RC EVOLUTION - 遙控工房 - 香港RC遙控車討論區

 找回密碼
 新玩家註冊
搜索
查看: 44261|回復: 235
收起左側

[選擇建議] 買新車幾問~~

[複製鏈接]
 樓主| Echan23 發表於 2020-6-28 10:30:59 | 顯示全部樓層 |閱讀模式

遊客登錄

您需要 登錄 才可以下載或查看,沒有帳號?新玩家註冊

x
本身玩緊TT02, 不過廢事改實在
想問下大家落場鬥車係咪都係幾千蚊底盤果D?或者應該問要有得同人落場玩下既話, 咩BUDGET比較武器合格? 假設技術一樣既情況下

同埋有咩比較值得推介, 唔想咁多野要換要整之後, 撞爛左要換就無所謂果D。主要係唔想要大改同埋太花錢去改D本應一開始可以買好D而避免到既車

感謝大家~~想今日去買因為
kenchu2812 發表於 2020-6-28 11:33:53 來自手機 | 顯示全部樓層
3Racing 20M啦,一步到位,不過今日星期日,應該無咩車舖開喎
 樓主| Echan23 發表於 2020-6-28 12:18:57 來自手機 | 顯示全部樓層
幾錢呀大約如果3Racing20M~~係咪極縮都有得賣
RCandylau 發表於 2020-6-28 13:32:47 | 顯示全部樓層
 樓主| Echan23 發表於 2020-6-28 13:47:53 | 顯示全部樓層
感謝~D人落場砌都有用呢隻架?
等我遲D買返架先~因為TT02實在。。。。可能我無耐性。亦唔會改裝佢
同埋怕煩先係重點
wa1006 發表於 2020-6-28 22:02:06 來自手機 | 顯示全部樓層
TT02,冇為放多錢改
Scirocco 發表於 2020-6-29 19:22:59 | 顯示全部樓層
3Racing 20M 組裝時需要留意牙差的部份
mattma369 發表於 2020-6-30 10:18:14 | 顯示全部樓層
TT02 type S/ TT02 R/ TT02RR  本身就夠好走, 改快 e.g.8.5T 又會爛野, 行慢(21.5T)架車已經好好走
***除非愛既程度比天更高, 海更深***, 所以無需太多投資
model先決 發表於 2020-6-30 14:38:37 | 顯示全部樓層
本帖最後由 model先決 於 2020-6-30 14:41 編輯

落場鬥車, 第一千其唔好買3 racing, 無人會拎架3 racing 20m 去鬥車, 底板脆弱易爆, 波頭虛位奇大
其他好多選擇, 例如: 俄妹a800mmx, xray T4 2020, yokomo BD10, infinity IF14 II, xpress XQ10等等不能盡錄

落得場鬥車, 你預Budget 1.5萬 - 2萬 蚊左右la, 就已經可以去比賽la, 少過呢個數唔好再問我有無d平d既選擇, 可以答你係無既, 除非係買二手車

如果想平玩, 唔好落後太多, 就玩xpress xq1s la, tt02唔好再浪費金錢落去改, 點改都唔會拎到去鬥modify/stock
model先決 發表於 2020-6-30 14:51:24 | 顯示全部樓層
本帖最後由 model先決 於 2020-6-30 14:57 編輯

本身玩緊TT02, 不過廢事改實在
想問下大家落場鬥車係咪都係幾千蚊底盤果D?或者應該問要有得同人落場玩下既話, 咩BUDGET比較武器合格? 假設技術一樣既情況下

同埋有咩比較值得推介, 唔想咁多野要換要整之後, 撞爛左要換就無所謂果D。主要係唔想要大改同埋太花錢去改D本應一開始可以買好D而避免到既車

感謝大家~~想今日去買因為


想去買之前, 真係要做好多功課先, 先會買到岩自己心水既野, 除左車架之外, 遙控都好重要, 甚至比起車架更重要, 推介sanwa m17, futaba 7px/r, 呢度預3.8k-4k, 係得呢兩隻, 無中間, 亦都無平少少, 一係你唔好講去鬥車

車架我上面都講左幾款, 近排最hit 係俄妹 a800mmx, $43xx左右, 買呢部都無乜錯架la, 但唔易砌, 最好上網或者去車場請教下人, 一買返黎就full option無咩要改, 即刻鬥得

電子野用HW 160a, 摩打用v10G3 4.5T, 呢d都係好standard基本裝備

電用zombie, nosram, flash, ip, 是但用一款, 要有120c 以上, 底過都係無謂去鬥la, 買大陸電算啦, 電量不宜太多, 5000mAh-5800mAh 之間就好, 太多只會負重多左, 夠5分鐘比賽為佳, 預$4xx一排

差機要有30A為佳, icharger x 6兩部都無走雞, 加一部火牛, 預$24xx左右
仲有車殼都好重要, baybee, xtreme twister, zooracing dog, 三選一la, 仲有其他既, 不過無謂太亂la
其他仲有好多工具要買, 例如set 車架, set 車板, downstop 尺, 批, 軚水等等, 呢d自己去搵la







 樓主| Echan23 發表於 2020-7-1 14:54:39 | 顯示全部樓層
model先決 發表於 2020-6-30 14:51
本身玩緊TT02, 不過廢事改實在
想問下大家落場鬥車係咪都係幾千蚊底盤果D?或者應該問要有得同人落場玩下既 ...

好詳盡, 正~~
多兩問, 摩打例如同樣4.5T, 但點解唔同牌子唔同速度?
同埋D電, 例如5000mah就5000容量, 點解又有分邊D牌子好同唔好?

THANKS
AMAT 發表於 2020-7-1 15:19:42 | 顯示全部樓層
model先決 發表於 2020-6-30 14:38
落場鬥車, 第一千其唔好買3 racing, 無人會拎架3 racing 20m 去鬥車, 底板脆弱易爆, 波頭虛位奇大
其他好多 ...

冇人攞架20M去鬥車?你同我講緊笑?

MODIFY A組B組都有人用,A組B組常客VINCENT都用緊。
13.5阿傑又係A組常客,仲有贏過田宮世界賽冠軍嘅康爺都係用緊20M。
人地攞架車去鬥TITC囉。

底板易爆?呢架車我有喎,我冇爆過喎,PYC一大堆人用緊喎。
仲有波頭虛,我用緊原裝波頭冇呢啲事。

你咁講我會懷疑閣下有冇鬥過香港啲比賽。

AMAT 發表於 2020-7-1 15:23:52 | 顯示全部樓層
Echan23 發表於 2020-7-1 14:54
好詳盡, 正~~
多兩問, 摩打例如同樣4.5T, 但點解唔同牌子唔同速度?
同埋D電, 例如5000mah就5000容量, 點 ...

其實你有冇諗過佢係老點你定係玩你呢?

首先,行4.5T,你諗住係邊玩?呢個係你應該先考慮,而唔係亂咁買一啲冇意義嘅嘢。
仲有,你諗住鬥車,係比賽果啲,定係落車場玩你當自己鬥咗車先?

由TT02一跳跳到去玩4.5,就等如你玩開NINEBOT架KART一跳跳去揸F1一樣,兩個世界。

仲有,如果當係玩4.5,買iCharger充電完全係老點。



AMAT 發表於 2020-7-1 15:52:39 | 顯示全部樓層
對於有一啲人話要成萬嚟鬥車,我想講,就算最勁果啲車手都唔會咁做,呢啲係玩緊人先會咁講。

首先,如果諗住落場玩,要知自己想要練習開始,定係比賽,比賽係咩類型比賽。
如果諗住落場練車開始,先要問自己你諗住去邊到練。香港有私人場如PYC,TRC,ACO等,公眾場如油麻地,JV及天水圍,唔同場地有唔同要求同埋最佳應用,呢個係先要諗清楚。
假設你話你諗住去油麻地練然後去比賽呢,我建議就無謂喇,油麻地唔會練到比賽要求,因為場地大小同比賽場地完全兩件事。
然後如果你話去JV,JV啲灣大到爆,條TRACK萬年都唔變,只係適合一啲人去放狗咁放,亦都唔會練到。
最佳一定係入車場,如PYC或TRC,一則比賽場地相當,二則有SENSOR,可以計到圈速,對練習好有用。
你話你冇錢嘅,就至少都去JV。

然後到車架,大家都講咗好多推介,如果用開TT01/02,個人覺得最佳升級係ADVANCE S/XQ1S,然後係20M/XQ10,有更多錢就BD10/A800MMX等等。
個我個人不建議新手一玩就玩A800MMX,個油壓並唔係咁容易SET得好,BD10會比較好。

到摩打,我唔知叫人玩4.5T係玩人定係咩,啱啱由TT01/02轉上去就玩4.5,只有一個結果,就係一鋪爛車。正常應該係先試13.5,再試10.5,之後先試6.5/5.5。4.5我諗JV呢啲灣大到爆就得,其他場根本冇用。
以JV/TRC/PYC等,13.5/10.5行TURBO已經快到爆,應該先由BLINKY,再試TURBO,再上去,而唔係一開始就4.5。

跟住電變,我唔明點解HW先得,你問下香港MODIFY最快方景用乜,人地都係用緊TEAM POWERS 200A,平過HW多多聲。個電變係有幫助,但唔係絕對,首先係要手車得,而唔係個電變得。
啱啱試,買隻TEAM POWER 120A果類乜都夠。玩到再快先再換。電子係會老化,唔係話一步到位就著數晒。

然後充電機。玩MODIFY叫人用iCharger即係叫人用把電鋸嚟切蘋果。30A充電嚟玩MODIFY?冇嘢呀?30A充電係俾13.5 BLINKY先用囉,你問吓A組車手有邊個充30A嚟玩MODIFY?MODIFIED係排電平均輸出,而唔係有電頭冇電尾,所以一般最高只會用10A嚟充。仲有,今時今日唔係得iCharger先充到30A,ISDT T8一樣得,平得多。呢個位應該自己諗清楚係玩啲咩摩打方向,如果係諗住玩MODIFIED,買部充到15A嘅乜都夠,最緊要係平衡得好,而唔係充30A。如果諗住由13.5發展,就買到充到20-25A。唔係話30A唔好,而係呢個就牽涉到另一樣事情。應該問自己玩邊個方向。

電池,首先,平電係唔可以充30A,充30A只有一條路,就係過熱,快壞。仲有,就算俾你充到,好多電用30A充都只會有頭段冇尾段,只有中上級數,大容量先可以。仲有,玩4.5用平電,玩一轉換電一樣,過放結果只會漲電。呢個位一樣要問自己,想玩邊個方向。如果係13.5果類,要充大A數,就要買容量稍大,因為當一舊電用大A數,講緊20A以上,就會有頭段好爆,尾段唔爆情況,所以要買大A數電,令佢可以有大輸出嘅範圍擴大。6000MAH係基本。但如果係玩MODIFIED,因為係要平均輸出,就要買C數大,令排電可以由頭到尾都有大輸出,充電亦都係10A或以下。如果諗住玩13.5,唔好諗,三圈,NOSRAM,LRP,IP等等。但如果係MODIFIED,就好多電都OK。點解會咁?因為充30A對電要求係大過10A。

搞清楚自己係咩方向先買,而唔係亂咁買。
AMAT 發表於 2020-7-1 16:11:10 | 顯示全部樓層
個人推介如下

車架
3RACING 20M
YOKOMO BD10
XPRESS XQ10
我唔會叫人買XQ1S,因為啲臂唔得,要買過晒

摩打
試咗13.5同10.5先,唔好一次過上4.5,淨係試佢地BLINKY同TURBO MODE,都已經有排你玩。
BLINKY MODE要練到夠快,再試TURBO。然後試BLINKY行到TURBO嘅速度。

電變
TEAM POWERS XPS PRO 120A

YEAH RACING HACKTRONIC G2 110A
夠用有突

電池
13.5類用, 鬼式雷切極系列,三圈,LRP,NOSRAM等等,但一定係雷切極系列平
MODIFIED用,鬼式電切一般系列。足夠。又或者TEAM POWERS電都得。

充電機
如果諗住充15A樓下,玩MODIFIED,非常多,HOTA,LRP,ISDT,SKYRC都足夠。
如果諗住充20A以上,ISDT, iCharger,但iCharger較貴。
不過呢個位都要諗清楚自己去邊玩,如果如JV,油麻地冇得充電地方,我唔建議充咁高電池。因為你預先係屋企充完攞去,長時間擺放啲電係會漲。
落車場即充即玩就OK,唔係的話充返15A樓下係較穩陣。


貴姓黃生 發表於 2020-7-2 06:47:19 | 顯示全部樓層
3RACING 20M+1,一來支持本土,二來搵零件容易
摩打唔同牌子唔同速度,設計同用料上分別,正如汽車引擎,同樣係5000cc,大家馬力同扭力都唔會相同,而落場跑用4.5t,有必要嗎?
樓主BUDGET幾多?無限?
peter7 發表於 2020-7-2 14:06:40 來自手機 | 顯示全部樓層
請問各位,MTS T3M 有甚麼評價呢?
Scirocco 發表於 2020-7-2 16:22:51 | 顯示全部樓層
T3M , YMT 都有人玩, 都幾好跑。
masterlai 發表於 2020-7-2 16:25:39 | 顯示全部樓層
peter7 發表於 2020-7-2 14:06
請問各位,MTS T3M 有甚麼評價呢?

我有一台T3  (非T3M)MOTOR的擺放位置暫且不論
這是一台乍看很漂亮 跑起來也算不差  但問題點很多的車  

1.貫通式避震非常容易漏油
2.金屬太軟(6061)且結構太精密,幾乎每次一撞都是大修
3.DS螺絲固定採用膠套,成天裂開導致DS螺絲無法固定而走位
4.擺臂上特規小螺絲太多,不易整備,此外螺絲太軟,容易滑牙
5.擺臂採用更換矽膠套的方式來決定阻尼感,加諸底盤與兩片式二樓板一堆扭力設定孔位,
   本車很容易陷入設定迷思而無法好好享受駕馭感..
6.非KIT...工廠大媽組裝有可能造成不可逆的失誤(EX.螺絲滑牙)

chairmannone 發表於 2020-7-2 17:11:20 | 顯示全部樓層
AMAT 發表於 2020-7-1 15:52
對於有一啲人話要成萬嚟鬥車,我想講,就算最勁果啲車手都唔會咁做,呢啲係玩緊人先會咁講。

首先,如果諗 ...

MMX油壓 有冇貼士可以分享?
您需要登錄後才可以回帖 登錄 | 新玩家註冊

本版積分規則

手機版|小黑屋|RC EVOLUTION - 遙控工房

GMT+8, 2024-3-29 08:00 , Processed in 0.048201 second(s), 16 queries , Gzip On.

Powered by Discuz! X3.2

© 2001-2013 Comsenz Inc.

快速回復 返回頂部 返回列表