瓦迪頓凌雲改裝

玩遙控，除咗希望set得架車啱自己玩，另一個唔少車友嘅願望，就係自己設計一架車出嚟玩。
呢排又身痕，將兩架遙控車嘅車架設計又改下，希望可以提升架車戰鬥力之餘，又可以滿足下自己嘅個人願望。今次就攞咗架瓦迪頓嘅凌雲出嚟改下。
架凌雲係一架咩車，大家可以睇返我哋之前影片介紹，唔再係到講一次。今次嘅改咗主要係想低重心化佢，車架轉向感提升嚟作為改設計嘅目的，無論車架底板，二樓，油壓，甚至係一啲布局位置都有改。但大前提係唔會大改零件，希望可以有呢架車嘅人可以升級之餘唔駛大改變，亦唔駛再生產新嘅膠件。因為呢架車係為青訓設計，設計上係有啲嘢唔可以改，所以只係係可以搞嘅地方做文章。
至於detail係改啲乜，嚟緊又會拍片講下。最重要梗係要試車，睇下係咪做到心目中想做嘅事啦。
其實呢類改設計都唔係第一次。第一次玩係SNRC R2改中置；之後都搞過419同420嘅中置，其中420嘅中置設計仲係ETS賽事中到企過凳仔。仲有419嘅頭驅改件係唔少歐洲嘅cup house賽事都係攞過三甲成績，算係對自己嘅一個安慰。
嚟緊又試下呢架凌雲效果係點先~

登錄/註冊後可看大圖