大家有無試過玩完RC但遇上阻路

emax430 發表於 2019-11-10 13:51
唔係版主講，都唔知有呢條片。你－講出來，就引來更多人關注。是禍是福？實在難料。 ...

坦白講，行得正企得正，驚乜。

archingching 發表於 2019-11-10 13:54
Amat你紅左啦!!
拿, 你以後出產品加返你個嘜頭, 買野條隊又好似渣哥同龍門冰室咁, 好多香港暴徙用錢懲罰你 ...

千祈唔好咁講，佢果個post衰啲講係冇人理。
個video更係冇乜流量。

我更加唔會咩叫人搵咩錢懲罰乜乜春春，更唔會話我地係藍定黃店。冇乜義意。

emax430 發表於 2019-11-10 15:26
害人之心不可有
防人之心不可無

防人之心就幾時都有。

小人要做啲乜係小人嘅事，點解要為呢啲小人行為而唔去做正確嘅事？

為呢啲小人嘅行為而唔去做正確嘅事，驚咗佢，咁咪正正做咗佢想做嘅事結果。

novafans 發表於 2019-11-10 15:42
AMAT！原本我好欣賞你開個討論區，大家玩車仔可以分享、交流，直至有一次我朋友同你講，玩車仔唔好講政治 ...

我諗你如果搵到我有覆過閣下“收皮”，我非常建議你貼出嚟。

我一則唔鍾意講粗口，二則唔鍾意回覆版友用呢啲說話。

所以如果你搵到一個我覆過你叫你“收皮”，就真係請你print出嚟，表起佢。

本人身邊大把黃藍朋友，就算政見不同，從不會惡言指責，大家只會以理服人，講fact，而唔係侮辱對方。

所以，好大機會你係認錯人，因為我真係好少用收皮一字，更甚對一啲唔識嘅人用。

emax430 發表於 2019-11-10 15:59
我唔認識樓主1BM。不過，版主講到言論自由。想問問版主是否仍然把1BM滅聲？ ...

其實版規有寫住唔應侮辱人地。

即係佢侮辱版主呢，其實做得一個host，預咗，年中俾人問候唔少。

我對任何一方言論都算係咁，唔會用非人化呢類標籤。但如果去到一個侮辱人地屋企人，呢啲已經唔係一個討論，過咗版規可容許範圍。

佢出得果個video，去一啲無關地方作不實嘅指稱，禁止佢討論已經好俾面。

車仔明 發表於 2019-11-10 16:03
正義的聲音

我地從來都冇話唔俾講。

如果唔俾，相信閣下都不能發言。

有關人仕被禁言係因為佢話人地屋企人從事性工作。呢啲係過晒火架喇。

如果呢啲咁嘅發言係正義，就真係好懷疑咩叫做是非黑白。

工房其實有功能可以check到晒版友發言同邊個覆乜，一搵就搵到。

我就真係唔會覆人“收皮”。

novafans 發表於 2019-11-10 16:45
sorry！我真的找不到，可能真係我記錯，但係我有同朋友whatsapp講件事，因為感覺你實在太沒禮貌，反而 ...

你記錯，但你又認為我一定講過，咁你覺得係我問題，定係閣下問題呢?

唔好講朋友，我對住唔識嘅人，包括版友，我都唔會對佢地講一句粗口，因為講粗口只係代表一個人無理據，詞窮。
收皮，又作收貔，係賭檔術語，咩人會講大家清楚。唔好講我會叫朋友收皮，對一個唔識嘅人更加唔會講。

希望你搞清楚閣下記憶，先對本人作出指責。

車仔明 發表於 2019-11-10 16:34
我玩RC日子少 , 對1BM師兄不太熟悉 , 不過都有印象睇過佢在其他post的回應 , 覺得佢唔係差 , 講野幾有理  ...

有關人仕平時為人點呢，呢個我就冇乜興趣討論喇，亦都冇興趣去理解。等如我唔會去深究每一個版友平時為人生活係點，工房有上萬個版友。

但去到話人地屋企提供性服務呢，呢個就佢自己親手打字打出嚟，唔係人屈佢，有晒RECORD喇。

登錄/註冊後可看大圖

novafans 發表於 2019-11-10 17:14
既然我找不到，我也承認我可能記錯，第一句已經sorry，但whatsapp有記錄同朋友的對話，對你指責是有事實 ...

首先，你睇晒成個討論先，我點樣對人唔禮貌先?
粗口一句都冇。我就以事論事，將唔同嘅FACT擺出嚟，俾大家去睇，去分析。
不過本人就俾人問候咗屋企人喇。

你有朋友WHATSAPP對話，不如你又講下，邊年邊日我咁話過你?我搵返果日討論出嚟同你對質下。
而事實上我係真係唔會叫人收皮，完全唔係本人平時會用嘅詞彙。

其實到到今日，你係咪仲係覺得係因為政見問題唔俾佢講?

登錄/註冊後可看大圖

emax430 發表於 2019-11-10 17:31
我覺得唔講粗口，唔等於有禮貌，但講粗口，實在令人討厭。

呢句說話，我同意。

車仔明 發表於 2019-11-10 18:02
好簡單 , 用最民主方式開個投票post , (支持版主) : (反對版主) , 睇投票結果最清楚 ...

係工房玩，既唔駛支持版主，反對版主都可以生存。
主要係記得"守版規"。

如果對版規唔清楚，就請詳細睇一次喇。
https://www.rc-evo.com/xbbs/thread-9-1-1.html

大家登記時係要"AGREE"呢個規則先可以登記。

novafans 發表於 2019-11-10 18:38
或者我講得清楚d，sorry，我找不到，我記錯，那麼嗰句我無謂講喇，絕對唔係你同我朋友say hello我覺得你冇 ...

我唔係好在意，係如果我係邊時邊刻有咁講過，我都要睇返係咩事，我點解咁講。
有講就有講，冇講話記錯，大家又唔係咩仇家，咪睇清楚係邊個問題，講清楚，解決咗佢，就係咁簡單。

我唔係咁鍾意無啦啦惹啲仇家返嚟嘅人，係誤會，就應該要好好解決。

我唔係要你支持我或鍾意我，我只係唔鍾意無啦啦因為一件記錯或聽錯嘅事，而導致不必要誤會發生。

好喇!夠喇，討論到呢到為止，唔該。