[玩車紀錄] 一齊入車場 - TRC

之前就拍過VIDEO帶過大家入去粉嶺嘅PYC車場，今次就帶大家去另一個香港主要嘅私人遙控車場TRC - Tom Racing Circuit，同講小小佢嘅歷史。
鳴謝: Tom Racing Circuit

老老實實，唔係介紹啦，根本唔歡迎新人，咪由啲老鬼繼續圍爐囉。

我第一次入PYC，新手又唔熟賽道，已經係見車就讓，但係輕碰撞小不免（絕對冇大炒）。跟住俾某個老鬼Ｘ，話我阻住佢做最快圈速。叫我入室內。
sorry 我玩車唔係為左受氣。啲老鬼自己自high 啦。我地新手繼續喺公共場自得其樂。係咁。

呢啲係永恆的問題，公眾免費車場一樣有。

rk2 發表於 2022-10-25 11:50
呢啲係永恆的問題，公眾免費車場一樣有。

sorry 唔覺噃，我喺佐敦谷玩左幾年，大場都有小朋友黎玩慢爬，對頭車都有。大家都知公眾場所有人都有權黎玩，自己識就住。

chairmannone 發表於 2022-10-25 11:14
老老實實，唔係介紹啦，根本唔歡迎新人，咪由啲老鬼繼續圍爐囉。

我第一次入PYC，新手又唔熟賽道，已經係 ...

師兄, 你唔做功課就去收费場, 撞板係必然!

每個收費場都有好多老××打躉, 莫講你唔熟手(快車, 估你唔係), 就算係而只係稀客, 都不受歡迎!

我唔覺得收费場場主會樂見呢的情況出現, 但場主又可做有限!

人地點做生意唔到我理。我亦唔覺得我有乜野撞板。我只係可以用腳投票。咁唔歡迎稀客未唔去囉，永遠都唔會變熟客。

我只係奉勸新手唔好去受氣。段估條片唔係拍俾老手睇啦。

hele 發表於 2022-10-25 20:07
師兄, 你唔做功課就去收费場, 撞板係必然!

每個收費場都有好多老××打躉, 莫講你唔熟手(快車, 估你 ...

我年中入PYC同TRC唔少次，經常都見有新手入嚟玩。

YMC同灣仔橋底啲車友，間唔時都會約埋一齊入去玩。我就未聽過有人話有老手出嚟話人阻住人地玩喇。

如果以自己一次半次經驗，就去話人地個場係點，其實係以偏蓋全。

又或者另一方面咁講，話政府場冇人會話....... 其實，係咪睇得太少呢?
人地係開個叫"師傅谷"嘅FB GROUP，去唱人地。
呢排先開咗個POST話JV邊啲人係殺手......

係呀，可能啲人唔當面講，但背地裡咁講唧。

有時，你見到有人係到練車好快喇，咁你咪由佢練，過一兩分鐘先出車囉。
其實都係好簡單道理唧。

再講得衰啲，如果係高手，都識得避車啦。
佢夠膽話你，你唔夠膽同佢講你入場有俾錢?

PYC又好，TRC又好，都有所謂嘅PEAK HOUR。

星期六日就唔講啦，實多人，就算JV或橋底等都多。
但平日通常嚟講，由下晝至四五點，其實都冇乜人，你想成條TRACK行晒都仲得，更加唔會有老手，因為啲老手多數收太陽先出現。

揀啱時間入場，咪可以玩得盡興囉。

..唉...香港地少人多，加上退休老人更多！玩賽道車一向都係"伙團"者多！但如果又冇"主持人"又真係會混亂！分分鐘會"開拖"！ 用大貨倉改建真係免日曬雨淋好好多！建設費真唔少喎！可惜都要"收皮".....  玩RC香港空間祗會越來越少，特別想一班同道者一齊玩！