RC EVOLUTION - 遙控工房 - 香港RC遙控車討論區
標題: 我的第一次 1/8 电越比賽, 記1月8日KRC 比賽 [打印本頁]
作者: joho 時間: 2012-1-10 17:47
標題: 我的第一次 1/8 电越比賽, 記1月8日KRC 比賽
(希望大家吾好介意我一稿兩投!
)
這次比賽, 可算是小弟近期準備最不充份的一場比賽. 前段時间由於正職煩忙, 再加上之前的 RCI 电越比賽, 基本上一直沒有時间整備手上的 JQ, 在去上海前, 只完成了車架部份, 其餘連桿, 风翼車壳等均未完成. 5号上午把上海公司工作安排好後,马上乘机回廣州, 到中山家裏已是下午5点了. 由於約了版主發當天晚上先到高明, 所以马上把 JQ 餘下的部份組装好, 並開始收拾比賽需要的用品, 這時才發現, 問題大了……..
以下為致电樂樺的談話內容:
Joho: 樺哥仔, 明天可否帶兩缶噴漆給我?
樂樺: 得, 你吾係壳都未噴呀?
Joho: 係…
樂樺: 得.
Joho: 仲有, 請問你用咩油?
樂樺: Maxy, 你油都無?
Joho: 係…
樂樺: …得.
Joho: 仲有, 請問你用咩胎?
樂樺: AKA 14007VR, KRC 呢隻好跑.
Joho: 咁….
你有無貨?
樂樺: 你胎都無?? 我仲有一車份, 無啦!
Joho: 咁…呤……
樂樺: 你…………………………………………………………………….
佢之後所說的話由於兒童不宜, 小弟就不重覆了.
說到這裡, 大家可能覺得奇怪, 到目前為止只提到油車, 那這編報告為什麼叫
“我的第一次 1/8 电越比賽” 呢, 這个就要等下回分解了!
[attach]578450[/attach]
作者: tiger1 時間: 2012-1-10 17:57
等緊多啲故事。
作者: raman9551 時間: 2012-1-10 18:04
回復 joho 的帖子
架車好靚啊
作者: Marksman 時間: 2012-1-10 19:42
又有靚玩具，好想買…
作者: MR.TAMIYA 時間: 2012-1-10 19:56
油改電?
作者: Marksman 時間: 2012-1-10 21:10
>>benlau 吾使想啦！係買就一齊買，我 培你lot! <<
宜家我又諗緊DNX408 和JQ. 不考慮MP9, Mugen 或 Losi, 因佢地和8.2 有d 類似.
作者: ikesan 時間: 2012-1-10 21:14
我都好期待joho師兄既故事下集！
作者: Moonsideryan 時間: 2012-1-10 21:22
的確係正點!
作者: tonglau2000 時間: 2012-1-10 21:26
c-hing 吾知有無多角度的相片
作者: Marksman 時間: 2012-1-10 22:52
本帖最後由 Marksman 於 2012-1-10 22:53 編輯
>>smlming JQ係你心水多D.......<<
作者: coolcooleric 時間: 2012-1-11 00:33
回復 Marksman 的帖子
呢張相好正.....會唔會有video睇呢?
作者: Moonsideryan 時間: 2012-1-11 00:53
回復 joho 的帖子
JOHO C兄 是否見異思遷ED了~ 不過JQ確是吸引!!!!
作者: mansiu 時間: 2012-1-11 01:05
呢架油越又真係幾正喎
作者: 5d709394 時間: 2012-1-11 01:06
下集下集下集
作者: joho 時間: 2012-1-11 13:58
本帖最後由 joho 於 2012-1-11 14:01 編輯
大家久等了, 接上回…..
同樂樺通完电話马上進入
“自我檢討模式”, 再看看自已的倉存, 關於 1/8 的東西確實小得可憐…雖然1/8於我較為玩票, 但若要比賽, 這样的準備確實該駡. 看看時鐘, 已是晚上九時半了! 马上致电發記, 正式出發!
第一站: 东莞
對發記, 我其實是十二分尊重的, 特別是若大家了解他公事如何煩忙, 賽場如何遙遠都盡量堅持参加, 這種對RC的熱誠, 一般人是很難了解的. (包括他太太) 所以只要時间許可, 我都盡量接送這个老友.
到達东莞已是晚上11時了, 怱怱幫發記搬大包小包上車時, 發現某塑料袋入面有像車車的物體…
Joho: 發記, 呢袋係….?
發記: 架 JQ 囉, 未攪掂呀, 仲係散件…
Joho: 未攪掂? 你上次鬥過一場啦! 仲有野攪咩?
發記: 我講架 Tekno 油改电呀! 你無睇我寫d帖架?!
Joho: 係, 係! (發記, 我有睇有回, 不過老人痴呆, 忘記左…)
發記: 套 Tekin 套裝剛到, 我連綫都未焊, 殼又未噴!
Joho: (正在暗喜中, 原來發記都係咁!) 吾怕, 我幫你, 焊綫我熟手. 架JQ-Tekno 做工如何? 仲有, 你上次 KRC 咩 setting?
發記: 妖! 你無睇我寫d帖架?! 套改件正呀~~~ setting方面, JQ油呢就咁咁咁….. 电呢, 由於頭重, 所以我就咁咁咁…..然後咁咁咁…
Joho: 咁得咩? 咁咁咁会吾会更咁咁咁….. 然後…. 咁咁咁….. 就更咁咁咁…..
發記: 咁咁咁……. 吾得! 要咁咁咁…..同咁咁咁….
Joho: 咁咁咁咁咁咁咁咁咁咁…….
發記: 咁咁咁咁咁咁….
結果兩條傻佬就係架車度一直咁咁咁咁咁咁直至到達宝明城酒店為止. 時已晚上零晨1点….
作者: joho 時間: 2012-1-11 14:00
第二站: 宝明城
到達酒店, 第一時间將裝備打開, 作最後準備. 基本上我同發記兩台油版 JQ都大致完工, 所以大家決定先把电版弄好:
Joho: 發記, 你開壳先, 我叫左樂樺帶噴油, 明天先噴.
發記: 好, 咁你先幫我焊綫
此時發記從他的垃圾袋裏拔出一台車, 這也是我第一次看到Tekno版 JQ的實物.
Joho: 咦!? 發記, 塊底版好靚喎!
發記: 係呀, 成4.2mm厚, 仲有偷輕. 呢處開晒位幫你裝配重, 呢度有線糟等你走綫….
Joho: 个马達座! 得! 好得!
發記: 係呀, 調校齒距好方便, 上下兩顆鑼絲一鬆一緊, 成隻全金属, 係好靚~~
Joho: 車架….
好似長過油版??
發記: 5mm.
Joho: 爽, 几好几好…(這時心裡開始有歪念)
發記: 快幫我焊綫啦, 講!
Joho: 發記, 你用几多 Kv马達??
發記: 我睇外国網站, 話用 1900kv夠晒…
Joho: 吾係喎! 樂樺用2250Kv, KRC先夠飛…
發記: 吓! 几時講家??!! 無同我講哦!
Joho: (心底奸笑中), 大件事! 吾好慌, 跑完賣俾我啦…原价.
發記: 吾得! 咁咪你蝕! 咁吾好! (嘿嘿嘿….
發記果然係一个好人)
Joho: 你用咩电池跑?
發記: 咪以前d直條电.
Joho: 拿來, 我予位焊綫.
發記: 得………………………………………….
等……………………………………….
等……………………….
Joho:???
發記: PK啦! 忘記帶!!!!!!!!!
Joho: (哈哈哈哈哈哈哈哈哈……天要亡你啦發記, 吾好怪我!) 吾好慌! 拿拿声叫樂樺明天帶來啦! 我係吾係都打算買直條电, 你鬥遠俾番我係啦!
發記: 吾得! 咁咪你蝕! 咁吾好! (嘿嘿嘿…. 發記果然係一个好人, 再一次)
Joho: 兩兄弟, 講埋d咁野, 無計啦!
發記: 咁吾好!!!!
Joho: 一係咁, 你成台車賣俾我, 你下次再裝一台啦! (哈哈嘿~~~~)
發記: 吓? 咁….
Joho: 得啦~~~(哈哈哈哈哈哈哈哈哈哈哈….)
就咁, 星期六早上, 我枱面上本來係咁:
[attach]578774[/attach]
而家变成咁:
[attach]578775[/attach]
以上亦赤裸裸地展示了一个居心不良的人, 如何一步一步地讓一个老好人掉下佢所置的圈套, 各位小朋友萬莫學習! (哈哈哈哈哈哈~~~~~)
作者: coolcooleric 時間: 2012-1-11 14:32
已經學左了！哈！
作者: tonglau2000 時間: 2012-1-11 14:40
好正!
作者: joho 時間: 2012-1-11 15:14
第三站: 星期六早上11:00KRC車場
與發記一直弄到零晨5点, 怱忙睡一覺, 大約10点就起床了. 由於天气寒冷再加上睡眠不足,在去車場的路上經過上島咖啡, 我們兩个决定還是吃一輪豐富的早歺加一杯香濃咖啡實属必需, 亦由於咁, 到達車場已是11点了. 在此感謝动力車隊讓我這个孤兒仔有房可坐, 感謝!
經過一晚的努力, “我的” 电版JQ已成型了, 欠的就是輪胎, 車壳, 還有避震還未裝上車.
[attach]578797[/attach]
[attach]578798[/attach]
[attach]578799[/attach]
此時梁生也從香港趕到了!
Joho: 梁生, 有無野做?
梁生: 幫樂樺做机械士…(被打斷)
Joho: 得啦, 佢未上場, 帮我黏胎得吾得?
梁生: 但我….
(又被打斷)
Joho: 胎係樂樺度…
梁生: 但我…. (再被打斷)
Joho: 鈴係樂樺度…
梁生: 但我…. (依然被打斷)
Joho: 膠水都係樂樺度…我要噴壳 (马上走出包箱噴壳去)
15分鈡後:
Joho: 梁生, 掂未? 你咁耐都未黏好! 有無攪錯呀!
梁生: 小那爸! 一早想同你講樂樺出左去練車, 我鬼知d胎係边呀! 野都吾俾我講句, xyz@#%!!!!
Joho: 梁大俠! 要飲边隻牌子啤酒?? 食口煙順下气先~~~
結果: 一支大号清島純生+2支沙龍之後, 我枱上就有一套已黏好的 AKA IMPACT. 俗語有云: 禮下於人, 真理來!
作者: ikesan 時間: 2012-1-11 16:01
好似睇小說咁！不停要追落去…！精彩。
作者: ringlecheng 時間: 2012-1-11 16:15
好正精彩!!! :D:D:D:D
作者: joho 時間: 2012-1-11 17:54
試車開始!
由於上次 KRC的比賽已經跑過發記部JQ, 所以對油动版本的車性有一定了解, 因此小弟並不着急下地. 相反, 由於從來沒有開過1/8电車, 再加上小弟對电車的偏好, 我是希望盡快試一試电版的.
經過漫長等車壳幹透的時间, 終於可以下地了! 首先問樂樺拿下兩排ACE电池, 二話不說就下場跑了. 這時候我是用15T的马達齒的, 感覺有点慢. 跳台很輕鬆, 但稍嫌彈弓有点太軟. 跑起來就像我平時跑開的电越, 只是體積較大而之. 回去而後, 马上換上較硬的彈弓, 再換上 16T的马達齒, 己經很滿意了.
作者: eugene.C 時間: 2012-1-11 21:43
我台电JQ(抓娇)呀
作者: Marksman 時間: 2012-1-12 00:39
對你們的熱誠致敬
| 歡迎光臨 RC EVOLUTION - 遙控工房 - 香港RC遙控車討論區 (https://www.rc-evo.com/xbbs/) |
Powered by Discuz! X3.2 |
