RC EVOLUTION - 遙控工房 - 香港RC遙控車討論區

標題: TT01改裝攻略 - 新手必讀 [打印本頁]

作者: AMAT 時間: 2005-12-29 19:44
標題: TT01改裝攻略 - 新手必讀
呢一篇係主要講解點去改裝TT01,適合有打算改裝你O既TT01,希望有更好O既性能而設.但留意一點,改裝只係建議,唔代表你必須每樣都買齊,亦唔代表你咁改裝就可以有一部上千元O既遙控車車架O既性能能力.新手應該根據自己能力,要求等去改裝.

作者: AMAT 時間: 2005-12-29 19:46
基本上,原裝O既TT01面對O既問題有以下幾個:

1.中軸因為用膠做,所以如果你用540以上摩打,佢就差唔多已經頂唔位,會變型.
2.齒比太低,8.53-7.21,用嚟玩540的確好慳電,但完全係冇競爭力.
3.懸掛臂狗骨全膠,又大,又重.
4.車頭原裝轉向推桿設計有問題,會影響前懸掛臂上落運動.
5.只係得彈弓,冇油壓設計.
6.冇TOE IN/OUT設定,冇CAMBER設定.
7.車身離地實在太高
8.冇得SET DOWNSTOP

因此,我地就住呢O的問題,睇下有咩原裝OPTION配件可以幫到我地FINE TUNE好架車.

作者: AMAT 時間: 2005-12-29 19:49
首先講中軸,好簡單,換一支金屬中軸(四十大元),就可以解決到用低T數摩打時,中軸變型O既情況.加上咗之後,記得係中軸一頭一尾加O的AW GREASE係個中軸波頭杯入面.

宜家仲新出咗一金屬O既中軸杯,適合一O的想提高耐久性O既朋友.

作者: AMAT 時間: 2005-12-29 19:55
齒比方面,除原裝白齒(61T)外,仲有兩隻OPTION黑齒(58T及55T),一套兩隻大概二三十元左右.買咗大齒,你仲可以配幾隻細摩打齒,原裝O既係19T,OPTION O既係由22T-25T,最盡只可以用到25T(每套大概都係二十元,加硬就每隻二十五元左右).有咗呢兩SET OPTION大齒同摩打齒,你就可以配出以下O既齒比.

58T配22T  6.85
58T配23T  6.56
58T配24T  6.28
58T配25T  6.03
55T配25T  5.72

據說明書所講呢,55T就只可以配25T摩打齒,可唔可以再配其他呢?咁就唔清楚別.但要留意返,23T摩打,大概係用6.28-6.85 O既齒比最好(都要睇邊隻23T,詳細請留意摩打本身說明書),不過唔少新款23T摩打都會有寫最佳齒比用乜,盡可能用最接近果個最佳該比去用個摩打,咁個性能發揮會較佳,540摩打先好用到5.72.另外,太低齒比數,會令摩打同電變負荷好大,小心電變會過熱.所以要小心留意齒比配搭.唔係最低齒比就係最好.

新手我建議你買返田宮出O既23T SUPER STOCK摩打系列,因為佢地都會清楚咁寫明最佳齒比係乜.基本上跟返佢俾你果個就已經好OK.如果你想再快O的呢,就要小心喇,因為TT01個摩打座本身係有規範位置孔,唔係你用乜摩打齒都得,所以要睇清楚呢SET黑色快齒O既說明書後,先至好決定去買邊隻摩打齒,唔好因一時心急搞到買錯齒.

作者: AMAT 時間: 2005-12-29 19:56
另一個要解決問題,懸掛臂.從圖中大家可以睇到,TT01原裝果SET狗骨,真係何其大.對新手可能好事,夠大,易HANDLE.但係對玩車O既人嚟講,呢SET狗骨簡直係惡夢!點解決呢?買TT01專用狗骨?我個人睇過,都係差不多,價錢又唔係平,所以我唔會選用.所以我諗另一個方法.就係裝TA04O既狗骨裝上去用!點解要裝TA04狗骨呢?如果你用到佢成份狗骨配件,咁即係你將來想換TA04O既萬向節都可以,咁樣個可換性當堂提高咗好多!但大前提係,點換上去?話換就換?田宮又點會比你咁著數呢?

作者: AMAT 時間: 2005-12-29 19:57
原來TT01用緊O既齒差係同TA04O既齒差係唔同,左邊O既係TT01,呈兩圓兩直邊,而TA04O既,係圓形帶齒.除非你諗住用返TT01原裝輕量果隻齒差杯,否則你係用唔到TA04O既.用TA04O既有乜好呢?TA04有出加硬齒差杯(二十蚊一對),但係TT01係冇.加硬齒差杯個襟用度高好多,又唔係貴,我當然係用返加硬杯啦!但點改好呢?方法其實好簡單.

作者: AMAT 時間: 2005-12-29 19:58
買一SET TA04用齒差(右邊)(二十蚊一份),將TT01(左邊)成份換走.兩份O既大小位置係互通,所以係不成問題O既.但記緊一換要成份換,唔好淨係換果兩粒大傘齒,因為SIZE係一樣,但齒差O既角度係不一樣!放錯係會轉唔順的!小心留意!

作者: AMAT 時間: 2005-12-29 19:58
換好之後,配埋TA04加硬齒差杯(左邊),嘩!你睇,同原裝(右邊)比輕巧幾多呀!

作者: AMAT 時間: 2005-12-29 20:00
屆時成份TA04 O既狗骨都可以換晒落去!搞掂晒!輕幾多!TA04原裝狗骨,大概都係20-30蚊一SET.
如果你鬆動O既,更可以換做TA04 O既萬向節添!不過就盛惠一百二十幾蚊一套(兩支).

作者: AMAT 時間: 2005-12-29 20:01
可能你會話,我想用單向裝係車頭喎!咁咪用唔到TA04狗骨?咁又唔係,一則OPTION O既TT01單向,因為係換左可以用TA04O既杯,就算佢唔係圓牙頭,都冇事,只係冇得用加硬杯.不過原裝TT01單向並唔平,大概一百五十元左右.咁我又想用加硬杯,又唔想比咁多錢,又可以掂呢?好簡單,買一SET以上圖O既單向組件,佢係比TL01用,但係TT01一樣FIT到!價錢只係賣98元左右.有人話佢唔係好襟,但其實我又唔覺得佢好差.跟據說明書組裝好,放入你原本TT01齒差箱到,咁就OK喇!再配埋TA04加硬差杯,又搞掂!

作者: AMAT 時間: 2005-12-29 20:02
改好咗之後,我會用真係好輕巧嚟形容!成個驅動系輕巧晒!要留意O既係,記得係個齒差杯到,加個橡膠圈仔作為SPACER,因為用TA04狗骨係會有小許虛位,要靠個膠圈仔頂一頂,呢個唔係失誤嚟,因為本身TA04都要咁做.同埋記得係個狗骨兩端加返AW GREASE.

作者: AMAT 時間: 2005-12-29 20:03
跟住到懸掛臂問題,點樣解決冇TOE IN/OUT, CAMPER等問題呢?先講CAMPER!

作者: AMAT 時間: 2005-12-29 20:03
買一包OPTION可調節上臂就解決到.一包40-50元,包括前後上臂.用左之後可以有最多正負兩度調節(有關CAMPER用處可以參考我地工房遙控車設定入門一文).另外由於佢比較鬆,套上車架後明顯冇原裝臂果種咁逼緊,所以都叫做幾有好處.

作者: AMAT 時間: 2005-12-29 20:04
另外一個問題係前懸掛臂會頂住前轉向杯,令懸掛臂上落有問題.解決方法係將佢換成推桿加波頭.圖片中用O既係藍色鋁桿,但不建議初學入門者用.最好係買返田宮原裝O既波頭SET(三十至四十元),一SET包裝晒波頭,波頭膠同推桿,夠左右兩邊換晒.換左就唔會有頂位問題出現.另外亦可以減少轉向推桿O既虛位.另外,換左呢支推桿,你就可以好輕易調較車頭TOE IN/OUT(有關TOE IN/OUT用處可以參考我地工房遙控車設定入門一文).不過我建議入門者先設定TOE OUT比TOE IN好,因為會令車跑起上嚟較易掌握,但唔好TOE OUT做得太大.1度至1度半都已經OK.

作者: AMAT 時間: 2005-12-29 20:07
最後改裝要點,油壓.基本上入門玩家未必一定要買金屬油壓,買膠油壓都可以,視乎你有幾多錢,因為一SET田宮TRF油壓都要三百蚊,而膠油壓一SET就大概七八十蚊,相距都幾遠,未能負擔的話,唔好強求.

作者: AMAT 時間: 2005-12-29 20:11
組裝方面,參考返說明書便可以.但根據TRF油壓說明書,用係TT01到,佢係建議你加一油壓圈去減短油壓長度,但如果根據呢個設定,車加最後離地距會成1CM以上,所以我建議大家加大概4MM至5MM高膠圈墊短油壓(如何減短油壓,可以參考工房油壓入門一文).

當然,解決車離地距,除改油壓,宜家仲有一個方法,就係買田宮推出O既一份新配件,呢一份配件唔係OPTION嚟,係跟新推出O既飄移版TT01.名稱唔係好記得,但你去到遙控車鋪話要買TT01 O既新出可以調DOWNSTOP O既下臂,人地都會知道.至於改油壓同改DOWNSTOP對車架O既反應有咩唔同呢,則稍後再係第O的文章到再講.

再講返油壓先,係加油壓油時,最好用田宮#600BLUE油壓油,因為屬中間濃度,較易掌握.同埋好多時入門玩家都冇真空泵,將油壓筒抽真空,所以油壓筒入完油之後,都會有氣係入面.點解決呢?其實都唔難,大家只要將油壓拍裝好,入好油壓油,之後將油壓拍係底部向上推,但唔好推到過晒你入O既油喎,再向下拉,咁佢就會將積係油壓拍底部O既空氣濟出,你連續做幾次,佢應該會出好多氣泡,之後好似我咁,用個車輪,插佢係到,放佢一陣(要俾小小耐性),由佢O的氣走,再加油,重覆做幾次,直至佢冇氣再出,咁就大致上都OK.最後扭返實個油壓,裝好佢,咁就完成.

作者: AMAT 時間: 2005-12-29 20:12
最後就係換彈弓.因為原裝O既彈弓係比較長,除非你係鍾意架車離地距好高(跑街玩高O的好,跑車場就貼地O的好),否則你改短油壓之後,就要換彈弓.跟據不少高手推介,就前面用白色,後面用藍色最好.但一切都視乎你玩果時O既設定決定.但基本上用呢個配搭都已經好OK.一SET兩支呢O的田宮短彈弓,大概係15蚊.

作者: AMAT 時間: 2005-12-29 20:13
未改前配油壓係1.3CM左右

作者: AMAT 時間: 2005-12-29 20:15
改咗之後配油壓係6MM左右.激減成7MM!

不過離地距一切都視乎你車架重量,如果你O既電變比較重,咁就唔好SET太短油壓,唔係就會墜得太低.最好係等你裝好晒所有配件上車,咁先慢慢去SET油壓同離地距,咁會最好.

亦都重申一點啦,改離地距仲可以用改DOWNSTOP嚟改變.

大體嚟講,TT01O既改裝亦都完成!

作者: AMAT 時間: 2005-12-29 20:16
另外建議可以改裝O既TT01配件如下:

1.二樓架,因為車架本身膠料問題,多玩幾次車架其實明顯會係軟咗,加咗二樓架可以令車架硬O的,亦可以減輕車架軟化,對車架結構有幫助,大概78元左右.
2.摩打散熱,用上23T摩打,最好加返個散熱.

作者: AMAT 時間: 2005-12-29 20:19
3.SERVO SAVER加SERVO推桿,保護個SERVO.大概四十至五十元.

4.FLOURINE COAT波頭,最主要係比四支油壓用,比一般波頭較順滑,一包大概好似五個定六個,要買兩包,每包25元左右.

至於其他配件:

1.ANTIROLL BAR,一般新手分辨唔到用咗同未用分別,不建議買住,玩熟咗架車先.
2.金屬轉向,雖則原則果份虛位多,但其實只要轉向推桿同SERVO推桿都換成波頭反牙推桿,就已經減少好多.成140蚊一套,慳返嚟買套呔好過.
3.金屬摩打MOUNT,基本上有摩打散熱就已經OK,同埋記得安摩打前加返果張咭紙隔位,咁就OK,果個位散唔到熱,要金屬冇乜大用.用23T至540有加咭紙,亦唔會話熱到好易變型,唔記得加咭紙就大鑊O的.
4.鈦或鋁螺絲,雖則大家見相片入面架TT01換晒做藍色鋁螺絲,但我個人絕不建議新入門朋友咁做.唔係話貴,呢個係其次,反而係鋁螺絲其實並唔適合用係膠車架上面,因為會超級難扭上去,同埋因為佢係六角頭,如果你支六角批唔夠好,會扭壞螺絲,所以建議大家都係用返原裝螺絲.
5.亦都推介大家買呢到冇影出嚟O既新可調DOWNSTOP下臂.因為一份都係廿零三十蚊到,已經包括咗臂,而呢O的臂係用金屬PIN,解決咗O的臂太緊又或者係會快出現虛位O既問題.同埋佢仲包括埋新O既頭尾BUMPER,可以加ANTI ROLL BAR係BUMPER到用,唔駛一定要買二樓架,又要買果份ANTIROLL BAR金屬件先用到ANTI ROLL BAR!值得推介!

作者: AMAT 時間: 2005-12-29 20:20
基本上TT01 O既入門講學同攻略就已經講完喇.

玩車就唔會話講呢套,用返晒呢套就係最好,應該係求變.去到車場,試完車,應該要試下改下唔同SETTING,睇下有乜變化,嚟搵最適合自己O既設定法,咁先至係玩車O既基本原本.

希望各TT01玩家ENJOY呢個攻略.

所有文章內容,相片,全歸RC EVOLUTION遙控工房所有.
請勿在未經授權下轉載任何文字及圖片.

歡迎光臨 RC EVOLUTION - 遙控工房 - 香港RC遙控車討論區 (https://www.rc-evo.com/xbbs/)