RC EVOLUTION - 遙控工房 - 香港RC遙控車討論區

標題: 關於雞地DRIFT GROUP改名問題 [打印本頁]

作者: AMAT 時間: 2008-3-7 01:32
標題: 關於雞地DRIFT GROUP改名問題
本來我都唔知咩事,我都以為係本身你地個會已經有共識下,所以決定改名.
但係經有人同我講返之後,有幾點事情我要重申返.

1.飄移技術GROUP係講技術,約車玩車O既地方,唔係作商業用途O既地方
2.雞地DRIFT GROUP本身同速道堂,本身O既諗法已經係南轅北轍,一個係玩車O既組織,一個係商業化組織
3.就改名上,根本未有一個共識,但又通知我改名.而事後原來發現係根本唔係全部人同意O既事,會唔會有小小唔尊重?
4.如果要搞一個商業組織,要宣傳,請同我另行聯絡,我會考慮情況係商家區開個位俾你,而唔係用"騎劫"方式去將一個GROUP O既討論區本質改變.
5.雞地DRIFT GROUP可能有人覺得名存實亡又好,咩都好,係咪應該尊重返入面O既人呢?你要用速度堂作為你商業機構名稱,又點可能因此"騎劫"人地個GROUP呢?

我明白有O的人可能只係想推動遙控車活動本身.....但係對人尊重,對討論區負責人尊重,都係好緊要.

暫時計,我會將之前所改O既"速道堂",改返做"雞地DRIFT GROUP",而"速道堂"O既有關討論區,請負責人先同我申明佢係一個商業機構賣遙控車定係只係一個玩車GATHERING O既組織,我先會另行考慮去開GROUP.

敬請留意

作者: AMAT 時間: 2008-3-7 01:40
我希望貴會係統一咗個共識後,搵一個對口人嚟同我交待清楚成件事.
我唔希望呢個同我講話改名,果個同我講發生咩事冇人通知過佢.

歡迎光臨 RC EVOLUTION - 遙控工房 - 香港RC遙控車討論區 (https://www.rc-evo.com/xbbs/)