RC EVOLUTION - 遙控工房 - 香港RC遙控車討論區

標題: 點解飛機直昇機要用高volt數電? [打印本頁]

作者: 一匹狼 時間: 2012-4-24 00:48
標題: 點解飛機直昇機要用高volt數電?
點解飛機直昇機機仔細細
成日要用到3S,4S電?
用高KV摩打搭2S吾係一樣嗎?
吾係好明

作者: kevin-ysl 時間: 2012-4-24 01:05
玩車你都可以用3s格...
點解唔用係因為要比賽!!
3s嘅好處係電壓高時於同一個功率下電流就會低!!
電流完全就係發熱嘅原兇!!
熱有乜影響...玩車有咁多年經驗嘅朋友一定會明!!
直昇機就冇乜比賽上嘅限制!!
玩450級...而家已經用6s~~~

作者: 16vale 時間: 2012-4-24 01:39
2s+高kv……一打ideal唔夠力，v唔夠kv值，變左哈攪，燒賣。

作者: jd5080 時間: 2012-4-24 01:51
呢個係並聯電路既原理，並聯電路下電壓係相同的，電流會平均分到每舊電池上面，例如總電流係3A,1s就行晒3a,2s平均每舊電行1.5a,3s平均每舊電行1a,如此類推，這樣做可以減輕電池既負擔，從而減少發出既熱力，亦有助電壓的穩定

作者: ccrc 時間: 2012-4-24 03:04
電壓越高在同一功率下電流會少一些。（V電壓 x I電流 =W功率)
但也不是全部是優點，例如場效應管在高電壓下，比較容易擊穿！

作者: kevin-ysl 時間: 2012-4-24 08:57
回復 ccrc 的帖子

呢點起少過DC50v之下都好少要擔心...
冇咁極端情況嗎~~~

作者: simon540 時間: 2012-4-24 12:10
D高手即刻浮晒上水面

作者: CK4237 時間: 2012-4-26 01:15
電流=A(係要計算電流公式上=I), 電壓=V(係要計算電壓公式上=E), 功率=W(係要計算功率或稱為火數公式上=P), 係兩樣唔同嘅野,不過呢兩樣野係分唔開嘅,有電壓一定有電流,同樣有電流都一定有電壓,只係分別在高與低,在同一功率下,電壓高,電流就可以低,反之用電壓低,就要用大電流,簡單來講,如果用電個樣野火數低,高低電壓都無所謂,火數大就用電壓高D有著數,因為大電流會產生高溫,係高熱下對電池,電變,摩打都無乜好處,除咗發熱外,電池要提供大電流而令電壓好快下降.(要做輸出大電流的電池有一定難道,重量,大小,價錢都係問題)所以D大機多數都係用6S或以上,不過要耐壓高嘅電變,寫住HV個D係好很貴,因為要做高耐壓又大電流嘅FET成本係好高................. 再講要講到天光...

作者: 一匹狼 時間: 2012-4-26 10:04
原來如此...多謝高手門解答

作者: mrchow 時間: 2012-4-26 17:10

CK4237 發表於 2012-4-26 01:15

登錄/註冊後可看大圖

電流=A(係要計算電流公式上=I), 電壓=V(係要計算電壓公式上=E), 功率=W(係要計算功率或稱為火數公式上=P), ...

我支持高電壓低電流, 可惜電變好貴!

作者: LamaV3 時間: 2012-4-26 18:36
又學多樣野

其實係咪飛暴力3D先要行高電壓呢??

作者: 138168 時間: 2012-4-26 19:52

LamaV3 發表於 2012-4-26 18:36

登錄/註冊後可看大圖

又學多樣野
其實係咪飛暴力3D先要行高電壓呢??

飛暴力嘅要求是恒速和扭力够，因pitch 轉变角度大，又要保持一定的轉速
低kva的馬達才够扭力，但轉速低，只有提高電壓才能保持轉速，普遍用上10/s-12/s(或更高)，所用的馬達KVA也越來越低，电壓也越用越高了，电壓提高电流也減小些，飛行時間也会長小小

作者: CK4237 時間: 2012-4-27 00:44
摩打需要用幾高電壓,唔係用kv來定,主要係取決於摩打嘅火數,即係Watt (瓦特) 簡寫係W.

作者: 16vale 時間: 2012-4-27 01:01
請問如何得知摩打的W（火力），thx

作者: pokapi 時間: 2012-4-27 01:12
本帖最後由 pokapi 於 2012-4-27 01:12 編輯

細T數摩打火數唔係會大好多架咩

作者: 138168 時間: 2012-4-27 20:29
本帖最後由 138168 於 2012-4-27 22:20 編輯

CK4237 發表於 2012-4-27 00:44

登錄/註冊後可看大圖

摩打需要用幾高電壓,唔係用kv來定,主要係取決於摩打嘅火數,即係Watt (瓦特) 簡寫係W.

摩打設計時已有限定使用的最高电流量(Max continuous current=Amp)和最高功率量(Max continuous power=Watt)，內阻(resistance = Ohms)
摩打構造用：No of stator Arms、No of poles、Wind 和 Wire
但通常計算轉速是用KvA = RPM/ Volt，例如摩打上顯示400KvA，即在1 Volt 時每分钟400轉，10 v 時=4000轉/分钟，用電壓幾高=轉速rpm幾高(無負載時)
小弟對电器唔係幾清楚，請問watt的數據在摩打那裡找到？

作者: CK4237 時間: 2012-4-27 23:50

16vale 發表於 2012-4-27 01:01

登錄/註冊後可看大圖

請問如何得知摩打的W（火力），thx

一般摩打說明書上都會有呢D資料,如果無,可以睇吓個摩打資料上寫嘅可用最高電壓同最大電流量,張兩個數乘埋佢( 例如 11.1V X15A=166.5W)

作者: CK4237 時間: 2012-4-28 00:06

pokapi 發表於 2012-4-27 01:12

登錄/註冊後可看大圖

細T數摩打火數唔係會大好多架咩

理論上會,不過都要睇摩打嘅效率,火數只不過是電學上一種資料嘅名,電暖爐都有標示火數啦,但電暖爐唔會轉.

作者: 16vale 時間: 2012-4-28 00:26
Thx！……小弟只知道直升機摩打，與車用有分別，而小弟只能在三上或單上馬達上找到W，
有師兄說，細T數摩打，我估係講直升機用低kv錦解，唔知係咪呢。

作者: CK4237 時間: 2012-4-28 00:31

138168 發表於 2012-4-27 20:29

登錄/註冊後可看大圖

摩打設計時已有限定使用的最高电流量(Max continuous current=Amp)和最高功率量(Max continuous ...

計火數時係要有負載嘅,不過要睇電壓幾高同負載幾大,唔同嘅資料會得到唔同嘅火數,摩打廠商當然會如閣下所講,會係安全設計數據下,用最高嘅恆定電壓同容許嘅最大負載,得出最大火數,但都會標明最多容許係用到幾多秒,最好唔好用得咁盡,因為有D火數會轉為熱量,BBQ就唔好啦.( W=E X I, 火數即瓦特=電流 X 電壓 ,一般有D牌子嘅摩打都會標明.)

作者: Jkan 時間: 2012-4-28 01:36
其實高或低電壓,只有一種原因,能量損耗!

大電流需要粗的線材,否則電線內阻抗會因為大電流而發熱升高,內阻升高了熱量更高!
高電壓其實也會引致發熱,只是兩者比較下,高電壓優一些吧.
但對電子元件方面高電壓害處就比低電壓要高一些,電磁干擾也大一些,而電子元件也容易損毀一些,所以高或低電壓兩者沒有絕對優勢.
但對MOTOR生產商就完全不同,因為低電壓大扭力MOTOR,生產成本高,製造技術也高,成品良率低,效率低,原因是MOTOR上那些永久磁.強力而薄的永久磁製造困難,原材料也價格高昂,而且也不容易採購.
高電壓的話,一切也變得容易了,所以為什麼大功率RC車用無刷MOTOR,會比較貴,原因是它們用低電壓運作,製造成本高.

作者: 138168 時間: 2012-4-28 20:25

CK4237 發表於 2012-4-28 00:31

登錄/註冊後可看大圖

計火數時係要有負載嘅,不過要睇電壓幾高同負載幾大,唔同嘅資料會得到唔同嘅火數,摩打廠 ...

謝師兄解釋...
例如有只540kv摩打，最大电流120A, 最大火數4800W，(即係 V= I over P)等於用40V=10-12/s 电，咁轉速？

作者: ccrc 時間: 2012-4-28 20:47
本帖最後由 ccrc 於 2012-4-28 21:04 編輯

540KV 用10S 37V 電壓太少用12S好d 12S x 3.7V = 44.4V
44.4V x 540KV = 23976RPM 此為無負載理論值，有負載下要x0.85或更少，此數字不會是固定值，視乎麼打效率而定！

作者: 138168 時間: 2012-4-28 21:41
本帖最後由 138168 於 2012-4-28 21:41 編輯

行咗花園一圈和小弟在16樓貼文差唔多

作者: 16vale 時間: 2012-4-28 23:34
rc車摩打貴D？點解有D直升機12s摩打成3xxx元一個？係咪名牌效應呢。

作者: CK4237 時間: 2012-4-29 00:42

16vale 發表於 2012-4-28 00:26

登錄/註冊後可看大圖

Thx！……小弟只知道直升機摩打，與車用有分別，而小弟只能在三上或單上馬達上找到W，
有師兄說，細T數摩 ...

閣下所講嘅T數(應該唔係講齒輪個D)應該係講銅綫撓在摩打定子上嘅圈數,通常T數少,多數都係高kv,不過kv多少,除銅綫圈數外,還要睇定子糟數,磁石多少才能定.低kv摩打扭力比較大,但都要睇火數,個個都知無論係乜野機,大機重D,就要選大力D嘅摩打,大摩打有1000kv,細摩打都有1000kv,雖然kv一樣,分別就係大嘅火數大,功率高,細摩打當然無咁好力,如果你隻大機裝隻細摩打,睇吓飛唔飛得起,如張電壓加高,個細摩打就會出陣白煙死比你睇.

精工定勞力士邊隻貴呀,當然有名牌效應,不過名牌無可否認,質量真係好D.以上如有講錯,煩請各位高人師兄指正!!!!!

作者: Jkan 時間: 2012-4-29 06:04
本帖最後由 Jkan 於 2012-4-29 06:16 編輯

回復 16vale 的帖子

名牌效應一定!好像IPHONE這例子,APPLE不會製造電話,製造的是富士康,但富士康若是同樣推出電話,品質相信一定會好過APPLE,因為他們擁有技術,但價錢一定平過APPLE,亦一定無APPLE買得好,品牌很重要,它可以另一件平凡的東西變成天價,產品的真正生產商只是賺取些微利潤!同樣很多RC MOTOR品牌根本就不會生產MOTOR,但牌子比別人出名,同一樣東西就是買得比別家貴,多賺的利潤叫做 (商譽) , 商譽很值錢,股票買賣價值中佔最大水份的就是 (商譽),有品質不一定值錢,商譽才值錢!

作者: mrchow 時間: 2012-4-29 22:52

Jkan 發表於 2012-4-29 06:04

登錄/註冊後可看大圖

回復 16vale 的帖子

名牌效應一定!好像IPHONE這例子,APPLE不會製造電話,製造的是富士康,但富士康若是同樣 ...

嘩...
JTeam 人士...

歡迎光臨 RC EVOLUTION - 遙控工房 - 香港RC遙控車討論區 (https://www.rc-evo.com/xbbs/)