飄移問題

各位師兄，

如果只是用原裝 TT-02 + 沒有 brake 功能的有刷白豬磨打。

可否用高超控制技巧，在油麻地渡船街車場來玩飄移嗎？

如果能，應怎樣做？

如果不能，怎樣用最低成本改車來玩到飄移呢？

因資金非常有限（budget 約＄300)，謝謝指教

如果你問只是用原裝 TT-02 + 沒有 brake 功能的有刷白豬磨打
在油麻地渡船街車場來玩飄移得唔得呢
咁要視乎你心目中 "能" 同 "不能" 既定義
能
當然可以啦, 仲唔需要你所講既高超控制技巧添, 砌完落去放車, 搞掂, 冇野需要改
不能
如果你想講玩到好似比賽啲車咁像真, 又或者大角度甩尾甩到曉飛咁既話呢
都係唔駛高超控制技巧, 因為冇可能做到, 就算世界冠軍黎到你俾呢組野佢都冇用

你應該買TT02-D～～～～

kellynic 發表於 2020-3-24 17:56
如果你問只是用原裝 TT-02 + 沒有 brake 功能的有刷白豬磨打
在油麻地渡船街車場來玩飄移得唔得呢
咁要視乎 ...

師兄你的說話好正支持你

關於飄移問題，其實最簡單方法係，換四條飄移呔落去，基本上都可以做到一定飄移效果。
但係如果要做得好靚，就有難度，因為關係到架車動力，重心同埋呔角問題。

至於白豬做唔做到呢，因為白豬動力比較低，係比較難做到，因為難可以俾到一個足夠大動力去令架車去飄。
另一個問題係白豬冇BRAKE，白豬唔會冇BRAKE，有冇BRAKE係電調SETTING問題。你其實係咪指架車有後波呢?正常電變都係有BRAKE。

雖然，可能最後結果你可以能因為BUDGET問題換過架車，又或者唔整，但係你可以用返田宮TT01D同TT01D TYPE E嘅SETTING作為參考去買啲乜。
TT01D
https://d7z22c0gz59ng.cloudfront ... /rcmanual/tt01d.pdf
TT01D TYPE E
https://d7z22c0gz59ng.cloudfront ... al/tt01d_type_e.pdf

係佢地說明書到，你應該睇到一啲你宜家架車欠啲乜嘅。

你會見到起碼都要一隻SPORT TUNED摩打，先會夠動力。
田宮SPORT TUNED摩打大約百零蚊一隻
https://www.rcmart.com/tamiya-rs ... otor-53068-00007535

個人就比較推薦買YEAH RACING HACKMOTO嘅有刷摩打，各種款式都係一百蚊樓下就有。
一隻27T或23T應該可以用到你原裝電變，亦都夠你飄得起嘅動力。
https://www.rcmart.com/index.php ... rch&search=hackmoto

至於DRIFT呔，同樣地可以買YEAH RACING
https://www.rcmart.com/RC-Tire-W ... -Wheel-Drift-Wheels
一套都係一百蚊樓下

另一個比較重要係，就係一套可以俾你調整呔角嘅懸掛臂，你會見到TT01D個說明書都有用，會果唔係做唔到個車輪拱角，就飄唔到。
田宮果SET
https://www.rcmart.com/tamiya-adjustable-upper-arm-set-for-tt01-and-tgs-53674-00006822
你亦可以試3RACING呢套
https://www.rcmart.com/3racing-front-camber-suspension-arm-set-for-tt-01-tt01-20-00023625
https://www.rcmart.com/3racing-rear-camber-suspension-arm-set-for-tt-01-tt01-21-00024317

基本上呢三樣嘢，加埋應該係三百蚊多小小啦(買田宮果套應該三百元以下)，但就令你可以一試飄移效果。

你可以去RCMART訂貨，然後選擇去油麻地分店攞，同埋到時俾錢，買時可以再請教一下店員點SET。佢地會好樂意幫你。

至於去油麻地橋底試車，果到有時都幾多快車，玩飄移時要小心，避免撞到人，又或者等人收車先試。通常人地都會俾你試，又或者係場尾位置試都OK。

謝謝，多謝各位師兄詳細的解釋，最後多問一句，如果用＄3xx 換了以上裝備後，在操控上有什麼要特別注意？是否入灣前收油，轉左/右後，再反方向轉向

坦白講, 俾我既話就索性慳埋果3百蚊, 乜都唔改
點解咁講
如果你而家玩緊果部係TT02
學AMAT話齋, 我會淨係換四條飄移呔過下手癮算喇

你講果種入灣前收油, 轉左轉右反方向操控呢架車係做唔到
要玩到呢d操控, 最最最起碼要買後驅D4先得
但買D4, 咁不如買YD-2或者MST
呢幾部先係正統後驅飄移車
但出部呢啲車, 最平都成千蚊咁濟

咁都可以用3百幾換上面介紹果幾套裝備既
但好驚你會發覺改完玩落又唔係你心目中果回事
跟住又買, 又改, 又唔得, 再買, 再改, 都唔得
最後發現原來加加埋埋已經可以一早出部正統
點解我會咁講?
因為好多入飄移坑的人都經歷過行呢d冤枉路
包括我啦當然
我都係唔知頭唔知路, 由雙星買起
但最後發現原來嘥左好多無謂錢
少少意見咋, 當參考下囉~

各位師兄，會否只是後駒推動的車較4駒推動的車會更易做到飄移？謝謝

因為四驅飄車同後驅飄車係兩種唔同屬性既車黎
基本上而家好少人會入門玩四驅
絕大部份都係買後驅車
你問會否只是後駒推動的車較4駒推動的車會更易做到飄移？
冇錯呀, 後驅同四驅個分別
就係後驅做出黎既動作更像真, 會大幅度擺尾, 需要你講既反方向扭呔, 講求飄移姿態
而四驅特色就類似rally, 冇大幅度擺尾反手呔操作, 適合玩花式動作

你話想過下手癮啫, 唔想一黎俾幾千蚊落坑喎
咁緊係買部雙星或者國產玩具玩下算啦
仲要千祈唔好走去改喎, 因為改完都肯定玩唔到正統飄移車十分一咁既模樣
所以我會先問清楚自己
純粹過癮下既 --->雙星
唔係, 我係諗住長玩架喇 --->尾驅甩尾車
如果你諗住 "買架雙星先, 到時候再改囉, 享受下升級既樂趣丫麻" 既話呢
咁你最後就會返黎呢度
跟住出兩個post
一個係二手買賣區
"放田宮九成新TT02-D全金屬op連電子野"
另一個應該係飄移區
"請問買yokomo yd2 EX2S 好定 MST RMX 2.0 KMW 好? 求意見"
咁我緊係唔忍心見你出第一個post啦

其實就咁TT01/TT02都可以玩飄移，只係有冇咁靚嘅動作。

如果手頭上有一架，咁咪買套呔玩住先。

等如有人問話想好似車場啲人跑得架車咁快，TT01/02得唔得。
啲人話想咁快買架最頂級TRF420，冇人用TT01/02咁嚟玩......
係MAKE SENSE O架，但幫唔到件事，鬼唔知阿媽係女人。

但如果想話UPGRADE下佢，有返啲速度咁同有得SET車嚟練，呢個唔係一個唔值得做嘅升級。

等同返你個問題，升級應該嗎?
如果作為平時玩，練習下先，攞三百出嚟去試下，唔係咩壞事。  

要記住，就算有更好嘅車，唔等如買到技術。

技術係需要磨練。

買架過千銀嘅車唔等如你就必然地飄得到。