請教飛jump技巧...

各位師兄可以分享下飛jump技巧嗎?

我架Slash入倉, 去到三Jump位飛起落地個下次次都彭彭聲!
見到大多數師兄都可以好定伏返落地, 請問有咩秘訣?

上星期白色SC10位Ching非常利害! 落地個下好定,好似Buggy一樣!

iggihk 發表於 2012-5-27 21:58

                               
登錄/註冊後可看大圖

各位師兄可以分享下飛jump技巧嗎?

我架Slash入倉, 去到三Jump位飛起落地個下次次都彭彭聲!

倉我未入過, 不過小弟以無數零件換番來的經驗得知jump的方程式如下:
假設跳台沒弧度,角度大約45度:
車子在加速時離開跳台--->車頭會向上, 加速力越強便chok得如上, 打後空翻就係臨跳時加速力猛。
車子在平穩速度時離開跳台---> 直飛過去,如跳台45度就45度飛。
車子在減速時離開跳台---> 車頭會向下,減速力越強便chok得如下, 打前空翻就係臨跳時減速力猛。

空中修正: 俾油就將車頭chok上, 落break就chok下

當然要配合速度,跳台角度和車子特性等等.....
有錯請指正

Slash要3 jump應該多數比大油上跳台
上左就比break壓返低車頭 (因為short course truck多數都會起頭,除非用flow tek開勁多hole)
就落地要比少油keep架車以一定速度前進
太大油會傷車

不過同上面既師兄講法一樣
要睇車setting

PS 我未入過倉

每架車都有佢的結構特性，重量分佈，動力系統輸出，車主的設定，好難可以一本通書睇到老。
如樓上師兄所講，主要都係俾油時間及多少為主因。所以多練習，留意自已的動作，總會試出一個好的飛jump技巧。

回復 iggihk 的帖子

入多D倉練多D就自然會知點跳架喇~~
只要你跳前睇清楚有冇人執緊車先跳就VERY GOOD喇~~(當然希望你可以完美落地唔駛執車執死我)

今日入倉O既SC唔多....你係咩色車呀????

樓主如果可以先分享下setting同你飛jump時係點做可能其他師兄可以過多D料。

我架slash用50度油，原裝彈弓。其實主要唔明點先可以伏落地而唔係撞落地：（ 因為就算架車四腳平落都做唔到其他師兄既效果o

我架車係黑加綠~

跳台的確有好多技術, 好難一一寫出來, 但樓主落地打底, 最主要係油壓太軟, 建議先換硬小小彈弓/濃小小的油都會有幫助. 此外, 你可參考一下小弟的 210 帖, 入面亦有傾呢個問題. 以下節錄其中一段, 希望幫到你.

"其實孔的數量同大小係用來控制 "pack"。何謂 pack 呢？ pack 的意思，係型容油壓一舜間受壓的過程，例如跳台下地的一刹那。孔的數目小\孔徑細會令pack 變硬，减小跳台後車架打底的機會。

至於點解吾用濃油？最主要係濃油會令整支油壓的反應變慢。係低抓著力的場地，你係希望油壓反應快以增強抓著力。以月野倉為例子：你一方希望用稀油等架車咬，但又有幾個高的跳台你吾想架車打底、要兩者兼得，就要係個帕度做功夫。

至於 4x1.2 200 油同6x1.2 300油，照計吾係一樣嗎？ 剩講車架係個場走，兩者的反應的確一樣，唯一分别亦只係跳台落地的反應而之。"

如果你手上無彈弓/油壓油, 咁手法上你可以 hold 住"極小"油門落地, 咁樣都會令你油壓落地時變硬dd, 不過只係小小, 你可以試下.

請問可謂 "4x1.2 200 油同6x1.2 300油，照計吾係一樣嗎?

THX!

ok, 其實呢個講法只係等大家更容易想像, 實際上並吾係咁簡單.

再重伸, 以下只是想像, 並非真正一條公式
4x1.2, 200度油: 油壓帕有4個孔, 每個孔承受 200度油的1/4排放量.
6x1.2, 300度油:  油壓帕有6個孔, 每個孔承受 300度油的1/6排放量.

這裡, 有幾個無法量化的假設:
1) 我們所講的油壓 "度" 數 (一般為CST) 是否線綫呢? 即 300度是否比200度濃 1.5倍呢?
2) 每個孔通過的油濃度, 又該如何計算呢? 簡單地將油濃度除以孔的數目?

所以, 要認真起上來, 我的觀點係需要極多補充的 但係用於說明孔徑大小同孔的數量如何影响車架的 "pack" 反應, 將上面兩個假設的答案都定為 "yes" 的話, 就會比較易明白.

4x1.2, 200度油: 油壓帕有4個孔, 每個孔承受 200度油的1/4排放量= 每個孔是50度
6x1.2, 300度油:  油壓帕有6個孔, 每個孔承受 300度油的1/6排放量= 每個孔是50度

所以以上兩種油壓帕, 兩種油壓度數的反應將非常近似, 唯一分別係 4x1.2, 200 會比 6x1.2,300 有更多的 "pack", 越多 "pack" 車架落跳台越難打底, 亦是我想說的重点.