整船會用到嘜野材料

Harry 師兄：

你話想「整D簡單小小既」，但係隻水警好似一D都唔簡單，如果唔係都唔駛賣過千元一隻 (曾於旺角見過，唔記得係2000幾還是3000元)。其實我只係一個初學者，爬過下網上各論壇文章，紙上談兵，大家研究下，拋磚引玉，希望各位師父 (如：王子師父) 賜教。

如果要好考究地整，一定要有張圖，跟足比例尺寸做(a) 船殼及 (b)「起樓」，然後再 (c) 加摩打、船舵、接收；(d) 加細節野。小弟孤陋寡聞，覺得最難係整船殼，尤其船殼的弧度要左右對稱，已知最少有三個方法整船殼：


1)        整個模 (可以用木及發泡膠)，然後用個模舖<玻璃纖維>做，過程好臭又麻煩，很難搞，好似http://bbs.rc-evo.com/viewthread.php?tid=94868&extra=page%3D1
2)        用木條做龍骨，在龍骨上舖木皮，好似做真船一樣，如果完全要自己DIY，包括：畫圖、度尺、組合，技巧要求好高，好似http://bbs.rc-evo.com/viewthread.php?tid=99062&extra=page%3D1；
3)        搵高手幫忙，例如：http://hk.myblog.yahoo.com/arworkshop，呢D高手有時會有船殼出讓；又或者訂做。

如果可以有「船圖」又有能力DIY做到船殼，「起樓」就應該好簡單，我知可以去新填地街買ABS膠板依圖「起樓」。

又如果DIY到船殼及「起樓」，應該都係經驗老手，「加摩打、船舵、接收」照計無問題。

至於船上裝飾及細節野，我知可以去德昌試下Robbe的是否適合；或快捷試下Grauper有無合適的零件，再唔係就上網去外國網站逐件訂，又或者用手辦膠、混合畢地、鋼塑土、木方木板….自製。

以上我知的DIY方法，只是紙上談兵，作為初學者的我並未一一試過，小弟孤陋寡聞，如有錯請各師父指正，並不要見笑。不過唔駛落手做，單係寫都覺得好難，對好似我呢類初學者而言，就如另一位師兄所寫：係無可能做到的。

[ 本帖最後由 mwheel 於 2008-10-31 01:07 編輯 ]