RC EVOLUTION - 遙控工房 - 香港RC遙控車討論區

 找回密碼
 新玩家註冊
搜索
查看: 12502|回復: 43
收起左側

有時真係好理解點解啲KWS鋪頭要黑人面......

[複製鏈接]
 樓主| AMAT 發表於 2018-5-17 13:01:08 | 顯示全部樓層 |閱讀模式

遊客登錄

您需要 登錄 才可以下載或查看,沒有帳號?新玩家註冊

x
開間鋪燈油火蠟唔少錢,唔計人工,入貨一架一兩千蚊O既車,先賺你果一百幾十.......
仲要行埋嚟就話你貴,叫你平O的......唔平仲要俾你上網唱佢話佢係黑店云云。

如果要我壓咁多錢嚟為等各位貴客唔知何年何日嚟買一架車,再賺你果十元八塊,咁真唔好鬼做好喇。我攞啲錢嚟炒股仲開心,亦都係點解啲人炒樓炒股都唔願意開鋪原因。
所以點解好多鋪頭大車都唔攞。
一架大TRAXXAS,霸咗幾多架田宮車仔位,又要賣得貴喎,成千幾銀喎,最後只係賺到你百零蚊喎。
比我都唔返貨啦! 不如攞啲錢嚟入啲三輪車,賣得快賺得快。

所以點解KWS啲鋪執得就執,唔係就搬樓上,賣網上,都係多得一O的成日話人貴呀,以為人地賺好多O既朋友幫手造成。





 樓主| AMAT 發表於 2018-5-17 13:16:04 | 顯示全部樓層
有時真係唔好話點解香港冇乜工藝O野,點解會冇乜乜物物。

原因好簡單,根本就冇人尊重過開發。

舉例本來呢到有個叫OB1 O既開發組,好用心地出咗套車燈.......
結果係俾人話佢貴,跟住有間公司抄咗佢改小小,賣得仲平。
啲人就話人地賣咁平,你賣咁貴,暴利!

人地大公司有錢做幾千套嚟賣,有錢壓。小公司小生意,要佢一開模做幾千套係攞佢條命,佢只可以幾百套幾百套咁賣完再做,自然做唔到咁平。仲有,間大公司係騎住係人地個開發咗O既設計上改,淨係成本都慳一截。可憐係小公司小生意辛辛苦苦開發就俾人抄咗。

你一句打埋去人地到話:賣得貴。

咁人地咪話:咁我咪唔做囉。

花O既心機時間,冇人尊重,仲要攞咁多錢出嚟做,做完俾你話貴,俾你話人地賣平你幾多幾多我不如買呀邊個邊個。
真係攞O的錢嚟做第二O的O野,都樂得唔駛咁慘~

但最慘係,如果話買第二個國家O的O野呢,又冇人話佢好貴喎,覺得好抵喎,物有所值喎。

所以呢,俾我揀一係就唔做,做都唔做香港生意,因為香港人自己都唔尊重自己啲品牌。


純粹發口痕講吓。

RGear 發表於 2018-5-17 13:24:32 | 顯示全部樓層
AMAT 發表於 2018-5-17 13:16
有時真係唔好話點解香港冇乜工藝O野,點解會冇乜乜物物。

原因好簡單,根本就冇人尊重過開發。

有同感
 樓主| AMAT 發表於 2018-5-17 13:59:33 | 顯示全部樓層

啲人成日覺得以為一架車可以好多錢賺......

我當你一架車零件成本價1000,一間公司O既利潤,點都要有30%(包括人工,水電,倉存)。
批發價要賣到1500,先有200賺下。

跟住批落鋪頭,人地又要有30%,即係至少要賣2000,先有五十蚊賺,咁即係要賣至少2200先掂。
如果我批落去鋪,我同個鋪頭講,你賺少O的,賣2200啦,仲得十四日數期,我保証鋪頭話你痴線叫你攞返件貨走。
壓成千蚊先得果百零蚊賺......仲未計O的客話要平O的,仲有隔離唔知呀邊個發神經話要冧價......
所以賣街點都要賣到至少二千六,先叫做正常小小,又可以有減價空間。

國內好多O野,之所以賣得平,係因為佢地鋪租平,人工平。
國內賣呢O的,四五千蚊人工一個人。香港賣呢O的,人工都萬幾兩萬銀。你話貴咩,人地走去做珍珠奶茶都萬三四蚊,點解要做你先?
就算老闆唔賺呀,都要俾人工。
然後就係鋪租,KWS啲鋪租貴到飛起,係咁加,真係你唔食都要俾人工。
你話點可以同國內比?!

辛辛苦苦開間鋪,俾錢裝修搞呢搞路,原來只係可以搵到人工交到租,冇得賺O既,唔減價都要俾人鬧黑店O既,咁做嚟把鬼呀?
 樓主| AMAT 發表於 2018-5-17 14:14:43 | 顯示全部樓層
工房由2000年始,今年第十八年。
如果工房係小朋友,都成年喇。

講真,睇住由最好景果時,到宜家執到七七八八,大鋪搬細鋪,細鋪搬上樓......

仲有好多品牌一步步咁消失......

好多O野其實都好可惜。

如果大家仍然抱住要平O的平O的O既心態去玩,得,只會消失得越嚟越多。

唔係人人都可以咬住金鎖匙出世嚟去做遙控車生意O架。
yin36 發表於 2018-5-17 15:09:36 | 顯示全部樓層
吾好咁勞氣啦樓主, 吾係個個小朋友都識計做生意條數架, 講真有返四五十歲個班而繼續玩緊RC嘅都吾會計個一百幾十, 只要價錢合理(當然都吾好當佢傻仔啦), 佢哋都吾太介意, 只怕無新嘢玩. 玩得RC又為個一百幾十講價嘅都係一班比效年青嘅朋友仔, 咁又吾怪得佢哋嘅, 一般人嘅消費角度都係越平越好( 最好吾使錢), 所以佢哋吾會理你條數怎樣計出黎. 重之! 明白嘅就吾使解釋都明,吾明嘅寫方程式解釋都未必明. 請樓主保重身體,勞氣傷身架
wan1997 發表於 2018-5-17 15:19:10 | 顯示全部樓層
現在租貴成本貴,賣一部車又賺得些微利潤,有時還要蝕出去才去到,意興闌珊之下便撤退
hing830 發表於 2018-5-17 15:26:43 | 顯示全部樓層
AMAT 發表於 2018-5-17 14:14
工房由2000年始,今年第十八年。
如果工房係小朋友,都成年喇。

同感,以前真的有很多師兄上載Rc
 樓主| AMAT 發表於 2018-5-17 16:05:47 | 顯示全部樓層
yin36 發表於 2018-5-17 15:09
吾好咁勞氣啦樓主, 吾係個個小朋友都識計做生意條數架, 講真有返四五十歲個班而繼續玩緊RC嘅都吾會計個一 ...

其實唔係勞氣~係覺得啲人講出嚟真係唔識計數,純粹以自己著想。

所以點解啲山寨O野會咁成巷成市,就係淨係諗要平,冇諗過成平背後O既問題。
最搞笑係叫佢地買部IPHONE X果類時,佢地又唔會話貴,會覺得好抵呀好抵呀~


 樓主| AMAT 發表於 2018-5-17 16:07:01 | 顯示全部樓層
wan1997 發表於 2018-5-17 15:19
現在租貴成本貴,賣一部車又賺得些微利潤,有時還要蝕出去才去到,意興闌珊之下便撤退 ...

之前O既TOP RACING......都曾經風光過,宜家都冇咗影。

仲有SPEED PASSION,有幾風光,宜家只係大家賣緊貨尾......都冇新開發......
 樓主| AMAT 發表於 2018-5-17 16:08:52 | 顯示全部樓層
hing830 發表於 2018-5-17 15:26
同感,以前真的有很多師兄上載Rc

以前比較少FACEBOOK, TWITTER同INSTAGRAM一類,要想發表自己諗法比較難。


宜家人人都幾個帳號,自然就會少咗係討論區發言,一O的都唔難理解。

由團體化變成個人中心化。
tc3driver 發表於 2018-5-17 16:54:39 來自手機 | 顯示全部樓層
本帖最後由 tc3driver 於 2018-5-17 17:11 編輯

題外話: speed passion摺左?見佢仲有網頁行緊
 樓主| AMAT 發表於 2018-5-17 17:18:56 | 顯示全部樓層
tc3driver 發表於 2018-5-17 16:54
題外話: speed passion摺左?見佢仲有網頁行緊

唔係摺咗,我話佢冇再有新產品。
tophand88999 發表於 2018-5-17 17:35:42 | 顯示全部樓層
講得好啱,我支持 香港 3Racing,已有兩部佢出既,會買多部M車,FF車,雖然有人話佢D膠件,不過,Parts 精度夠高
hpipro4 發表於 2018-5-17 22:18:54 來自手機 | 顯示全部樓層
講真KWS真係大不如前
 樓主| AMAT 發表於 2018-5-17 22:49:25 | 顯示全部樓層
hpipro4 發表於 2018-5-17 22:18
講真KWS真係大不如前

個個鋪位都加租,賺埋俾業主食晒。
好多鋪位改晒做食O野,宜家變成係食街,唔再係HOBBY街。
1BM 發表於 2018-5-17 23:42:23 | 顯示全部樓層
無錯,過去一年至今,炒股票真系賺到笑
nde63h 發表於 2018-5-18 11:06:56 | 顯示全部樓層
yin36 發表於 2018-5-17 15:09
吾好咁勞氣啦樓主, 吾係個個小朋友都識計做生意條數架, 講真有返四五十歲個班而繼續玩緊RC嘅都吾會計個一 ...

都未必淨係後生果班會講價。人cheap係無分年紀。見過大把中坑係模型舖講價。男人老狗抓爛塊面叫人平一百幾十,或者R贈品。
 樓主| AMAT 發表於 2018-5-18 11:32:35 | 顯示全部樓層
nde63h 發表於 2018-5-18 11:06
都未必淨係後生果班會講價。人cheap係無分年紀。見過大把中坑係模型舖講價。男人老狗抓爛塊面叫人平一百 ...


咁口痕問一句就實有,例如齊頭得唔得,平果幾零蚊果隻。
但唔平唔好鬧人或上網話人黑店囉。

我成日都話,咩叫黑店,落閘放狗,你要果樣佢賣第樣呃你,果O的叫黑店。
價錢唔O岩賣貴一百幾十,唔鍾意減價或黑你面,呢O的唔可以叫黑店。



pui4yip 發表於 2018-5-18 17:08:53 | 顯示全部樓層
各位師兄都講得對,本人曾經做過模型鋪睇過貨單價格,模型鋪真係一架遙控車賺各位好少錢
您需要登錄後才可以回帖 登錄 | 新玩家註冊

本版積分規則

手機版|小黑屋|RC EVOLUTION - 遙控工房

GMT+8, 2024-3-28 19:45 , Processed in 0.041430 second(s), 16 queries , Gzip On.

Powered by Discuz! X3.2

© 2001-2013 Comsenz Inc.

快速回復 返回頂部 返回列表