RC EVOLUTION - 遙控工房 - 香港RC遙控車討論區

標題: 改servo做遙控燈光開關！ [打印本頁]

---

作者: xrvct    時間: 2007-9-30 22:45
標題: 改servo做遙控燈光開關！
激死我啦！！！頭先千辛萬苦寫好左個post，偏偏圖片超出大細搞到冇左底，要我重新寫過

改servo做遙控燈光控制即系用三通道上面個開關來控制燈光o既開關啦

需要：
analog既servo一只，digital唔得，只要電路板仲OK就可以啦，如果有壞左gear果D就最好，冇就搵個最便果D來改
3 channel o既遙控同接收，如果冇三通，邊有地方可以控制開關吖？
電線以及其他工具

方法：
拆開個servo，拆左個摩打（即系將摩打同電路板分離），將電路板同個電位器拎出來，然后接兩條電線去摩打原先個位度，另外果兩頭就接去TLU-01個輸入果度，就改完啦。（唔知TLU-01有冇極性反接保護，如果冇，最好就接多個二極管保護TLU-01防止極性接反）

改左servo之后，跟住需要set個控，不過set控之前先要接上所有線，接好電池，開著控同車。lee個時候車燈可能唔著，或者著，或者閃下閃下，正常，因為控未set好。

改好lee塊電路板唔使講，梗系接去3 channel接收機上面個channel 3接口啦。

先將第三channel個開關撥去你想要既關果邊，跟住將第三channel個EPA無論左右都set為0%，然后去調節改好果塊電路板上面個電位器，直至D燈全部熄曬，如果本來就系熄o既，就先扭到佢著，然后調節至熄滅。

跟住將第三channel個開關撥去你想要o既開果邊，然后調節lee邊個EPA，調到佢識著就得，就算120%都冇所謂。

OK啦，依家遙控器上面第三通道個開關就可以控制車上面個燈光系統o既開同關啦！

原理：
當servo處于中位時，摩打唔使轉動，即系servo電路板上面冇電到摩打，lee個時候系統住處off狀態；將開關撥去開果邊，任何一個正常o既analog舵機入面個摩打都會轉動，帶動入面個電位器移動至適當o既位置，但系我地拆左個摩打同固定左個電位器o既位置，o甘原先馬達果兩個接頭就系一只處于on狀態啦，D燈自然就著。

唔仔細分析啦，等我心情好返D先再講，頭先真系激死我！

睇下我自己果個啦，我改左用多圈精密可調電阻，優點就系冇o甘容易因為振動而發生位移，原先果D電位器可能震震下會偏左，又要重新set控同中位。

登錄/註冊後可看大圖