RC EVOLUTION - 遙控工房 - 香港RC遙控車討論區

標題: 為己為人，死車／Cup車請盡早揚聲 [打印本頁]

作者: 鋒鋒鋒 時間: 2015-1-29 12:28
標題: 為己為人，死車／Cup車請盡早揚聲
JV近日多左好多生面孔，呢件事對車場／整個搖控車界黎講絕對係一件好事，但各師兄請注意⋯⋯如果有任何事令你部車唔能夠正常行走（例如：慢車、Cup車、炒車）都應該出聲，哪但只係大叫一聲：睇L住啊！（建議使用震撼性聲音）。如果唔出聲後車就會好似食壽司食到飽一飽咁返屋企。玩車大家求開心，請唔好製做不愉快經歷。我只想玩車能夠全身而退（錯別字請更正）
P.S. 我今個星期中左兩次，我唔想下下都要re-build 部車，如果各位師兄覺得我小氣（玩車係咁GA啦～GA心態）⋯⋯咁⋯⋯SORRY LOR！

作者: ben276611 時間: 2015-1-29 13:08
完全認同，而家啲人玩車無乜概念！

作者: 性情中人 時間: 2015-1-29 13:36
係... 那怕大聲一句「炒左呀!!!」都好過無

作者: 電梯痴漢 時間: 2015-1-29 15:01
尋晚炒得仲甘，師兄你尋晚你晤係度？

作者: 鋒鋒鋒 時間: 2015-1-29 15:14

電梯痴漢發表於 2015-1-29 15:01
尋晚炒得仲甘，師兄你尋晚你晤係度？

師兄，想問下你點炒法？

作者: 電梯痴漢 時間: 2015-1-29 15:42
甩左個轆

作者: lawrencechan 時間: 2015-1-29 16:11

電梯痴漢發表於 2015-1-29 15:42
甩左個轆

炒到甩左個轆咁堅

作者: 電梯痴漢 時間: 2015-1-29 16:35
好多新手一見有車係附近經過都會不期然收慢甚至停係度，其實咁仲危險，我試過直路尾full雞之後就見到有架車停左係度，以為佢壞車啦，差啲就炒埋去，最頂引係啲車走曬，佢先慢慢駛走，仲要同個friend講，咁都冇叵，真係好彩

作者: 鋒鋒鋒 時間: 2015-1-29 18:17
我咪就係直路尾射左埋去部反左嘅車......之後係pit 位大大聲講嘢果個lor ...

作者: 電梯痴漢 時間: 2015-1-29 19:20

鋒鋒鋒發表於 2015-1-29 18:17
我咪就係直路尾射左埋去部反左嘅車......之後係pit 位大大聲講嘢果個lor ...

你係紅色衫果位師兄？

作者: 鋒鋒鋒 時間: 2015-1-29 19:24
著咩衫我已經唔記得喇...... 但我諗都應該係我......

作者: 鋒鋒鋒 時間: 2015-1-29 19:29
BTW ,我唔係想追究又或者鬧邊一位，只係想大家都開開心心玩一下車,大家技術上有進步,你追我趕其實好好玩，我都好期待呢一班新面孔會係日後大家一齊玩嘅朋友，但係要首先避開整車呢一回事，否則真係兩敗俱傷⋯⋯如果引起大家不快我都講一聲唔好意思先

作者: hydrogen9999 時間: 2015-1-30 09:33
本帖最後由 hydrogen9999 於 2015-1-30 10:47 編輯

好多新手慢車死車唔出聲，仲慢慢落去執車，如果你部車撞到佢部死車，仲會鬧番你轉頭，因為好多時佢地都唔知自己有問題

作者: hydrogen9999 時間: 2015-1-30 09:40
我見過有班新牌仔，在直路中間一字排開，整齊地玩倒數起步
我即開聲小，但都有個師兄中招……

作者: 新人 時間: 2015-1-30 10:43

hydrogen9999 發表於 2015-1-30 09:40
我見過有班新牌仔，在直路中間一字排開，整齊地玩倒數起步
我即開聲小，但都有個師兄中招…… ...

好離譜

作者: Salviour94 時間: 2015-1-30 19:16
我係上面揸控玩緊有條灣系同下面講拜拜一野撞過黎
差啲比佢搞到toe車我吊柒佢佢都吾知發生緊咩事未能訓醒個啲黎係到望住我咁撞到人都要講聲sorry掛呢啲人見一次吊一次

作者: brianych 時間: 2015-1-30 20:21
本帖最後由 brianych 於 2015-1-30 20:33 編輯

有時公家場係咁，我同啲朋友玩時有時都會同啲新手同場，行到S又有，行到時快時慢又有，自己同啲朋友就要一眼關七，由其直路尾，xray 射落部膠車乜都死，見到死車唔叫就幫佢叫。不過大家都做過新手，可能都未知啲潛規矩。我有時都走去啲"新朋友"度吹吓水，有禮貌哋叫佢哋死車要出聲，唔好怕醜，唔係大家都要收車落山。不過"新朋友"有時都要醒目啲，見到啲火箭係度搏命時就收入pit等吓先，火箭都係玩得五，六分鐘姐。睇人玩又可以吸收吓，我上咗JV一年度，夜晚玩大部份師兄都係好友善。

作者: RCandylau 時間: 2015-1-31 12:32
好似食壽司食到飽一飽咁返屋企<----即係點?
新手公園場係咁,邊有人新人知規舉?除非叫康文署棟個牌【慢車、Cup車、炒車請早揚聲】否則後果自負,如需索嘗報警處理

作者: brianych 時間: 2015-1-31 15:23

RCandylau 發表於 2015-1-31 12:32
好似食壽司食到飽一飽咁返屋企

壽司咪放係啲彎位用嚟頂住角鐵啲磚，我哋叫"壽司". 撞落去我哋叫"食壽司".幾有想像力

作者: sakata 時間: 2015-2-1 21:53

brianych 發表於 2015-1-30 20:21
有時公家場係咁，我同啲朋友玩時有時都會同啲新手同場，行到S又有，行到時快時慢又有，自己同啲朋友就要一 ...

師兄有道理
守望相助才是重要

作者: 1BM 時間: 2015-2-2 21:16

hydrogen9999 發表於 2015-1-30 09:33
好多新手慢車死車唔出聲，仲慢慢落去執車，如果你部車撞到佢部死車，仲會鬧番你轉頭，因為好多時佢地都唔知 ...

佢地慢慢行落track執車都系事少 , 過馬路唔睇車先至攞你命

, 以為其他正在跑緊的人一定會自動波讓佢執完車先玩

, 大佬呀! 賽車場泥架 , 過馬路唔睇車都唔該你舉一舉手啦 , 比Driver台的C兄注意到你想點啦 , 大家話對不對?

作者: brianych 時間: 2015-2-3 00:10

1BM 發表於 2015-2-2 21:16
佢地慢慢行落track執車都系事少 , 過馬路唔睇車先至攞你命 , 以為其他正在跑緊的人一定會自動波讓佢執 ...

佢哋唔想要腳？一部4.5T 慢慢地都有40-50km..加塊2.x mm 炭底板射落隻腳唔斷有鬼囉....

作者: sfdo 時間: 2015-2-10 12:13
本帖最後由 sfdo 於 2015-2-10 12:15 編輯

公家場千其唔好同賽車場比。
明知有新手，每次加速前應該先了解前段路情況再加速。明知有D車左了右了應先跟住佢尾適合時才過頭。唔好諗住佢可以 keep到線位俾你過。
遇到有D快車'高手'就只好入綠區避。keep自己線位或讓線位兩樣都會死。

作者: andy3210 時間: 2015-2-22 16:04
小弟超新手請各位吾好介意，新到連慢車都要出聲真係吾識

亦敢問一下各位自問為快既炒左埋去個新手度是否新手慢車會乜事都無？大家都是用錢買的

賽車場慢車比你lap既係咪都要自動收皮等你地所謂快既去馬？

作者: 鋒鋒鋒 時間: 2015-2-22 22:30

andy3210 發表於 2015-2-22 16:04
小弟超新手請各位吾好介意，新到連慢車都要出聲真係吾識

亦敢問一下各位自問為快既炒左埋去個新手度是否新 ...

師兄，我指嘅"慢車"意思係話部車有任何事情而不能以正常車速行駛都應該出聲／大叫，等其他人有所警覺，免得大家都有損失，正如你所講，人地部車都要用錢買。如果師兄覺得出一句聲去避免一下都唔想GA，呢個就係閣下自由。BTW提醒一句，場入面係有機會出現8仔GA，如果唔出聲而又俾8仔射中，我就真心為事主祈禱。（因為8仔多數冇事，但被射中果個就⋯⋯）

作者: andy3210 時間: 2015-2-23 08:55
多謝指點，原來慢車係指不能正常車速。小弟受教

作者: andy3210 時間: 2015-2-23 08:57
8仔係指1：8？可以響JV玩嗎?

作者: 鋒鋒鋒 時間: 2015-2-23 11:35

andy3210 發表於 2015-2-23 08:57
8仔係指1：8？可以響JV玩嗎?

有冇8仔.......你去睇下就知，場內都講明可以玩電8，不如你都做一做功課，爬一爬文

作者: carson6099 時間: 2015-2-23 12:14
本帖最後由 carson6099 於 2015-2-23 12:18 編輯

尋日有ching直路尾解體又唔出聲

作者: andy3210 時間: 2015-2-23 12:15
吾該曬，剛好爬中左呢度所以係你答吾係第二個答咁解啫

作者: georgej 時間: 2015-2-23 12:49
點樣為之正常車速?白豬/4.5如何介定

作者: carson6099 時間: 2015-2-23 13:39
人地話部車有事慢車，同白猪/4.5係冇關係

作者: brianych 時間: 2015-2-23 13:54
本帖最後由 brianych 於 2015-2-23 13:55 編輯

andy3210 發表於 2015-2-23 08:57
8仔係指1：8？可以響JV玩嗎?

近排多咗啲8仔係JV玩，各位小心啲，有啲8仔師兄係唔理死沖爛沖，你哋唔收車就收皮。

作者: carson6099 時間: 2015-2-23 16:07
俾8仔撞到真係腳都断

作者: rcrr 時間: 2015-2-23 17:05
本帖最後由 rcrr 於 2015-2-23 17:11 編輯

其實你架車只要識行識走，唔好連直路都行到S形，行下停下，忽左忽右就OK唔算慢車啦，大家架車都要錢買，都唔係針對新手，總知麻煩架車有事就大大聲話死車就大家安全

其實又唔只係8仔死衝欄衝，12仔10仔一樣死衝欄衝，架架車落到場都死衝欄衝

作者: andy3210 時間: 2015-2-23 17:33
好明白街場一定有些潛規則，正如小學生去球場踢波都吾會走去跟大人隊。但個場就得一個，希望大家快車手容一下比新人或者慢人參與下

作者: georgej 時間: 2015-2-25 15:02

carson6099 發表於 2015-2-23 13:39
人地話部車有事慢車，同白猪/4.5係冇關係

以一個新手計，部車有無事都未知，更何況一些術語規則。
係咪應該見到新手指導一下，吾係在網上指責呢

作者: hydrogen9999 時間: 2015-2-25 18:41
我估樓主的本意唔係想針對新手，新手唔知規矩，提醒完會真心講聲唔好意思，下次注意番，呢d 係值得鼓勵；
但有d 人，提佢唔好故意停在直路，甚至逆線行駛，好聲好氣提佢仲串番轉頭：「新手係咁架啦！」，然後行動照舊

作者: carson6099 時間: 2015-2-25 19:58

georgej 發表於 2015-2-25 15:02
以一個新手計，部車有無事都未知，更何況一些術語規則。
係咪應該見到新手指導一下，吾係在網上指責呢
...

原來慢車都係術語,失敬失敬

作者: 鋒鋒鋒 時間: 2015-2-26 01:55
本帖最後由鋒鋒鋒於 2015-2-26 02:00 編輯

georgej 發表於 2015-2-25 15:02
以一個新手計，部車有無事都未知，更何況一些術語規則。
係咪應該見到新手指導一下，吾係在網上指責呢
...

師兄，見你都好有誠意用咁多字去表達你GA意見，我會接受。字裡行間我都好應該要注意一下。我係呢度開得POST就會預左有不同意見，由此至中我都只係想講，有事（指閣下之搖控車不能正常地於跑道上行駛）真係要出聲，我選擇網上講，當然有我原因。我只係希望新手／老手爬文時會注意到而有所警覺。而且當面講，新手們又接唔接受到？有時提醒人分分鐘俾人鬧番轉頭。
此POST絕無指責成份，我又大膽地問一句我係呢個POST入面有冇開過人地個名／post過人地個樣？有錯請指教

作者: georgej 時間: 2015-2-26 09:07

carson6099 發表於 2015-2-25 19:58
原來慢車都係術語,失敬失敬

哦，原來還溜在慢車一詞，欽敬欽敬

作者: georgej 時間: 2015-2-26 09:14

鋒鋒鋒發表於 2015-2-26 01:55
師兄，見你都好有誠意用咁多字去表達你GA意見，我會接受。字裡行間我都好應該要注意一下。我係呢度開得POS ...

玩車係開心事。撞爛車總會有，開名post相的確係有些問題。文字既爭論輸贏就無咩意思。出來玩車吹水飲下汽水好過啦

作者: 鋒鋒鋒 時間: 2015-2-26 11:18

georgej 發表於 2015-2-26 09:14
玩車係開心事。撞爛車總會有，開名post相的確係有些問題。文字既爭論輸贏就無咩意思。出來玩車吹水飲下汽 ...

但可惜.....有一啲人真係「基本安全意識」都冇，例如當大圍行緊順時針時佢行對頭，當部車死左佢去執車時，執完仲係條track 度慢慢行，提醒完佢都唔會改，其實，我都係想大家開開心心，部車安全落山

作者: carson6099 時間: 2015-2-26 12:44

georgej 發表於 2015-2-26 09:07
哦，原來還溜在慢車一詞，欽敬欽敬

原來你爬文爬得慢，下次快D啦

作者: georgej 時間: 2015-2-26 12:46

carson6099 發表於 2015-2-26 12:44
原來你爬文爬得慢，下次快D啦

無法啦，電腦，手機，遙控車都係新手，要師傅你指點下

作者: carson6099 時間: 2015-2-26 13:02

georgej 發表於 2015-2-26 12:46
無法啦，電腦，手機，遙控車都係新手，要師傅你指點下

我只識睇人玩，不過見有車手掉轉頭行又有，死車唔出聲又有，汁車時唔睇車又有，我都唔敢玩

作者: georgej 時間: 2015-2-26 13:15

carson6099 發表於 2015-2-26 13:02
我只識睇人玩，不過見有車手掉轉頭行又有，死車唔出聲又有，汁車時唔睇車又有，我都唔敢玩
...

識得睇都好勁了，在車場我都未知邊個方向，行順時針還是逆時針?邊個位係轉灣我都吾知?係咪場地有哂路線指引呢？請求指導

作者: carson6099 時間: 2015-2-26 13:19

georgej 發表於 2015-2-26 13:15
識得睇都好勁了，在車場我都未知邊個方向，行順時針還是逆時針?邊個位係轉灣我都吾知?係咪場地有哂路線指 ...

見人行順時針咪順時針，是常識吧，唔識咪問人囉，叫人指教會嚇親人地

作者: georgej 時間: 2015-2-26 13:23

carson6099 發表於 2015-2-26 13:19
見人行順時針咪順時針，是常識吧，唔識咪問人囉，叫人指教會嚇親人地
...

見人行就行?就係學師兄你講，兩個方向都有咁點算
而家我咪問師兄你囉。

作者: carson6099 時間: 2015-2-26 13:32

georgej 發表於 2015-2-26 13:23
見人行就行?就係學師兄你講，兩個方向都有咁點算
而家我咪問師兄你囉。
...

你行完安全就話我知，我都想知

作者: georgej 時間: 2015-2-26 13:36

carson6099 發表於 2015-2-26 13:32
你行完安全就話我知，我都想知

哦，原來新手請教師傅你，係咁既答案回覆。多謝你既解答

作者: carson6099 時間: 2015-2-26 13:41

georgej 發表於 2015-2-26 13:36
哦，原來新手請教師傅你，係咁既答案回覆。多謝你既解答

我驚害左你就唔好啦，我都係新手

作者: georgej 時間: 2015-2-26 13:44

carson6099 發表於 2015-2-26 13:41
我驚害左你就唔好啦，我都係新手

你識咁多野都已經老手啦算了我再問問其他樂意教新手既師傅

作者: georgej 時間: 2015-2-26 13:45

carson6099 發表於 2015-2-26 13:19
見人行順時針咪順時針，是常識吧，唔識咪問人囉，叫人指教會嚇親人地
...

見人行就行?就係學師兄你講，兩個方向都有咁點算
而家我咪問師兄你囉。

作者: bsbteam 時間: 2015-3-22 13:18

georgej 發表於 2015-2-26 13:45
見人行就行?就係學師兄你講，兩個方向都有咁點算
而家我咪問師兄你囉。
...

兩個方向都有車 , 緊係食住花生睇戲啦

作者: QQSON 時間: 2015-4-5 23:42
我想問. 如果架車炒左, 甩左野, 要去執, 係咪大聲講一句"死車", 跟著就睇路去執??

歡迎光臨 RC EVOLUTION - 遙控工房 - 香港RC遙控車討論區 (https://www.rc-evo.com/xbbs/)