玩710膠料比較 " 林 " 前下臂易變形 , 同十年前玩 蛇仔 Impact 2 年代可謂差天共地 , 以前响直路尾失控大炒膠料重完好無缺 , HUDY做o既金屬狗骨同杯莫講話爛想變形都難,頂多都係飛o左出黎 , 而家 710 .......... 算把喇 !!但老實講零件真係俾以前平好多好多,耐用情度就 ... 心照 . 但係年尾前應該會出新款因為710係 DEC 2003 既產品 , 都差不多三年喇 !!!
Kyosho 3R 對佢認識唔深 , 因為以前佢 D 車買番黎要改呢樣又要改個樣先行得花費太大無乜好感所以無興趣 .
其實咁上下價錢不防考慮 Mugen MTX4 吖 ,有好多人都出咗重話幾好揸添 , 攪到我心郁郁都想買( 因為啱啱出咗架1/8 Mugen MRX4 ,唔夠錢住 ) . 無限一貫做工都有口碑 , 膠料好硬金屬料都幾好 , 搖臂位超順滑虛位少 , 唔似蛇仔膠料水口頗多執到你發火 , 需然係臺灣做 , 但都好過標榜日本製造但可能係大陸生產吖 ?? 但要預先買定損耗零件 , 因為代理唔係成日返貨,賣晒都等到係儍 , 最惨係廣華街都無無限野賣就算有都得好少 , 局住返代理幫襯 , 平曰收得早 (7pm) , 放工都走到氣咳 , 星期日重唔開添 . |
