人玩, 玩得既又都係老餅局多。有冇辨法推廣傳承一下。

作者: G66 時間: 2019-9-17 17:51
多推廣玩入門車減小一步到位,等班新手享受左玩車樂趣來源不是一味快!!!
久而久之佢地就自然會長玩!

作者: hing830 時間: 2019-9-17 19:02

G66 發表於 2019-9-17 17:51
多推廣玩入門車減小一步到位,等班新手享受左玩車樂趣來源不是一味快!!!
久而久之佢地就自然會長玩!
...

應該唔係入門車問題，香港只有3個免費場，唔係玩開都唔知場地，就算知車程又耐，你住天水圍出JV，都要2粒幾，所謂推廣只係一些活動，一班像真車玩家聚會。

作者: AMAT 時間: 2019-9-17 23:48
後生仔唔玩，唔係因為架車快定慢，係因為有太多其他輕鬆又唔駛晒太陽嘅HOBBY俾佢地揀，點解要咁辛苦走去餵蚊晒太陽。
唔好係屋企坐梳化玩GT，又有得打世界賽添。

同埋宜家啲小朋友，父母安排一大堆嘢俾佢地學，邊有時間玩?

玩得O既，都係出咗嚟做嘢嘅多，又或者真係好有興趣果啲。

所以少後生仔，一啲都唔奇。

如果香港政府肯搞一個有冷氣室內嘅，仲要係市區嘅，咁就有得搞。

作者: michaelxl2000 時間: 2019-9-17 23:55
本帖最後由 michaelxl2000 於 2019-9-18 08:28 編輯

免費車埸有d疑似高手嘅師兄d態度好差，我見到有d新手揸慢d，少少碰撞就可能會粗言穢語去問候你，公家場地'變左私人賽車埸

，賽車嘅嘢唔小心有d碰撞好正常，果幾百或幾千未賠返俾你囉，咁嘅氣氛仲邊有年青新手去繼續玩落去……

作者: HighLamb 時間: 2019-9-18 02:09
唔好話RC，砌電腦都一樣，行黃金商場多數都係大叔、阿伯。

作者: Never-N 時間: 2019-9-18 11:14

michaelxl2000 發表於 2019-9-17 23:55
免費車埸有d疑似高手嘅師兄d態度好差，我見到有d新手揸慢d，少少碰撞就可能會粗言穢語去問候你，公家場地' ...

我個人就會用呢個心態去應對，疑似高手嘅師兄d態度：
1. 粗言穢語係佢地既溝通語言，正如我都講粗口。
2. 碰撞一定有，但盡量控制自己既失誤。其實賽車就係鬥失誤少。
3. 車速快唔等於手車好。相反，我車速唔夠你快但線位每次都拎得好，你唔一定過到我；而且你越追得我貼。變相推我跑得更快更準。

另外對於玩遙控模型老年化問題，其實唔係無年輕新車手。只係對比玩開車既師兄人數上唔成正比。
而且好似AMAT師兄咁講:
1. 後生個d打機好過。點會日曬雨淋玩車。起部遊戲機入面set架車又得，又唔怕撞爛要換零件。
2. 父母又要小朋友學呢樣學個樣，俾錢去學對學分/業幫助大過玩車，而且落公園玩都分分鐘無時間，仲點會燒錢玩車。
3. 時下娛樂種類太多。

其實我上網睇到都有學校會有攪學會去玩車。不過長遠想多d後生既入氹，可能真係要多d起學校入手推廣。繼而好似電競咁，成為一種運動。

個人意見，請各位指教。

作者: phariseelee 時間: 2019-9-18 12:41
想當年,攞住隻PCM控上山玩Glider要互報頻道,好多小朋友一齊玩何其熱鬧, 諗起都有D稀虛。

作者: sean2013 時間: 2019-9-18 13:39
宜家啲廢青中學生大學生玩民主同自由,玩政治,好少玩車了,紅正黑負都唔識

作者: AMAT 時間: 2019-9-19 00:35

michaelxl2000 發表於 2019-9-17 23:55
免費車埸有d疑似高手嘅師兄d態度好差，我見到有d新手揸慢d，少少碰撞就可能會粗言穢語去問候你，公家場地' ...

私人場都有人咁O架。

正所謂如果有人咁問候你，有兩個方法，一係就問候返佢，一係同職員講。
係康文署管理嘅場地到講粗口，係犯法，要罰款嘅。

其實果啲人都係欺善怕惡，駛理佢咩。
不過係任何車場玩車，都要有人俾人撞爛嘅心理準備。

如果有人真係有心撞你，咪走去話佢囉。

作者: phariseelee 時間: 2019-9-19 14:16
我覺得其實可以攪下砌車工作坊, 由D(退休)老手栽培下D新手好似我呢D。

作者: wankalok 時間: 2019-9-19 14:34

phariseelee 發表於 2019-9-19 14:16
我覺得其實可以攪下砌車工作坊, 由D(退休)老手栽培下D新手好似我呢D。

Good suggestion

作者: AMAT 時間: 2019-9-19 17:41
搞乜工作坊都冇用。

作者: AMAT 時間: 2019-9-20 15:12
早排有資深車手搞工作坊呀，最後咪又係得小貓一兩隻。

其實個重點係宜家實在太多玩意喇，而呢啲玩意係唔駛出街係冷氣房玩都得，去邊到玩都得。
一大班人玩手機遊戲都唔出嚟玩車。

呢個係時代轉變，冇辦法。

除非你話玩遙控車可以當係學分O既，一大班人仆住出嚟玩。

作者: phariseelee 時間: 2019-9-20 15:51

AMAT 發表於 2019-9-20 15:12
早排有資深車手搞工作坊呀，最後咪又係得小貓一兩隻。

其實個重點係宜家實在太多玩意喇，而呢啲玩意係唔駛 ...

咁等我仔仔大D我親自推廣比佢

再教埋佢影黑白相, 沖菲林同哂相。

作者: AMAT 時間: 2019-9-20 20:14

phariseelee 發表於 2019-9-20 15:51
咁等我仔仔大D我親自推廣比佢再教埋佢影黑白相, 沖菲林同哂相。

大把人想個仔一齊玩....結果多數都係好失望......
好難逼自己啲小朋友玩O架喇~

作者: chui 時間: 2019-9-21 21:17
各個車場都多自 hi old sea food不停放電, 新手想玩得有樂趣其實真係好難，仲好意思話啲後生.....

作者: AMAT 時間: 2019-9-21 21:39

chui 發表於 2019-9-21 21:17
各個車場都多自 hi old sea food不停放電, 新手想玩得有樂趣其實真係好難，仲好意思話啲後生..... ...

唔係好同意呢啲講法。

佐敦谷唔係成日有人，渡船街都唔係成日有人。

就算有人，人地玩完一轉停車充電抖抖，都實有時間俾其他人玩。

關乜嘢老手新手事?

作者: chui 時間: 2019-9-21 22:04

AMAT 發表於 2019-9-21 21:39
唔係好同意呢啲講法。

佐敦谷唔係成日有人，渡船街都唔係成日有人。

哦！

作者: macrossvf1a 時間: 2019-9-21 23:59

michaelxl2000 發表於 2019-9-17 23:55
免費車埸有d疑似高手嘅師兄d態度好差，我見到有d新手揸慢d，少少碰撞就可能會粗言穢語去問候你，公家場地' ...

我同阿仔去過兩次，阿仔都話唔想再去。

作者: ICY 時間: 2019-10-2 00:27
月經文，都係果句，遙控車係高消費活動，入坑1萬幾千，洗呢個數，點解唔去買衫褲鞋襪潮牌去溝女，走去玩埋d污糟辣撻對住一堆麻甩佬比人知道又覺你低b既玩意

作者: qazxcvb24 時間: 2019-10-28 13:20
本帖最後由 qazxcvb24 於 2019-10-28 13:25 編輯

AMAT 發表於 2019-9-17 23:48
後生仔唔玩，唔係因為架車快定慢，係因為有太多其他輕鬆又唔駛晒太陽嘅HOBBY俾佢地揀，點解要咁辛苦走去餵 ...

佢地唔會玩gt，新出果陣買完，牌都未考完就放棄身邊有幾個，仲話打世界賽，佢地話難玩呀又唔識剎車，玩gta就有份，唔講玩車既地點先，連整車都懶既，真係比較小後生有心玩

作者: AMAT 時間: 2019-10-28 14:11

qazxcvb24 發表於 2019-10-28 13:20
佢地唔會玩gt，新出果陣買完，牌都未考完就放棄身邊有幾個，仲話打世界賽，佢地話難玩呀又唔識剎車，玩gt ...

任何興趣，其實最大問題都係最後投唔投入。

不過外界影響下，會對呢人易唔易投入差好遠。

等如宜家啲小朋友點解話咁想做電競選手呀?因為有成功例子，搵到錢，世界賽攞冠軍等等.....咁啲人咪投入囉。
但如果知道日日要練成十幾個鐘，就未必會。

相對嚟講，玩遙控車，職業車手有幾多個呢?職業車隊有幾多個呢?自然未能吸引到人。

不過，近呢幾年，有一啲國家開始將一啲玩意職業化。例如韓國就係。
韓國將電競納入職業化係其一，佢地亦都開始將FPV無人機納入職業化，搞咗好多比賽同埋有唔少團隊，仲有好多場地練。
宜家遙控車都可能會，因為開始多一啲強嘅車手出現，例如ZERO TRIBE果個KIM。

但呢啲嘢唔係單單業界去做，仲係要政府肯俾錢佢做，肯將一呢啲活動俾一個國家級比賽團隊啲名，肯俾地方佢地專用嚟練，肯做返相關法規去配合。
你有呢啲條件，自然可以吸引到多啲人去投入，亦自然比較容易簡卒。

等如中國內地啲少年賽，你肯搞，一百個人一次，有三個肯再鬥上去，都已經差好遠。

作者: archingching 時間: 2019-10-28 16:44
政府話要救旅遊業同飲食業先，所有地都係起樓，其他咩都唔會理

作者: qazxcvb24 時間: 2019-10-28 17:22

AMAT 發表於 2019-10-28 14:11
任何興趣，其實最大問題都係最後投唔投入。

不過外界影響下，會對呢人易唔易投入差好遠。

投入去玩同去搵錢又兩樣野
要玩佢地只會搵d簡單易上手既game，尤其係手遊一定有自動打怪，係到鬥掛機多，唔同以前pc online game 要日打夜晚打，打王打怪咁

作者: ROVER123 時間: 2019-10-28 18:09

哈！等我呢個老頑童搭吓咀！
早幾年都祗係喜歡玩航拍，鍾意上山、下海，天空海闊任我飛！玩船、玩車唔係我杯茶！
但香港太細又可以放我都差唔多去過玩過！偷雞係山頂放都有幾次添！最後一架機沉大海後，停一停就冇再玩大機！反而買左隻[穿越機]仔可以好便四圍玩，又唔駛怕人投訢！
哈！早兩年一次無意之中買左隻[大拖船]玩！見好多細佬見到都好雀躍！勾起童真開始玩[船仔]啦！又方便又簡單！不過又真係老人佔比例多！但個人最厭一些玩快船人兄，水刀掘起大水花對池邊人好大影響！特別小朋友想係池邊觀賞都不能！太霸道了！
之前都想試玩飛機！但真係咁多種玩具佢最難有合適場地！南生圍人多場細亦有一批固定[直昇機]發燒友長期佔一邊放！加上遊客、放狗、踩單車遊人很多！又遠又受天氣影響玩到機會不多！最後都係放棄了！
至於玩賽車仔相信會係香港RC最大主流！亦是各模型店主要客源收入掛？都去過D賽場睇過，都唔少都係青、中年多！吹水聚腳集中地，有得競賽就增加熱情參與吧！？
(以上祗是個人觀感，不喜勿插！)

作者: AMAT 時間: 2019-10-28 18:59

qazxcvb24 發表於 2019-10-28 17:22
投入去玩同去搵錢又兩樣野
要玩佢地只會搵d簡單易上手既game，尤其係手遊一定有自動打怪，係到鬥掛機多 ...

咁打職業果啲都未至於嘅。
但係玩啲鋪鋪清唔駛長打落去會好啲囉~

作者: qazxcvb24 時間: 2019-10-28 19:27

AMAT 發表於 2019-10-28 18:59
咁打職業果啲都未至於嘅。
但係玩啲鋪鋪清唔駛長打落去會好啲囉~

所以答你佢地唔會玩gt,e架gt唔講上網既比賽，淨係對電腦既耐力賽，都係一個鐘，佢地都唔會玩，gt4果陣諗起4-8-12-24小時耐力賽，就諗返以前中學點解會咁癲玩到

作者: phariseelee 時間: 2019-10-29 13:12

macrossvf1a 發表於 2019-9-21 23:59
我同阿仔去過兩次，阿仔都話唔想再去。

明白。說話某日我係JV聽到: 我{banned}鬥慢咩。當日仲有小朋友係度。

[attach]1158965[/attach]
[attach]1158966[/attach]

作者: AMAT 時間: 2019-10-29 13:21

phariseelee 發表於 2019-10-29 13:12
明白。說話某日我係JV聽到: 我{banned}鬥慢咩。當日仲有小朋友係度。

其實係，有時有一啲人真係好鬼死離譜，人地帶個小朋友嚟就話人，仲要粗口爛舌。
同埋有時又唔理其他人。

等如我果日係車場，條友問都唔問係我後面煲煙，好似全世界都好鍾意食佢啲二手煙。
禮貎上係咪應該問一問人，佢食煙方便唔方便先。

呢啲位都會好影響到新人願唔願意加入。

作者: 500EVO 時間: 2019-11-10 06:50
唉，大家都係果句[時不與我]，當年玩車有環球及其它攪比賽，馬埽夜晚好多人，興華街，大環山，蔩竹坑比賽日子在球場曬成日都好開心。，

作者: AMAT 時間: 2019-11-10 11:50

500EVO 發表於 2019-11-10 06:50
唉，大家都係果句[時不與我]，當年玩車有環球及其它攪比賽，馬埽夜晚好多人，興華街，大環山，蔩竹坑比賽日 ...

始終大家覺得遙控車呢個活動，搞咗咁多年，冇新意，然後有啲人覺得冇挑戰性(其實係唔識)，自然係少人去玩。

其實宜家唔少學校搞STEM都有遙控玩意，但多數都係做FPV無人機，而唔係做遙控車。
始終唔好講學生，學校都會覺得無人機潮得多，要攞FUNDING好似都型啲~

歡迎光臨 RC EVOLUTION - 遙控工房 - 香港RC遙控車討論區 (https://www.rc-evo.com/xbbs/)