新車 CSO-ONE 1:10 電動競賽房車：

千八比R1仲要平,真係低處未見低,香檳金睇落都幾養眼,唔知幾時有得賣,到出左會唔會又好似R1咁,咁多有心人出黎唱呢類低價車

rk2 發表於 2013-3-5 08:49

                               
登錄/註冊後可看大圖

唔知個設計有咩特別呢 ? 罩眼看去 .. . . .  同流行的好幾款車種沒有分別.

依家D電平跑好似手提電話/平版咁,部部外型設計都係差不多,已經去到一個死胡同,消費者嘅選擇只係睇用料/品牌同價錢,除非又興返軸車,否則變化都係不大

rk2 發表於 2013-3-5 12:18

                               
登錄/註冊後可看大圖

即係當年 SONY 同 NOKIA 當道之時, 要等到 I PHONE 出現, 成個市道才有新意囉.  
某程度上, 現時的設計 ...

我地依家要等就係一個RC界Steve Jobs

都預左有人唔會滿意港產車,係都要雞蛋裡面挑骨頭,咁多部港產車佢地有邊部會唔唱唱佢先
天下文章一大抄,只要唔係照字搬紙咁翻出黎,你又真係吹佢唔脹,唯有係旁邊喊打
我記得T4好多設計都話攞左專利,如果覺得係抄,咪告佢囉
大家都係玩車啫,唔好咁勞氣,你有你唱我有我玩,最重要係百花整放

講開浮動式轉向servo mount,總唔會咁多間外國廠商同一時間咁啱一齊研發出黎,到底又係邊個抄邊個呢

Bleed.Kaga 發表於 2013-3-6 09:50

                               
登錄/註冊後可看大圖

港產車一定要大力支持,只不過唔支持翻版,外形跟XRAY T4九成一樣
除非各位覺得件件金屬,底版二樓外形都可 ...

多謝你回覆,呢D問題你一言我一語答得多只會變口水戰,到底係抄定模仿,大家點睇就由市場決定喇

比利羊 發表於 2013-3-6 10:37

                               
登錄/註冊後可看大圖

Like！

見過R1討論方式都怕怕,都係等車出左,由買左嘅人做回應解答比較好,無買又無興趣咪當睇SHOW囉

我個人覺得依家設計一部車,十居其十都會用電腦處理收集到數據再得出結果,咁計算過做出黎外型結構相以有幾出奇呢?因為怕比人話係抄襲而硬改左個外型,咁影響到成個結構咁又有咩謂
當年出IPHONE好多人都覺得係新野,但心水清都知,佢只係將前人產品重新包裝一次推出市場,但大家好受落,仲成為潮流指標,點解呢
一部車吸收其他車概念經驗再加入自我風格,集大成包裝一次就惹黎咁大反彈,我覺得都係果種我做左第一次就唔容許其他人做第二次心態

kkchung 發表於 2013-3-7 00:13

                               
登錄/註冊後可看大圖

聽說可能有小量其他色， 頭尾波箱正式時會和相片用的有些不同。

師兄知唔知會同時出定遲D出?如果有紅色就正囉

garywong5368 發表於 2013-3-7 10:06

                               
登錄/註冊後可看大圖

如果有紅, 黃,藍 ,黑可選就更好

KK師兄話小量,如果咁多隻色,要買返同色金屬Parts都幾煩,到時可能整部七彩CSO-ONE出黎,諗下買返原本隻色會好D

遙控少女 發表於 2013-3-7 11:19

                               
登錄/註冊後可看大圖

死光隻金色的確係好娘, 好似以前的公公婆婆流行的金假牙

呢隻淡淡地香檳金都OK可以接受,T4果隻就真係......,都係唔好得罪人

遙控少女 發表於 2013-3-7 12:07

                               
登錄/註冊後可看大圖

我都係咁話 , 一開始大家都係對新車CSO-One讚好及有所期待 , 但偏偏有人要將佢同某D車架比較 , 又話邊個 ...

其實新車有模仿其他同類產品有幾出奇,只要唔係倒模式照翻我係可以接受到,始終係一部咁大細車上便你仲有幾多發揮空間?每個零件都已經去到好盡,當大家諗嘅方式一樣,做出黎自然都會差不多,睇返其他廠新車,新一代同上一代變化都唔係咁大,真係好難放到新思維上去
睇下依家最高科技運動F1賽車,如果全部都無車花,我諗你都幾難分到邊部打邊部

見到有幾間舖開始接受預訂,其實有無需要呢?有無人訂左車

seasky 發表於 2013-3-10 00:40

                               
登錄/註冊後可看大圖

講到iPhone 我要插句咀，閣下所言全係無的放矢，你完全唔知 iPhone 對世界嘅改變。
我唔係iPhone / apple ...

我講都係個概念問題,智能電話早已有之,只係一直唔流行,APPLE就將佢加入新概念重新推出市場就大賣,可能係我表達得唔夠好令你誤會左,講聲SORRY

JasonLeung 發表於 2013-3-8 23:05

                               
登錄/註冊後可看大圖

都係唔好做第一批
第一批通常都會有D甩漏,就算XRAY依D貴價貨都一樣

咁講都啱,但已經訂左,算喇希望無咩問題出現

sean2012 發表於 2013-3-13 17:20

                               
登錄/註冊後可看大圖

安頭就話首批賣50部1800,有人就在大陸台吹雞叫大6仔來港買奶粉咁,睇黎好野都買唔到又俾水客截糊 ...

我都係係上邊講下吹下水,估唔到會引起你同其他人誤會我係叫人落黎同香港人搶,令你有所誤會,對不起