RC EVOLUTION - 遙控工房 - 香港RC遙控車討論區

 找回密碼
 新玩家註冊
搜索
查看: 6693|回復: 4
收起左側

[公告]有關遙控重工與GPM優惠一事之回應

[複製鏈接]
AMAT 發表於 2008-1-15 14:22:34 | 顯示全部樓層 |閱讀模式

遊客登錄

您需要 登錄 才可以下載或查看,沒有帳號?新玩家註冊

x
由於有版有於吹水區張貼有關"RC EVOLUTION - 遙控工房 行騙會員"一文
http://bbs.rc-evo.com/viewthread.php?tid=67975&extra=page%3D1
內容提及有關遙控重工貨櫃車會與GPM之優惠問題.

就有關呢件事,我打咗去GPM瞭解過呢件事.

1.GPM係三個月前,大約係板主老占出果個POST果個時間,係做過優惠出嚟,而呢個優惠係多於九折O既優惠嚟.但係同老占板主傾唔傾無關,係任何人WALK IN入去都可以攞到O既優惠嚟.亦不限於貨櫃車零件.

2.但係有關呢個折扣優惠,已經停止咗,一月開始冇咗呢個優惠價.呢個優惠係由上年10月至12月期間發生.

3.GPM有關負責人稱,係聽過呢件事,亦都相信有同有關人可能講過.但係可能當時傾O既有關人仕誤會咗個意思.因為當時係任何人WALK IN入去都有優惠,與係唔係遙控工房版友或遙控重工會員無關.可能係大家言語上O既誤會.

4.暫時而言,佢地對熟客都會有最多九折優惠,但未必所有貨品都有呢個折扣.

5.就優惠期過咗之後,GPM方面暫不考慮會對任何網站或機構推出任何優惠計劃.

以上

至於老占方面,暫時未能聯絡上,我會同老占再聯絡傾傾.

另外,遙控工房亦重申以下幾點.

1.老占為"遙控重工株式會社"之會長,亦為"遙控工房"總板主之一.但兩者職責互不相連.

2."遙控工房"與"遙控重工株式會社"為不同組織,"遙控工房"並不管有"遙控重工",或會參與商討"遙控重工"之任何活動或優惠.

3."遙控工房"僅提供討論區予"遙控重工"會員作討論之用."遙控工房"或本人不會參與有關之討論.

4.就有關GPM與"遙控重工"之任何優惠,"遙控工房"或本人均從未得到任何資詢,通知或確認.

5.老占稱"遙控工房"貨櫃車版友可到GPM以優惠價購買任何產品,實屬誤稱.應為"遙控重工株式會社"之會員.

6.任何有關"遙控工房"版友之優惠,應由本人發出,方可作準.

7.就有關大力神版友對"遙控工房"或本人之指責,"遙控工房"及本人保留追究之法律權利.

8.就有關老占版友對於此次優惠之誤稱問題,"遙控工房"及本人保留追究之法律權利.

9.就有關大力神版友稱會報警一事,如警方有需要,"遙控工房"會盡力協助.

遙控工房
壇主AMAT
WallaceNg 發表於 2008-1-15 14:56:47 | 顯示全部樓層
版友啊,同埋過位版友做咩咁就扯火
DieselEngine 發表於 2008-1-15 15:33:32 | 顯示全部樓層
未免有點從雞蛋殼裏挑骨頭......閱.
ozsin10 發表於 2008-1-15 20:43:46 | 顯示全部樓層
有人想攪事咁...
 樓主| AMAT 發表於 2008-1-16 14:18:28 | 顯示全部樓層
有關老占與GPM洽談之問題,我亦都已經同老占方面聯絡過.得出以下結論.

1.老占的而且確有與GPM兩位人仕當面聯絡過,洽談有關優惠之事.對方亦都係承諾會比最多九折之優惠.有關之人仕名稱,會稍後由老占方面講.

2.GPM方面亦都証實過係有傾過呢件事,不過由於九折實屬不嬲有開O既折扣,所以其實分別不大.

3.由於當時老占希望GPM有方法分開真正遙控重工及非遙控重工會員,所以提出用COUPON之建議來作區分.當時洽談之GPM人仕稱可以,但需要再之後會談.

整件事上面,老占並沒有作出任何欺騙遙控重工或遙控工房之會員行為,而老占在整件事上最大錯失為沒有再跟住COUPON之事情,亦無一直跟進GPM方面之任何優惠事宜.佢係衰懶.

而有關之貼文內容提及GPM之九折優惠,並沒有欺騙或誤導,而事實GPM係有此優惠,純粹為遙控重工或非遙控重工之會員均會得到之優惠.不過此優惠已經於2007年12月31日後全部結束.

本人經考慮下,認為該貼文並沒有誤導成份,首先九折之優惠為屬實,而與GPM之洽談事情亦為屬實,因此並無任何需要作刪文.老占之職責應為對於GPM及遙控重工之優惠事情,作最後之認真跟進,予遙控重工之會員一個確切之交待.

遙控工房示
您需要登錄後才可以回帖 登錄 | 新玩家註冊

本版積分規則

手機版|小黑屋|RC EVOLUTION - 遙控工房

GMT+8, 2024-3-29 03:02 , Processed in 0.096331 second(s), 16 queries , Gzip On.

Powered by Discuz! X3.2

© 2001-2013 Comsenz Inc.

快速回復 返回頂部 返回列表