幫H2RD做啲FITTING測試,今次係3Racing 20M用底板同二樓板。 特別之處係可以將轉向放返落底板。一則就支撐返底板前端,硬淨小小,另外就可以減低轉向磨皮帶問題。
不過宜家個位好似未係FINAL,仲會有嘢改。聽聞就因為要夾埋可能有機會出嘅轉向橋,等粒波頭放返去中間位,而唔駛於係個轉點。放埋啲,反應會好啲敏捷啲。
另外前後大隻臂碼位多咗兩個螺絲窿,可以俾用家裝隻Yokomo或Destiny臂碼落去用。有聽過有用家講原裝果支臂碼定位釘,安裝或拆時會撬住,要鬆埋分體碼先掂。用到其他臂碼就唔怕會頂,但就要啱SIZE先得。波箱前後窿收窄返。因為之前唔少人話太貼螺絲,易爛。
二樓板重新設計,安裝會易啲冇咁夾條皮帶,唔會好難裝,頭亦較寬,硬返啲。仲仲有加咗蝴蝶板,要嚟控制前幅扭動。
形態上似XRAY同YOKOMO咁樣。
尾應該有個十字架加硬撐,但聽H2RD果面講未做好,做完同底板窿位改好就會正式派貨。 另外聽聞會有油壓架添,但唔係跟kit要另外買。 我等齊埋先砌埋架車~
|