RC EVOLUTION - 遙控工房 - 香港RC遙控車討論區

標題: 關於MCTXXR會疾油或停機問題 [打印本頁]

作者: AMAT 時間: 2008-2-19 18:30
標題: 關於MCTXXR會疾油或停機問題
經過我地不斷測試後,得出個問題核心如下.

1.MCTXXR之所以會咁,係因為佢入面O既電流保護
2.呢個問題係出現係IB同EAST O既電上面(H ENERGY未試),係GP,TEAM ORION或MUCH MORE O既電上面都冇呢個問題發生.
3.出現原因係因為IB電同EAST電佢地係差滿電情況下,會間斷性咁出現高電壓現像,導致電變內部O既保護開啟.有時可能只係一瞬間,咁佢就會疾一疾,如果太大佢就會直接停機.
4.如果呢類情況發生係冇保護O既電變上,最後結果只有一個:燒電變

基於咁O既情況下,如果你係想使用MCTXXR得到最佳O既效果,我地不建議你使用IB或EAST O既電,因為穩定性不足.如果你想使用4600或以上O既電,建議你使用質量較佳O既MUCH MORE或TEAM ORION一類電池.

廠方亦都有跟進呢個問題,希望可以係電源線上著手,加返個電壓保護,令到電變可以得到穩定電壓使用,而又唔會超出電壓.而家佢地仲係到研究當中.

至於點解有部份電變可以用到,係因為個電壓保護電路O既寬容性,又或內部有冇加到穩壓電路問題嚟.MCTXXR係呢個問題上有冇可能改善,因為涉及成個電變設計問題,可能改善到之後就會變成MCTXXR 2,未必可以係電路上短時間改變而發生.

暫時計,我地係TOPTOY O既240A電變上同320A電變都冇發生呢個問題,因為佢地都係冇電流過大保護.如果你係需要使用IB或EAST 4600電池,而摩打大約係15T或以上,可以考慮使用TOPRACING 240A電變.而MCTXXR如果遇到過大電流停機,只需要熄咗佢再開返,就會冇事.

有關問題我地會一路跟進,希望可以比到一個更好O既解決方法俾大家!

RC EVOLUTION
RC NEO
TOPTOY

作者: AMAT 時間: 2008-2-19 18:41
其實另一個問題......

就係你想個電變係電流過大時幫你CUT機呀,定係直接燒咗佢算數呢?
諗起VFS1第一代有保護,VFS1 COMPETITION冇咗個保護.....其實就係呢個道理.....

對一般玩家嚟講,有保護,就襟用,冇保護,比賽好勁....但壽命就.....
兩者不能共存.....

作者: leeho888 時間: 2008-2-19 18:42
我用IB電同EAST電....

作者: josen 時間: 2008-2-19 20:00
so lucky.i use the high energy.

作者: raybee1211 時間: 2008-2-20 05:26
你地既售後服務veryvery good~~~~~!!!!!!!比你一百分,,我都係用ib 4600先有呢個問題,我用5a差如果改用44差會唔會有改善呢?加電容又有冇幫助?? thx

作者: AMAT 時間: 2008-2-20 10:20

原帖由 raybee1211 於 2008-2-20 05:26 發表

 登錄/註冊後可看大圖

你地既售後服務veryvery good~~~~~!!!!!!!比你一百分,,我都係用ib 4600先有呢個問題,我用5a差如果改用44差會唔會有改善呢?加電容又有冇幫助?? thx

改唔好用5A差,會有機會冇事!但問題係....你用返3A,4A嚟差.....你到時又覺得唔夠爆唧.....哈!

作者: artlas 時間: 2008-2-20 17:41
標題: 堅
轉左GP後冇事

作者: AMAT 時間: 2008-2-20 18:17
宜家我地都積極諗緊解決.......

坦白講,我地明白到好多車手對IB電O既訴求,亦都明白到佢地對電變O既訴求....
要佢地退而求其次用TEAM ORION一類穩定電池,而放棄"爆炸力" O既感覺....係好難.
但係我地亦都希望我地O既電變係穩定,唔會咁易燒.......

兩者如何取捨,其實都係一件幾難決定O既事......

作者: raybee1211 時間: 2008-2-24 01:18
想問下如果隻野壞左冇後波咁向前行會唔會慢左架?我肯定佢係冇off左後波

作者: AMAT 時間: 2008-2-24 06:47

原帖由 raybee1211 於 2008-2-24 01:18 發表

 登錄/註冊後可看大圖

想問下如果隻野壞左冇後波咁向前行會唔會慢左架?我肯定佢係冇off左後波

如果係燒咗或壞咗,會唔會慢咗就真係答你唔到喇.......

作者: AMAT 時間: 2008-2-25 17:44
TOPTOYS方面O既最新消息.....用IB4600電時疾油問題有望可以解決~
GOOD NEWS~

有消息會盡快通知大家~

作者: AMAT 時間: 2008-4-15 12:20
最新版本已經將問題解決!

新版本唔會再出現停機問題!

但留意O既係, 大家係設定上千祈唔好將前後波掉轉,綠燈代表向前,紅燈代表向後.
如果掉轉咗的話,係你用後波(即係你當前波嚟用)時,超過二十秒到佢係會CUT機.
原因係電變向前係320A,但係向後係只有160A,如果你用錯咗佢後波當前波,就會出現CUT機問題~

希望大家繼續支持TOPTOYS O既電變系列~

歡迎光臨 RC EVOLUTION - 遙控工房 - 香港RC遙控車討論區 (https://www.rc-evo.com/xbbs/)